¹ CHÖ̧Ä̧NÄ̧HUA̧, ¿Di kijä̧ ucu cu̧jodenä ö̧jä̧cua̧mä̧? ¿Di jä̧ttö̧ ö̧jö̧'a̧nö̧ hua̧mä̧ ucu cu̧jo̧mȩ möä'quiyu su̧ro̧jö̧ juiyome? ² Suronä'i̧nä̧ jȩpo̧cö̧tä̧, adiunä jö̧ jȩpö̧tä̧ ja̧'hua̧ta̧'a̧nö̧ iso jö̧ ucuocutä amiso'qui jacuättö. ³ Yapare huȩnȩ jö̧ ucuocuocötä, korotörö suronä jȩpo̧cö̧tä̧, ja̧'hua̧ta̧'a̧nö̧ ö̧jo̧mȩ ppȩyä̧nä̧ kö̧rö̧ pä̧i̧cu̧nä̧ huopö 'cho̧cö̧rö̧tä̧. ⁴ Jitö topu kȩi̧pä̧chä̧tö̧tä̧ kö'cocotömä ja̧'hua̧nö̧ ja̧'a̧nä̧ jitö yeecunö ucuotätömä TÖ̧Ä̧NÄHUA̧RÖ̧. Jitö esecu ucuocu ttö̧ju̧ni̧nö amucuä̧rö̧ jȩpu̧nö surähuätö. ⁵ Jitö micuä ttemu abonänö usähuä ȩmoco̧tö̧mä. Jahuätömä suronä jȩttä̧ pe'ömä jui'ätö ja̧'hua̧nö̧ jȩttä̧'u̧jä̧ pä'ö amucuädocotörö. Ja̧'hua̧nö̧ kä̧tö̧rö̧tä yaocu icuähuocotö tti̧jä̧cuo̧tö̧.