¹ ¡Mo̧ro̧jä̧mä̧ Dios usärötä i̧jȩpa̧'a̧, mo̧ro̧jä̧mä̧ aditähuätä ttu̧huo̧jui̧pö̧nä̧ jiähua'a! ² Mo̧ro̧ji̧'a̧cuä̧ ucuocumä daipötä ka̧'a̧; yodojinö̧'a̧cuä̧ u̧huo̧juö̧mä̧ i̧jȩcuä̧cha̧'a̧. ³ Ucuocuäjimä juiya'a; i̧huȩnȩmä̧ ä̧ju̧cuä̧cuä̧huo̧ca̧'a̧. ⁴ I̧huȩnȩmä̧ pi̧jä̧ o'cajuiyötä 'cha̧'a̧ ja̧'hua̧ta̧nö̧ ucuocuäjimä pi̧jä̧ beipome jubö 'cha̧'a̧. Ja̧u̧mä̧ kä̧hua̧ ojusode'i̧nä̧ ku̧ni̧nö̧ jahuätö ttö̧'cä̧tȩ jo̧mȩmä̧. ⁵ Kä̧hua̧mä̧ ttö̧'cä̧rä̧ya̧ ä̧'o̧ca̧ttö̧ räopa'a jä̧'i̧nö̧'a̧nö̧ rä'opö ja̧'hua̧ta̧nö̧ ya̧tȩ ju̧ru̧hua̧ eseunö jopö jä̧'i̧nö̧'a̧nö̧ hua̧. ⁶ Kä̧hua̧mä̧ ö̧jo̧mȩttö̧ ö̧da̧cuo̧i̧nä̧ kä̧dȩpö̧mä̧ mo̧ro̧jä̧ pä̧cuä̧dä̧jä̧cu̧ ma̧'a̧chö̧; ja̧u̧ udupöttömä ki̧'o̧co̧jä̧. ⁷ TÖ̧Ä̧NÄ̧HUA̧TTÖ̧ hueähuä huȩnȩmä̧ jo̧mȩnö̧tä̧ jö̧ ja̧'a̧, tta̧'cua̧rö̧'i̧nä̧ ppa̧huä̧di̧pö̧; TÖ̧Ä̧NÄ̧HUA̧ ötö'cömä tta̧'cua̧ huȩnä̧rä̧cuä̧huä̧ ja̧'a̧, jȩru̧pa̧rö̧'i̧nä̧ huo̧juä̧huä̧ u̧ju̧näru̧nä̧ jȩpö̧, ⁸ TÖ̧Ä̧NÄ̧HUA̧ jȩttä̧cuȩ jiäumä jueö huȩnȩ ttamiso'qui'i̧nä̧ eseunä̧ jȩö̧ ja̧'a̧; TÖ̧Ä̧NÄ̧HUA̧TTÖ̧ hueähuä huȩnȩmä̧ koromä̧ ppächocö, tti'ärenä tottönä tȩyqö̧a̧u̧ ja̧'a̧. ⁹ TÖ̧Ä̧NÄ̧HUA̧RÖ̧ ucuotäcuämä korojueimä̧ huihuacu ja̧'a̧, 'cuäopönä̧tä̧ kä̧cuȩ; TÖ̧Ä̧NÄ̧HUA̧ adiu jȩpä̧tö̧ jȩtta̧ pä'ö ujunäjimä isopäi'önä huȩnȩ ja̧'a̧, ja̧'hua̧ta̧nö̧ jo̧mȩnö̧tä̧ jueö huȩnȩtä̧ jö̧! ¹⁰ Ja̧u̧mä̧ rö̧ä̧nä̧ micuäu ja̧'a̧ orottö'i̧nä̧ abonä̧nö̧, oro adihuäjueittö'i̧nä̧ yabonä̧nö̧; mayattö'i̧nä̧ yabonänö̧ sa̧dö̧ ja̧'a̧, mayatö ttäbättö huerächoyattö'i̧nä̧ abonä̧nö̧. ¹¹ Iso päi'önä̧tä̧, ucu cu̧mu̧huä̧ya̧ hua̧rö̧mä̧ ji'äu ku̧nu̧jä̧; esetömä rö̧ä̧nä̧ micuäu juäi ȩmä̧cua̧. ¹² ¿Ditä jä̧ttö̧ a̧mo̧nä̧ suronä jȩä̧ji̧ pojö icua'anö hua̧mä̧? Töcö icuittö jacuänä suronä jȩchi̧nö̧ chu̧ju̧nä̧rö̧. ¹³ Ucutä cu̧mu̧huä̧ya̧rö̧ jarodö suronä jȩa̧'a̧cu̧ to̧pä̧ri̧rö̧; jarocui'ätö surojö huea'anä ttönä. Ja̧'hua̧nö̧ jö̧ttö̧tä̧ adiunä hua̧ chö̧jä̧cua̧sä̧, surojöttö'inä huȩnȩ jui̧'a̧ jö̧nä̧ ucucumä. ¹⁴ Ttö chamiso'quitö amucuädö chucuomä UCU cuä'catömä adiu jö̧nä̧tä̧ to'cuattö pä'ö, CHÖ̧NÄ̧HUA̧, ucutä ja̧'a̧ i̧nä̧huä̧ 'cua̧rö̧nä̧ hua̧mä̧ ja̧'hua̧ta̧'a̧nö̧ ttö surojöttö chö̧ji̧pö̧nä̧ ppa'adinömä.