¹ ¡CHÖ̧Ä̧NÄ̧HUA̧, huopönö jueönä jädepömä ä̧ju̧cui̧ttö̧; ppäcuädattö pä'ö jädepömä ä̧ju̧cui̧tö̧! Ä̧cui̧ttö̧ jueönä ucuocu jädepömä yaparemä'cö. ² ¡Huȩnȩ jui̧'a̧ 'cua̧rö̧nä̧ topö ichö ppä'ädittö; surojö jui̧'a̧ jö̧nä̧ topittö!. ³ UCUMÄ ttö chamöcuädö ka̧cuä̧mö̧ topöjä, ttö'cö cuicua pä'ö, yodo ichö, ja'hua̧nö̧ ja̧'a̧nä̧ po̧cui̧o̧po̧cö̧jä̧ suronä jȩcha̧ pä'ö chamöcuädömä; ttö chätömä suronämä pä̧di̧yä̧cua̧sä̧. ⁴ Pi̧jä̧ ttö̧ja̧ttö̧ jȩtö̧mä̧, ucutä cuättö päcumä, ttömä jȩpä̧cö̧ pä'ijösä suronä jȩpä̧tö̧ jȩttö̧mä̧. ⁵ Ttömä 'chä̧'i̧jö̧sä̧ ucu cu̧mä̧nä̧nä̧tä̧; chö̧jä̧pö̧mä̧ jäyä kä̧do̧cö̧ pä'ijösä. ⁶ Ttömä ucurutä huopäsä, huochomenämä cuädätäcusä, CHÖ̧Ä̧NÄ̧HUA̧; pä'äjita'anö huo'chömä ä̧ju̧cui̧ttö̧ ja̧'hua̧ta̧'a̧nö̧ chucuocu'inä ä̧ju̧cui̧ttö̧. ⁷ ¡Cuesecuinä jinö i̧jȩpi̧ cuadihuänätä̧, UCUTÄ ja̧'a̧ cu̧juo̧jua̧'a̧nä̧ i̧sa̧mö̧nä̧ ttä̧tȩcuä̧ttö̧ ttö̧ji̧pö̧nä̧ ppä'ädömä ttabo'iyottöttö ucunä ttö̧ji̧pa̧ pä̧'ö̧ ichätörömä! ⁸ Cuiäre adiunä to'cunä ppädome tta̧cua̧ra̧'i̧a̧nö tta̧a̧ri̧ttö̧; ucu cujabä de'a̧a̧ yo̧cu̧ jo̧me dajö icu'ittö ⁹ chaboyotö a̧u̧tu̧ sobucu'ächönä ttö̧jo̧mettö̧. ¹⁰ Jahuätömä rȩrö̧jö̧mä topocotö ya̧tȩrö̧'i̧nä; ttättömä adiunätä̧ ucuocuätö. ¹¹ Cuedächome jö̧ta̧'a̧nö sobucuächönä kä̧tö̧ jahuätömä. To̧ttä̧rä̧cu̧sä̧ jahuätömä cuä'ö tticua pe'ö rȩjȩ madö̧nätä̧ päi'önä. ¹² Ja'huatömä muyähui̧ ö̧'o̧ya̧rö̧ a̧bo̧ta̧ pe'ö tta̧huä̧rä̧'i̧a̧nö huotö jahuätömä, ja̧'hua̧ta̧'a̧nö̧ muyähui i̧tti̧mu dajahuächö idoränä tti̧ä̧'i̧a̧nö huotö. ¹³ ¡Ä̧rä̧mi̧'i̧, TÖ̧Ä̧NÄ̧HUA̧! ¡Rohuähuirö! ¡Kä'ö icuirö i'ämä̧ rȩjȩcu̧tä̧ päi'önä̧! ¡Cucurä'chunä cha̧'cua̧rö̧mä̧ ki̧'ö̧nä̧ jȩpi̧ttö̧! ¹⁴ ¡TÖ̧Ä̧NÄ̧HUA̧ ttö̧ja̧ttö̧ chu̧ji̧pö̧nä̧ cu̧mö̧nä̧ ȩmö̧ ppä'ädittö, pi̧jä̧ ttö̧ja̧mä̧ ttöäre rö̧ä̧chö̧mä̧ tta̧'cua̧rö̧tä̧tä̧ ja̧'a̧! Ucumä jacuänä̧mä̧ Ucuttö rö̧ä̧nä̧ ku̧nä̧rä̧cuä̧huä̧tä̧ rö̧ttä̧chö̧nä̧ jȩpö̧jä̧; jahuätömä̧ tti̧tti̧mö̧ recuätörö ttu̧ju̧nä̧rä̧cuo̧tö̧ ja̧'hua̧ta̧nö̧ ttöäre jä̧ji̧mä̧ tti̧tti̧mö̧rö̧tä̧ ttiyipäcuotö. ¹⁵ Ttö chutö'cömä̧, jueö huȩnȩtä̧ jȩchä̧'i̧ja̧'ttö̧ to̧chä̧cua̧jä̧, ttö juiyo chȩsȩhuä̧cua̧sä̧, chu'orächi'omenä̧mä̧ cui'ätä topösä.