¹ Äyó ucutu ji̧nä̧ jarodö suronä jȩtta̧ pä̧'ö̧ amucuädätuhué, ucutu cuä'ätucuomettö̧ suronä jȩtta̧ pä'ö amucuädö pȩjä̧tö̧mä̧. Pä'ö mo̧ro̧ päi'öta'anö jȩcu̧'ä̧cuo̧tö̧jä̧ cujuru'utucunä ja̧'a̧ttö̧. ² Tti̧rȩjä̧ päi'önä chȩma̧ pättöttömä ja'huatömä tti̧rȩjä̧ päi'önätä ȩmä̧tö̧; Chojusode pä̧huä̧rö̧jä̧cu̧sä̧ pättöttömä ja'huätömä yettecuoca'atä ȩmä̧tö̧. Ojusode pä̧'a̧ro̧mä̧ cuä'ö ya'opötä icuätö, ja̧u̧ru̧mä̧ yapare ji'äu u̧i̧ju̧nä̧rö̧ o'cajuiyönä 'chottipäcu. ³ Ja̧'hua̧nö̧ ji̧yä̧cu̧, TÖ̧Ä̧NÄ̧HUA̧MÄ̧ pa̧'a̧nö̧ pä'ö: "Topätucui, TTÖMÄ pitörömä suraja pä'ötä jȩchö̧'anö ja̧cu̧sä̧ täcö, ucutu cu̧ru̧pä̧'quȩtu̧cu̧ ti̧ä̧dä̧cuä̧cuo̧mȩttö̧'i̧nä̧ cu̧ji̧pä̧tu̧ juiyönä̧tä̧. Ucutumä ttötä ja'a pä'ö eseunumä 'cho̧co̧tö̧ cuäcuotöjä, surojö pänä ja̧'a̧ttö̧. ⁴ Ja̧u̧nu̧ mo̧ro̧mä̧ cuabo iyotömä ra̧ttä̧cuo̧tö̧ ucutu cutö'cötucu, ja̧'hua̧nö̧ ja̧'a̧ttö̧ juiyo pä̧i̧cu̧nä̧ cuajacuäcuotöjä. Ja'huättö ra̧'ttä̧cuo̧tö̧jä̧: 'Ujutu Israel ttö̧ja̧mä̧ täcö yautecu juiätöjä; TÖ̧Ä̧NÄ̧HUA̧TÄ̧ chi̧rȩjä̧ chö̧jo̧mȩttö̧ 'choipu pärotö i̧cuäcusä. ¿Ja̧u̧mä̧ tocu pä'ö 'choipäcucha'attö? ¡JA̧U̧MÄ̧ ujutu ti̧rȩji̧yä̧'i̧nä̧ iyä'chö icu amonä ujuturu esecuinä̧tö̧rö̧!''' ⁵ Ja̧'hua̧nö̧ ja̧'a̧ttö̧ ucutu ruhuotö isotöttömä juicuäcuotöjä ti̧rȩjä̧ 'quȩ'ȩpu̧ ȩmä̧cuä̧mä̧ TÖ̧Ä̧NÄ̧HUA̧ ä'catömä. ⁶ "Täcö jicuäcuä" pä'ätö ja'huätömä. Jiäcuäcuä isotömä pi̧yȩmä̧ jittäcuiya'anä ja̧'a̧ pä'ätö ja'huätömä; ya'ocuätö ttichö juiya pä'ö.'' ⁷ ¿Jue'önämä pättö'anö ja̧'a̧, Jacob ojusode: ''TÖ̧Ä̧NÄ̧HUA̧ a̧'cua̧ru̧hua̧ ami sura'a? ¿Iso pä'inä pi̧yȩ ja̧'a̧ jȩö̧mä̧?'' ⁸ ¿Ttö chihuȩnȩ ä̧ju̧cu̧ adiu jȩpä̧tö̧rä̧mä̧ adicua'a? Röjinämä Ttö chumucuäyotötä chabo iyotö 'cuä̧rö̧nä̧ jȩpä̧tö̧. Ucututä ttö̧'ca̧ta̧cuä̧ta̧ oppi 'cho̧cui̧pä̧tu̧cuä̧u̧, ja'huätö jeruhuönä̧ 'cuä'opätörömä su̧ru̧da̧u̧ curättö ppa̧'ä̧chä̧tö̧ 'cua̧rö̧nä̧ ja'huätö ttä̧cuä̧ra̧cuä̧cuä̧ isotö pä̧ttä̧u̧mä̧. ⁹ Ucutumä TTÖ chumuhuäyotö ttirecuamurö̧ räepu icuätöjä ttojusodettö adiunä̧ ttöjo̧mȩttö̧; ja̧'hua̧ta̧nö̧ ucutumä tti̧tti̧mu̧rö̧'i̧nä̧ 'cho'ipätöjä TTÖ mippö'önä ppädädinö . ¹⁰ Ja̧'hua̧nö̧ ja̧'a̧ttö̧ ä̧rä̧mi̧'ö̧ icuätucui, ucutumä pȩnȩmä̧ cu̧ji̧yä̧tu̧cua̧nö̧ ja̧'a̧, ja̧u̧ suronä jȩ'cuä̧tu̧cu̧ jähuänä; ttötä yautecu siepu chicuäcuotöjä. ¹¹ Ya̧tȩ ucuturu ichö yapare jiäu ja̧'hua̧ta̧nö̧ ä̧ppu̧ta̧rö̧nö̧ pä'ö: ''Ttötä jidäcuäcuotöjä vino isoya ötö'cömä ja̧'hua̧ta̧nö̧ ahuähuänä juruhuoyamä, ''ja̧u̧tä̧ ja̧'a̧nö̧ ja̧'a̧ pitörö jihuö'anö cua̧mä̧. ¹² TTÖTÄ ucutu Jacob isotö o'catoinä̧rö̧ ca̧ca̧tö̧ rötö Israelttö ko̧cui̧pi̧nä̧tö̧rö̧mä̧. TTÖTÄ o'catoi'önä̧rö̧ ji̧nä̧ yo̧mȩtȩ ca̧ca̧ti̧pö̧ chi'cächäcua̧sä̧ oveja̧tö̧ ttö̧jo̧ca̧nä̧, ttucuä'cua cuänö ttö̧ja̧'a̧ 'cua̧rö̧nä̧. Juä̧nȩmä̧ ttirecua'atö pä̧i̧cu̧nä̧ huotta'a ra̧mi̧pä̧cuo̧mȩ. ¹³ Ya̧tȩ mä̧nä̧ bahuepäcua̧ jahuätörö, ja'huätö ttä'canä i̧'cha̧pä̧'ö̧. ja'huätö apate pä̧i̧cu̧nä̧ jȩpu̧ icu rättopäcuotö; ucuo ttu̧ru̧cua̧mä̧ jahuätö ttä'canä 'cuäopäcua̧. TÖ̧Ä̧NÄ̧HUA̧TÄ̧ o'catoinä ttä'canä ö̧jä̧cua̧.