¹ Huo̧juȩcu̧nä̧ a̧mö̧cuädocömä̧ a̧mi̧so'quinä̧mä̧ pä'ö: "Diosmä̧ to̧a̧'a̧" Jahuätömä nä̧u̧cuä̧rä̧cuä̧huä̧ ttö̧ja̧tä̧ huotö ja̧'hua̧ta̧nö̧ su̧ro̧tä̧cuä̧huä̧tä̧ jȩpä̧'i̧jä̧tö̧, yoröiso ya̧tȩ'i̧nä̧ toa'a adiu jȩpö̧mä̧. ² TÖ̧Ä̧NÄ̧HUA̧MÄ̧ mo̧ro̧jä̧ra̧'a̧ttö̧ rȩjȩcu̧ topö pi̧jä̧ tti̧tti̧mö̧ttö̧ yotöte huo̧jui̧'ä̧tö̧'i̧nä̧, Churutä usätö'i̧nä̧ ttö̧ja̧cua̧ pä'ö. ³ Jahuätömä o'catoi'önä̧tä̧ tto'ca'acu ppa̧'ä̧chä̧chi̧nä̧tö̧. Jahuätömä̧ o'catoi'önä̧tä̧ nä̧u̧cuä̧rä̧cuä̧huä̧ ttö̧ja̧ jö̧nä̧tä̧ juo'ächinä̧tö̧. Ya̧tȩ'i̧nä̧ toa'a adiu jȩpö̧mä̧, yoröiso ya̧tȩ'i̧nä̧. ⁴ ¿Jahuätömä yoröiso jerupätö, jitö surojö jȩpä̧tö̧mä̧, jitö chu̧mö̧huäyotörö panppä̧ ttucua'a jä̧'i̧nö̧'a̧nö̧ cuätömä ja̧'hua̧ta̧nö̧ TÖ̧Ä̧NÄ̧HUA̧RÖ̧ huopocotömä̧? ⁵ ¡Jahuätömä ye'ecu ttö̧'ä̧huä̧tö̧, ja̧'hua̧nö̧ ja̧'a̧ TÖ̧Ä̧NÄ̧HUA̧MÄ̧ adiu jȩpä̧tu̧cu̧ kö̧! ⁶ Ucutu usurä isotörö ttucuo jui'ätörö 'cua̧rö̧nä̧ jȩpä̧tö̧mä̧, jahuätö dajahuächö ttö̧jo̧mȩmä̧ TÖ̧Ä̧NÄ̧HUA̧TÄ̧ ja̧'a̧, ⁷ ¡CHI̧Ä̧NÄ̧HUA̧ Jerusalénttö̧ cuicha pä'ö pä̧huä̧rö̧jä̧cu̧sa̧ Israel ttö̧ja̧rö̧ ppä'ädö! ¡CHÖ̧Ä̧NÄ̧HUA̧ cumucuäyotö ttusurähuomȩttö̧ ppa̧'a̧dö̧ cui'cächomenä̧mä̧, Jacob pi̧nö̧mä̧ Israel ttö̧ja̧cu̧ rö̧ä̧ö̧nä̧ esehuä̧cua̧!.