¹ Ja̧'hua̧nö̧ ja̧'a̧ Bildad suá ttö̧ja̧sa̧ ädätömä pä'inö. ² ¿Tiyȩnö jubö pi̧yȩmä̧ cucuocuäcuäcua'attö? ¿Ti̧yȩnö̧ jubö cucuocu huȩnȩ isoppamä̧ juruhuoppa jö̧nä̧ jä̧cua̧'a̧ttö̧? ³ ¿Diosmä adihuomenä jȩä̧cuä̧huä̧mä̧ surojuoepa̧'a̧nö̧ tä̧ji̧? ¿Jueö huȩnȩmä̧ o'cajuiyönä ju̧ru̧hua̧mä̧, surojuepa'anä̧ tä̧ji̧? ⁴ Ucu cui̧tti̧mö̧mä̧ Diorö suronä jȩpä̧jä̧tö̧; ujutumä huojuättöjä ja̧u̧mä̧, ja̧'hua̧nö̧ jo̧mȩttö̧ ja̧u̧mä̧ ö̧tä̧bo̧ta̧rö̧ pä'ö suronä jȩä̧ji̧nä̧tä̧ iyipäjäcu. ⁵ Ja̧'hua̧nö̧ ja̧'a̧nä̧ chamöcuädomenä ucumä̧ Diosrö usäji 'cua̧ra̧'a̧ ja̧'hua̧ta̧'a̧nö̧ i̧jȩpä̧ji̧ 'cua̧ra̧'a̧ jäcuepäjimä ju̧ru̧hua̧rö̧tä̧. ⁶ Ucumä surojö'i̧nä̧ jui̧'a̧ cuttömä ja̧'hua̧ta̧'a̧nö̧ jueö jähuätä jȩpö̧ cuttömä, Ja̧u̧mä̧ isopäi'önä̧tä̧ ucuru ppäda pä'ö a̧mö̧cuädäcua̧ ja̧'hua̧ta̧'a̧nö̧ cuojusodettömä̧ adihuomenä ä'coji ji̧no̧mȩttö̧'i̧nä̧ yabonä̧nö̧ kö̧nä̧ jȩä̧cua̧jä̧. ⁷ Ä̧cuo̧mȩnä̧ kä̧mä̧do̧mȩmä̧ a̧'u̧cu̧nä̧tä̧ ji̧na̧'a̧nä̧, ucurumä rö̧ä̧nä̧ ru̧hua̧ cunä̧ jȩä̧cua̧jä̧. ⁸ Ji̧yȩtȩ jädepäcujä̧, mo̧ ka̧cui̧nä̧tö̧rö̧ jä'epö ä̧ju̧cui̧ ja̧'hua̧ta̧'a̧nö̧ tä̧do̧tö̧ mi̧nä̧ ttu̧huo̧jui̧'i̧nö̧ jittäu adiu ä̧ju̧cui̧. ⁹ (Ujutumä nipo̧ mo̧ro̧ uhuäpächäjätöjä ja̧'hua̧nö̧ jo̧mȩttö̧ jerupätöjä Pi̧jä̧ rȩjȩnä̧ttö̧ tu̧mo̧ro̧mä̧ isopäi'önä̧tä̧ yo̧'cu̧ joppa jä̧'i̧nö̧'a̧nö̧tä̧ ja̧'a̧). ¹⁰ ¿Jahuätömä ttu̧huo̧juȩto̧co̧cu̧ cuä̧cua̧jä̧ ja̧'hua̧ta̧'a̧nö̧ jittähuococu cuä̧cua̧jä̧? ¿Cua̧'cua̧ttö̧ räopönä ttucuocuococo cuä̧cua̧jä̧? ¹¹ ¿Ajiya iso'ta juiyomettö'i̧nä̧ böojuo'anö̧ ja̧'a̧ tä̧ji̧ papiro isäbumä̧? Ja̧u̧ juei isäbömä ajiya juiyome'i̧nä̧ buo juoa'anö ja̧'a̧ tä̧ji̧? ¹² Ja̧u̧mä̧ ji̧nä̧ ja̧'tö̧hua̧'a̧nä̧ ja̧'hua̧ta̧nö̧ 'cui'opö icuähuoca'anä̧, ja̧u̧ juei isäbömä koro adiyättö'i̧nä̧ ä'canä̧ joipächö ja̧'a̧. ¹³ ja̧'hua̧nö̧ jö̧ta̧'a̧nö̧ ja̧'a̧ o'catoi'önä̧ Diosrö u̧ni̧chi̧'ä̧tö̧ ttu̧mä̧ni̧yä̧mä̧, surönä̧ jȩpä̧tö̧ tta̧ttä̧rö̧mä̧ toepächäcua'a. ¹⁴ Cua̧'cua̧ cu̧huȩnä̧rö̧mä̧ 'toi'äcua'a, ja̧'hua̧ta̧'a̧nö̧ 'quiya'a jacuä cu̧jä̧'i̧jö̧mä̧ ähuiyo'ö oppa pärioppa jä̧'i̧ja̧'a̧nö̧ ja̧'a̧. ¹⁵ Ja̧u̧mä̧ ojusode huä̧mȩ pä̧mä̧dö̧, ja̧'hua̧nö̧ ja̧'a̧nä̧ ja̧u̧mä̧ 'chu̧huä̧ru̧ juiyönä jä̧cua̧; ja̧u̧mä̧ 'chuhuäda'anä̧, 'chuhuächi'ö juiyönä̧ jä̧cua̧. ¹⁶ Kä̧hua̧ idea'acumä ja̧u̧mä̧ ja̧'tu̧pa̧, ja̧'hua̧nö̧ ja̧'a̧ttö̧ i̧tȩa̧u̧mä̧ o'cajuiyönä̧tä̧ kä̧dȩpa̧'a̧ ku̧nähuaränä. ¹⁷ Ihuehui appiyämä inähuiyä ppeyätä ca̧ca̧cua̧'a̧; ja̧u̧mä̧ adihua pä'ömä ihuiyä kada'quiyätä usu. Ja̧'hua̧nö̧ ja̧'a̧nä̧ ¹⁸ jahuätömä ttö̧jo̧mȩttö̧ koromecu̧ ttupporächöttömä to'e'ättö, ja̧'hua̧nö̧ jo̧mȩmä̧ surojome pä'ö jarottome: Ttömä ucurumä yaute'inä topocö pinösä̧.' ¹⁹ Topi, ya̧tȩ eseu ö̧jö̧mä̧; koro dauhuiyätä bahuäcua'a juȩnȩ rȩjȩ ji̧nomemä̧. ²⁰ Topi chö̧ä̧nä̧hua̧ Diosmä do'opumä icuocö jä̧cua̧ surojö jui̧'a̧rö̧mä̧; ja̧'hua̧nö̧ ja̧'a̧nä̧ ȩmo̧cö̧ jä̧cua̧ suronä jȩpö̧ ko̧cuä̧tö̧rö̧'i̧nä̧. ²¹ JA̧U̧TÄ̧ ja̧'a̧ ucuru ya̧'a̧u̧ huopönö, cueseunä jȩa̧cua̧mä̧. ²² Ucuru kö'cocotö pä'ijätömä dä'ä ttuttäcuotö; suronä jȩpä̧tö̧ ttojusode'inä jua'a yabocumä juiyäcua'a.