¹ ¿CHI̧Ä̧NÄHUA̧ tta̧'a̧nö recuo cunichia̧cua̧'a̧ttö̧ ttörömä? ¿Ucumä tta̧'a̧nö recuo cuidajuächäcua'attö ttörömä? ² ¿Tta̧'a̧nö recuo chämucuä̧rä̧cua̧'a̧ttö̧ ja̧'hua̧ta̧'a̧nö̧ cha̧'cua̧ tta̧'ȩcu̧ kä̧nö o'cajuiyönä moro̧ jö̧ a̧'u̧cuä̧mä? ¿Tta̧'a̧nö recuäcua'attö ttörö chaboyotö isó jottepäcua'amä? ³ ¡ Ja̧'hua̧nö̧ topu ädätittö, CHI̧Ä̧NÄHUA̧ DIOS! chiäre tochönä jȩpi̧ttö̧ ja̧'hua̧nö̧ jo̧ca̧a̧ jö̧ ttö̧mä hua'ö chicuäcua̧sä̧. ⁴ Ja̧'a̧ttä̧ to'cuä ttö chaboyotö pättönä: juo̧'u̧ru̧mä ujututä iso jotepäcu pä'ö, ja̧'hua̧ta̧'a̧nö̧ chaboyotö ttörö pättönä: juo̧'u̧ru̧ ujututä juruhuätöjä pättönämä isojoepättöjä pä'ö, ja̧'hua̧ta̧'a̧nö̧ ttö chaboyotö ttesehua'acu ttö iso jodepocömä. ⁵ Ja̧'hua̧nä̧ ja̧'a̧nä̧ ttö̧mä̧ 'cha̧'cua̧ huä̧nä̧rä̧ji̧sä̧ Ucu ucuocu cuesecuinönä̧; ttö chamiso'quimä esehua'a Ucu surojuttö ttö̧ji̧pö̧nä̧ ppäcuädönä̧. ⁶ TTö̧mä̧ ra̧dä̧cua̧sä̧ TÖ̧Ä̧NÄ̧HUA̧RÖ̧ juhua'amä̧ adiu jȩa̧'a̧ttö̧ ttörö.