¹ Pä'ädittö, CHÖ̧Ä̧NÄ̧HUA̧, rȩrö̧jö̧nä̧ topö ppä'ädömä jurunä dä'ähuächö; pä'öanö jȩpö̧mä̧ dä'ähuächö. ² O'catoi'önä yapare ucuocuätö ttippeyänä kö̧cu̧mä̧; o'catoi'önä ttänämä adiu esehuätöjä pä'ö ucuocuätö ja̧'hua̧'a̧nö̧ ja̧'a̧nä̧ ttämiso'quittömä todärenä huotö. ³ CHÖ̧Ä̧NÄ̧HUA̧ ja̧'hua̧nö̧ ucuocuätö o'catoinä̧rö̧ 'chuhuädö ku̧ni̧, ya̧cu̧nä̧ ucuocuätö rö̧ä̧ö̧nä̧ jö̧. ⁴ Jahuätömä pi̧yȩ pä'ö ucocuätö: ''Ujutu rö̧ä̧ö̧nä̧ tucuo'cuomenä iso juotepäcuotöjä. Ujutu ucuocu pätäcuotöjä: ¿ditä ki ujuturu huea pä'ö kö̧mä̧?. ⁵ Usurä i̧sa̧rö̧ pä̧i̧cu̧nä̧ jȩtta̧'a̧ttö̧, recuärö̧jä̧cu̧ru̧ dä'ättu'unä jȩtta̧'a̧ttö̧, TTÖTÄ chä̧rä̧mi̧'ä̧cua̧sä̧," pä'ö TÖ̧Ä̧NÄ̧HUA̧MÄ̧. "Ttötä chi̧yä̧cua̧sä̧ ro̧huä̧pi̧jö̧ juiyönä ttö̧ja̧ pä'ö ja'huätörö recuä rö̧ja̧'a̧ttö̧." ⁶ TÖ̧Ä̧NÄ̧HUA̧ i̧huȩnȩmä̧ surojö juiyötä hua̧, pi̧jä̧ttö̧mä̧ plata ocuränä ku'icu pojopö tticua'a jä̧'i̧nö̧'a̧nö̧, ji̧mu̧tȩ ta'arenö jo̧mȩnä̧ ppa̧'a̧dö̧ pojopö tticua'a jä̧'i̧nö̧'a̧nö̧. ⁷ ¡Ucu ja̧'a̧ CHÖ̧Ä̧NÄ̧HUA̧! Ucutä tta̧'a̧rö̧jä̧. Ucumä hua'adö ku̧nu̧jä̧ adiunä jȩpö̧rö̧mä̧ pi̧yȩ pä̧nä̧ ko̧cuä̧tö̧ttö̧ 'cuäopönätä̧. ⁸ Surunä jȩpö̧mä̧ cue'ächö kö̧ surojö ko̧mȩtä̧ suronä jȩpä̧tö̧ tti̧tti̧mö̧ ttö̧jo̧mȩtä̧.