¹ TÖ̧Ä̧NÄ̧HUA̧TÄ̧ ppädäcujä cua̧'cua̧tta̧nö̧ suronä 'cuäcuopomenä; Jacob i̧mi̧nä̧ Ö̧Ä̧NÄ̧HUA̧ pi̧nö̧tä̧ tta̧huä̧rä̧cua̧jä̧ ² ja̧'hua̧nä̧ tta̧huä̧ra̧'a̧ttö̧ surojö juiyomettö̧ huȩä̧cua̧jä̧ pädacu pä'ö Jerusalén ra̧'a̧ttö̧. ³ Ja̧u̧mä̧ amöcuä̧dä̧cua̧ cuiäre iyähuä cuiyinö ja̧'hua̧nö̧ amucuäda'attö i̧sa̧rä̧ cuä'ö ku cuiyö'inä ȩsȩhuä̧cua̧. ⁴ Cuamiso'quinä cuamöcuädö i̧yä̧cua̧jä̧ ja̧'hua̧nö̧ iyomenä cuamucuädäjimä o'cajuiyönä jä̧cua̧'a̧. ⁵ Ja̧'hua̧nö̧ ja̧'a̧ Juo̧'u̧mä esehuä̧cua̧ ucuru isojocuepumä, ja̧'hua̧ta̧'a̧nö̧ ujutu TIÄ̧NÄHUA̧ DIOS i̧minätä̧, cätepäcuotöjä bandera i̧sä̧ta̧. TÖ̧Ä̧NÄHUA̧TÄ̧ iyä̧cua̧jä̧ jäcuepumä. ⁶ Jitämä ttömä̧ huo̧jua̧chi̧'ö̧sä̧ CHIÄ̧NÄHUA̧ ucu a̧dȩja da'epu ȩmu cu̧ju̧ninäcu̧ru̧mä ädätöjä; Ucumä cuädätä̧cua̧jä̧ cujurucu cumu cu̧huo̧jua̧'a̧nä cui̧rȩjä̧ moro̧jä̧ a̧di̧huä̧jä̧ra̧'a̧ttö̧. ⁷ Korotömä ucuo teähuätö carucä curä rohuähuö tti'chäcätä ja̧'huata̧'a̧nö̧ korotömä ttäji̧mu cahuayu̧tu̧ru̧tä̧, ja̧'hua̧nö̧ ja̧'a̧nä̧ ujutumä TÖ̧Ä̧NÄHUA̧ DIOSRÖTÄ ucuo tetähuäja. ⁸ Jahuätörömä kä'ö icuomenä mattä̧chä̧cuo̧tö̧, ja̧'hua̧nö̧ ja̧'a̧nä̧ ujutumä tujuruhuäcuotöjä ja̧'hua̧ta̧'a̧nö̧ tä̧rä̧mi'a̧cuo̧tö̧jä̧. ⁹ TÖ̧Ä̧NÄ̧HUA̧, ru̧hua̧rö̧ ö̧ji̧pö̧nä̧ ppä'ädi; ppä'äditö ujutu jaunö huotomenä. huotomȩnä̧mä̧ ppäcuädatöjä̧.