¹ Jitämä, curohuähuätucua jo̧mȩnö̧ ko̧cuä̧tu̧cui̧, curäruhuä tti̧tti̧mö̧jä̧; su̧ro̧do̧u̧mä̧ tto̧ttȩpä̧u̧jä̧ ötahuiyä'inä sobucuächönä, Israélttö röji pähuä i̧sa̧ i'änä cuättäcuotö i̧so̧'quȩnä̧. ² Ja̧'hua̧nö̧ ja̧'a̧nä̧ ucu, Belén Efrata, Juda ahuaruhua o'cotöttö ji̧'qui̧cha̧hua̧ cua'anä, ucuttu ya̧tȩ i̧chä̧cua̧ Israelnä ruhuo huȩä̧cua̧mä̧, ä̧cuo̧mȩnä̧tä̧ pätecuächina'a̧ttö̧ jahuätöttö, 'cuäopönätä. ³ Ja̧'hua̧nö̧ ja̧'a̧nä̧, Diostä i̧yä̧cua̧, jitä muchaju kä̧ju̧, ji̧'qui̧cha̧hua̧rö̧ o'ca juojome jubu, ja̧'hua̧nö̧ ja̧'a̧nä̧ ahuaruhuämä, ppa̧ttä̧chä̧cuo̧tö̧ Israél ötahuiyäcutä. ⁴ Ja̧u̧mä̧ ä̧rä̧mi̧'ä̧cua̧ u̧mu̧huäyotörö oipa pä'ö TÖ̧Ä̧NÄ̧HUA̧ ujurunätä̧, chutä Ö̧Ä̧NÄ̧HUA̧ Dios ujurunä. Jahuätömä juȩnȩtä̧ ttö̧jä̧cuo̧tö̧, ja̧'hua̧nö̧ jo̧mȩnä̧ JA̧U̧MÄ̧ ucuo jö̧nä̧ ö̧jä̧cua̧ pi̧jä̧ beipächome jubu. ⁵ Ja̧u̧nä̧ jä̧cua̧'a̧ surojö juiyönä tö̧jö̧nä̧ jȩä̧cua̧mä̧. Asirio ttö̧ja̧ ti̧rȩjä̧ ra̧'a̧ ttichomenä, ja'huätö tiäre ko̧cuo̧mȩ tojusode jäcuä dodettämenä, ja̧'hua̧nö̧ jo̧mȩnä̧ jahuätörö totta pä'ö huetäcuotöjä ji̧mu̧tȩ ta'arenä oicuä ttö̧ja̧ro̧ ja̧'hua̧ta̧'a̧nö̧ ji̧mu̧tȩ huäbodäcuänö jä̧mȩ ttö̧ja̧ tturuhuotörö jahuätörö totta pä'ö. ⁶ Ja'huätömä tta̧ttä̧rä̧cuo̧tö̧ Asiria rȩjȩnä̧ ko̧cuä̧tö̧rö̧ ttucurä'chunä, Ja̧'hua̧ta̧'a̧nö̧ Nimrod i̧rȩjä̧'i̧nä̧ ttapate ä'ca jo̧mȩ. Ja̧u̧tä̧ ujuturu ppä̧dä̧cua̧ Sirio 'chu̧ttä̧ro̧mȩttö̧, ujutu ti̧rȩjä̧ 'cho'ipö ttichomenä, ujutu ti̧rȩjä̧ jacua dodettomenä. ⁷ Jacob ahuaruhuä o'cotöttö ötahuiyänä ko̧cuä̧tö̧ ja̧'a̧, ajiya 'chȩnö̧ icha'a jä̧'i̧nö̧'a̧nö̧ ko̧cuä̧tö̧mä̧ TÖ̧Ä̧NÄ̧HUA̧TTÖ̧, ajiyä dede'cua iyepa'a jä̧'i̧nö̧'a̧nö̧, pi̧jä̧ ttö̧ja̧sa̧rö̧mä̧ tta̧'a̧ro̧co̧tö̧, ja̧'huä̧tö̧mä̧ tta̧'u̧ huä̧na̧ro̧co̧tö̧ pi̧jä̧ ttö̧ja̧ tti̧tti̧mö̧rö̧mä̧. ⁸ Jacob ahuaruhuä o'cotöttö o'cajuiyönä ruhuäcuiyä pa̧ja̧cuä̧chö̧nä̧ ttö̧jä̧cuo̧tö̧, recuätö ttidepiyu jö̧ta̧'a̧nö̧, de'a isotö ttö̧'cä̧tȩ mö yähui ö̧ja̧'a̧ jä̧'i̧nö̧'a̧nö̧ ttö̧jä̧cuo̧tö̧, mö yähuyi i̧tti̧ oveja̧ttö̧ ttö̧'cä̧tȩ ö̧ja̧'a̧ jä̧'i̧nö̧'a̧nö̧. Ja̧u̧ ja'huätö ttö̧'cä̧tȩ 'cuäoponmenämä, ja'huätörö kä̧dö̧ i̧cuä̧cua̧ ja̧'hua̧nö̧tä̧ 'torö icuäcuotö, ja̧'hua̧nö̧ jo̧mȩnä̧mä̧ ya̧tȩ'i̧nä̧ toäcua'a ja'huätörö ppä'ädömä. ⁹ Cua̧monä cujurunätä cuabo'iyotörö si'epö cui̧cuä̧cua̧jä̧. ¹⁰ "Pa̧'a̧nö̧ 'cuäopäcua'a ji̧yȩnö̧ mo̧ro̧mä̧," Pä'ö TÖ̧Ä̧NÄ̧HUA̧MÄ̧, "TÖTÄ si'epö chi̧cuä̧cua̧sä̧ ucutu cuä̧ji̧mö̧ ca̧hua̧yu̧tu̧ru̧'i̧nä̧ ja̧'hua̧ta̧'a̧nö̧ pparopö chi̧cuä̧cua̧sä̧ dottö ocä'inä. ¹¹ TÖTÄ si'epö chi̧cuä̧cua̧sä̧ ti̧rȩjä̧nä̧ ko̧cu̧ ötahuiyä'inä ja̧'hua̧ta̧'a̧nö̧ kä'ö chi̧cuä̧cua̧sä̧ ttiäre juru'u juei ttu̧ju̧nä̧ro̧mȩ'i̧nä̧. ¹² TÖTÄ si'epö chi̧cuä̧cua̧sä̧ cumäri'ä jö̧nä̧ cu̧ju̧nä̧rä̧cu̧tu̧'i̧nä̧, ja̧'hua̧nö̧ jo̧mȩnä̧ ucumä yorö'isotä juiö'inä päcujui̧yä̧cua̧jä̧. ¹³ TÖTÄ si'epö chi̧cuä̧cua̧sä̧ i̧sa̧ a̧'cua̧juä̧ 'co̧'ö̧ adicuä'inä ja̧'hua̧ta̧'nö̧ inähuä ucutu ucuo tecuähuätucuähuä'inä. Ucumä ucuä te'ähuo'cö cuä̧cua̧jä̧ cua̧mo̧nä̧ cuaditönämä. ¹⁴ TÖTÄ que'opö chi̧cuä̧cua̧sä̧ Asera ka̧'cua̧juä̧ ko̧mȩ kada'cattö ucutu cuä'ca jo̧mȩttö̧ ja̧'hua̧ta̧'a̧nö̧ TÖTÄ si'epö chi̧cuä̧cua̧sä̧ cutahuiyä'inä. ¹⁵ TÖTÄ ro̧dȩpä̧cua̧sä̧ jȩcu̧'i̧nä̧tu̧cu̧mä̧ chujurucu ja̧'hua̧ta̧'nö̧ pä̧'i̧cu̧nä̧ ruhuäcuiyä pa̧ja̧cuä̧chö̧nä̧ ttä̧ju̧cuo̧ca̧'a̧ttö̧."