¹ Ttömä pä'inösä: "Jitämä ä̧ju̧cuä̧tu̧cui̧, ucutu Jacobttö tturuhuotö jö̧nä̧ kä̧cuä̧tö̧ ja̧'hua̧ta̧'a̧nö̧ Israelnä ruhuo hue'ö ka̧cuä̧tö̧: ¿Ucuturumä adihuoca'a hueähuä huȩnȩ cu̧huo̧juä̧chi̧'ä̧tu̧cua̧ pä'ömä? ² Ucutu, adihuäjueimä kö'cöcotöjä ja̧'hua̧nö̧ ja̧'a̧ttö̧ surojötä repe'ätöjä, ucutu ja̧'a̧ i̧jȩta̧ ti̧jȩta̧'i̧nä̧ 'pa̧'ö̧ icuätömä, idepä'inä ihue'quiyutä ki̧'i̧pö̧nä̧.-- ³ Ucutu ja̧'a̧ TTÖ chu̧mu̧huäyotö ttidepä'inä cui'i'ätömä, ja̧'hua̧nö̧tä̧ ppo̧'ö̧cu̧nä̧ 'cui'ö icuätöjä, uriyunä datta pä'ö jä̧i̧nö̧'a̧nö̧, isäbanä ȩnö̧ ttu̧ju̧nä̧'i̧nö̧'a̧nö̧. ⁴ Ja̧'hua̧nö̧ ja̧'a̧ttö̧, ucutu nrohuo hue'ätömä, huocu'äcuotöjä TÖ̧Ä̧NÄ̧HUA̧RO̧TÄ̧, ja̧'hua̧nö̧ ja̧'a̧nä̧ JA̧U̧MÄ̧ adätö jui̧yä̧cua̧. Ja̧u̧mä̧ i'ä'inä i̧jȩcuo̧cö̧ jä̧cua̧ ucuturu ja̧u̧nu̧ pä̧nämä, jua'amä suronätä̧ jecu'ätucua'attö." ⁵ TÖ̧Ä̧NÄ̧HUA̧MÄ̧ pa̧'a̧nö̧ pä'ö Dios päö ji'ähuätö jittäumä TTÖ chumähuäyotö jitötä pä̧huä̧rö̧jö̧'a̧nä̧ cuettächönä jȩpä̧tö̧: "Jahuätö ttu̧cuä̧ iyätörömä, jahuätörömä ji'ähuätö: 'Ucuturumä cuäditähuätucu'inä adiunätä̧ jä̧cua̧'a̧.' Ja̧'hua̧nö̧ ja̧'a̧nä̧ jitö ttu̧cuä̧'i̧nä̧ iyocotörömä, jahuätucumä ttörohuähua pä'ötä pätecuächina'a̧. ⁶ Ja̧'hua̧nö̧ ja̧'a̧nä̧, ucuturu Dios pä'ömä i̧jȩcuä̧chö̧ juiyäcua'a; ucuturumä yo̧ä̧cua̧'a̧ jue'ö amöcuädätöjä päcuätucua'acu pä'ö. Kä̧hua̧'i̧nä̧ yo̧i̧'ä̧cua̧ Dios pä'ö ji'ähuätörömä, ja̧'hua̧ta̧'nö̧ mo̧ro̧'i̧nä̧ yo̧i̧'ä̧cua̧'a̧ jahuätörö. ⁷ Pa̧'a̧nö̧ jä̧cua̧'a̧ pä'ätö'inä dä'ä ttu'utä dä'ättutäcuotö, ja̧'hua̧ta̧'a̧nö̧ jue'ö p'ätöjä pä'ätö'inä jerutu icuähuotötä ttäcuotö. Ja'huätö oi'catoi'önä ucuocuocotö ttäcuotö, TTÖTTÖMÄ ädätäcuähuä huiyäcua'a." ⁸ Ja̧'huanö ja̧'a̧nä̧ ttömä, CHÖ̧Ä̧NÄ̧HU̧A̧ Dios a̧'cua̧ru̧hua̧ ujurutä ku̧nä̧rö̧sä̧, ku̧nä̧rö̧sä̧ yoräteunä amucuädäcuähuätä a̧'hua̧ta̧'a̧nö̧ chujurutä, jidähua pä'ö Jacob jarodö jȩö̧ ja̧'hua̧ta̧'a̧nö̧ Israél ttö̧ja̧ su̧ro̧nä̧ jȩttö̧'i̧nä̧. ⁹ Jitämä, pi̧yȩ ä̧ju̧cuä̧tu̧cui̧, ucutu Jacobttö tturuhuotö jö̧nä̧ kä̧cuä̧tö̧ ja̧'hua̧ta̧'a̧nö̧ Israelnä ruhuo hue'ö ka̧cu ä̧tö̧, ucutu Dios öadihuä kö'cocotömä, ja̧'hua̧ta̧'a̧nö̧ adiu'inä surojönätä jȩpä̧tö̧jä̧. ¹⁰ Ucutumä ötähuiyä aditätöjä Sionnä ttucuojattötä ja̧'hua̧ta̧'a̧nö̧ Jerusalenmä cua̧mo̧nä̧ cujurutucunätä. ¹¹ Curuhuotucumä yapare cuänetötä ro̧'ȩpä̧'chä̧tö̧, sacerdote huotömä huo̧juȩtä̧tö̧ timitatö pä'ötä, ja̧'hua̧ta̧'a̧nö̧ Dios pä'ö ji'ähuätömä jä̧cuä̧ jue'ö pä'ätöjä pä'ö jȩpä̧tö̧ pärätänätä̧. Ja̧'hua̧nö̧ jȩpö̧ kä̧nö̧'i̧nä̧, TÖ̧Ä̧NÄ̧HUA̧RÄ̧ i̧mi̧nä̧ jȩpä̧tö̧jä̧ pä'ö pa̧'a̧nö̧ pä'ätö: "¿Ujutucutä ko̧cö̧tä̧ji̧ TÖ̧Ä̧NÄ̧HUA̧MÄ̧? Surujömä jȩö̧ jui̧yä̧cu̧ ujuturumä." ¹² Ja̧'hua̧nö̧ ja̧'a̧ttö̧, ucutu ja̧'hua̧nä̧, Sionmä cuähuä ttu̧ju̧na̧ pä'ö cuähuometä̧ jä̧cua̧'a̧, Jerusalenmä ötahuiyämä i̧nä̧dutä pi̧'ä̧cuo̧mȩ, Ja̧'hua̧ta̧'a̧nö̧ Diosrö ucuocuäcuähuodema muä'ca de'a jä̧'i̧'ö̧a̧nä̧tö̧ jä̧cu̧'a̧.