¹ Ja̧'hua̧nö̧ ja̧'a̧ Job ädätömä̧ pä'inö: ² "Oh, cha̧'cua̧ tta̧dȩcu̧tä̧ a̧mä̧cö̧ jö̧ttö̧mä̧; ¡Usurä chȩmä̧u̧ o'cajuiyönä rö̧nö̧ toäcuähuänä rö̧nö̧ tottöttömä! ³ Isopäi'önä̧tä̧ a̧mä̧cä̧cua̧'a̧ rȩba̧ ajenä pä̧ba̧ ö̧a̧mä̧cättö'i̧nä̧ yabonä̧nö̧. Ja̧'hua̧nö̧ jo̧mȩttö̧ chi̧huȩnȩ chucuocumä, micuähuocö jö̧nä̧tä̧ ja̧'a̧. ⁴ O'cajuiyönä ju̧ru̧hua̧ u'popa̧ri̧mä̧ ttönä̧tä̧ ka̧'a̧, cha̧'cua̧ru̧hua̧mä̧ ni̧yȩcuojatä au; Dios rö̧ä̧nä̧ yepä'chumä ttö chö̧ja̧'a̧cu̧ icha'a. ⁵ ¿De'a bö̧rö̧ba̧mä̧ a̧'cua̧ ro'ecu huoanö̧ tä̧ji̧ ucuä'cua ka̧'a̧nä̧mä̧? ¿Päcäyä'i̧nä̧ ucua ppäittö ji'anö tä̧ji̧ ucuä'cua ka̧'a̧nä̧mä̧? ⁶ ¿Cuäcuähuä unuä̧ juiyömä ttucua'anö̧ ja̧'a̧ tä̧ji̧ 'cäruhuäbö juiyönä̧'i̧nä̧? ¿Ja̧'hua̧ta̧'a̧nö̧ i̧sa̧ iäyättö teomemä u̧nu̧ä̧ ka̧'a̧ tä̧ji̧? ⁷ Ttömä ja̧u̧ chuju'cocömä̧ mȩ'o̧pä̧ro̧cö̧sä̧; Juätömä̧ ttö̧cuȩ chu̧su̧ru̧tö̧ jä̧'i̧ja̧'a̧nö̧ huotö ttörömä. ⁸ Oh, ttö chu̧ju̧nä̧ra̧ pä'ö jädepumä̧; oh; Diosmä̧ iyattö pä'ötä ja̧'a̧ chu̧ju̧nä̧ra̧ pä'ö pä̧huä̧rö̧jö̧nä̧ tochömä: ⁹ ¡Dios ttörö kȩdi̧cua̧ pä'öttömä̧ ya'utecutä kȩdö̧ icua pä'ötä hua̧sä̧, ja̧u̧ u̧mu̧tö̧ cä'ädö icuttömä̧ cha̧'cua̧ru̧mä̧ toe'ächa pä'ötä ja̧'a̧! ¹⁰ Pi̧yȩmä̧ ji̧nä̧ ttörö cha̧'cua̧ chȩmö̧nä̧ ppädö ka̧'a̧ — ji̧nä̧ ttörö barau beipächoca'anä̧mä̧ esehuocösä: surojö jui̧'a̧ i̧huȩnȩmä̧ ya'ocuocö pinö̧sä̧. ¹¹ ¿Däjettö̧ chujurumä̧ ji̧nä̧ juhua'a yabonö tta̧dä̧ra̧ pä'ömä̧? ¿Tȩnȩ jubö bedipächäcua'attö, cha̧'cua̧rö̧ juha'a yabonö chotoda pä'ömä? ¹² ¿Ttö chujurumä i̧nä̧ o'qui ujuru tä̧jí̧? ¿O ttö chidepämä broncettö̧ adicua'a? ¹³ ¿Ja̧'hua̧nö̧ mä̧cö̧ ttötä chamonämä chujuru'inä jui̧'a̧sä̧, ja̧'hua̧ta̧nö̧ huo̧juä̧huä̧'i̧nä̧mä̧ räe'pö i̧cuä̧hua̧tä̧ hua̧sä̧ ttömä? ¹⁴ Ya̧tȩ a̧hua̧ru̧hua̧ ijiyuhuächi'öttömä re topö ppädäcuäcuä i̧jȩpö̧'a̧nö ja̧'a̧; ja̧'hua̧nö̧ ja̧'a̧nä̧ ucumä juiyo ju̧ru̧hua̧rö̧'i̧nä̧ unichi̧ö̧ yecuecuoca'a päcuäcusä. ¹⁵ Ja̧'hua̧nö̧ ja̧'a̧nä̧ chi̧jä̧hua̧tö̧ huotömä a̧'u̧cunä̧tä̧ huotö ttörö jueönä esetätömä, aje a̧u̧cuo̧to̧ jä̧'i̧nö̧'anö de'a jui̧yä̧jä̧ttö̧, a̧mo̧nä̧tä̧ huerächiö 'cuäo'oya jä̧'i̧nö̧'a̧nö. ¹⁶ Ja'huätömä diyähuo'qui yo̧ö̧tä̧ a̧ttä̧di̧'i̧nä̧u̧ , ja̧'hua̧ta̧nö̧ di̧ya̧hua̧ppȩmä̧ jahuätönätä̧ dajahuächa'a. ¹⁷ Ja'huätö dutti'omenämä isoya pä'i'ö siähuächa'a; ja'huätö ttö̧jo̧memä dutti'omenämä isoyatä pä'i'ö joipächa'a. ¹⁸ Isähuänä 'chänö ajiya usu jäyäcu pe'ächächinätö; Ja'huätömä cuähuä'inä furuhuocome ajiyä'inä juiyome cue'ächinätö ja̧'hua̧nö̧tä̧ dä'ähuächätö. ¹⁹ Temattö̧ rä'opö isähuänä tti̧'cho̧mȩnä̧ topinätö̧, ja̧'hua̧ta̧'a̧nö̧ Sabáttö isähuänä 'chä̧tö̧ jahuätörö tta̧ttä̧ra̧'a̧. ²⁰ Ja'huätömä ttöjö'cö juiyönä ji̧na̧'a̧ ajiya tö̧'o̧cui̧'ä̧cua̧'a̧cö̧ pättäja'amä jahuätörötä topö. Jahuätö ttö̧jo̧mȩcu̧ 'chä̧hui̧'ö̧ tottomenämä yaparetä ji̧na̧'a̧. ²¹ Jitä, ucutumä chahuaruhuä 'cua̧rö̧nä̧mä̧ jȩpo̧co̧tö̧jä̧ törö; ucutumä ttörö suronä 'cuäopötä topö ye'ecui'ätöjä. ²² ¿Tömä pä̧dä̧jä̧u̧jä̧, ji̧'qui̧cha̧nö̧ iyätucuittö; ko̧ro̧nö̧mä̧ mippoönä iyähuä cuiäre micuäu jähuättö iyätucuittö; ²³ ja̧'hua̧ta̧'a̧nö̧ chaboiyotö ttu̧mu̧ttö̧ ppä'ädätucuittö; ko̧ro̧nö̧mä̧ ppä'ädätucuittö ttörö kö'cocotö ttumutö? ²⁴ Huo̧juȩ ti̧ttö̧, huȩnȩ́ juiyönä chi̧ji̧nö̧tä̧ chi̧jä̧cua̧sä̧; ttö̧dȩpä̧ rä̧chi̧'ö̧nä̧ jȩpi̧ttö̧ ttö jäyä jȩchi̧nö̧mä̧. ²⁵ jue'ö huȩnȩ jö̧ttö̧mä̧, suronämä päocösä; Ja̧'hua̧nö̧ huȩnȩ́ juida'anä ucutumä ro̧cu̧ȩpä̧ tu̧cuä̧cu̧sä̧. ²⁶ Chi̧huȩnȩ nä̧́tä̧mä̧ ro̧cuȩpä̧ttö̧, ja̧'hua̧nö̧ ucuocusä jȩchi̧yö̧nä̧ ja̧cú̧, ja̧'hua̧nö̧ ja̧'a̧nä̧ chi̧huȩnȩmä̧ kä̧rö̧'coppatä ȩmi̧pa̧a̧. ²⁷ Ucutumä o'cajuiyönätä̧ jȩ'cuä̧tu̧cua̧'a̧nö̧ huotöjä, ja̧'hua̧ta̧'a̧nö̧ rȩyo̧rö̧'i̧nä̧ iyö cuicuätucua'anö huotöjä ja̧'hua̧ta̧'á̧nö̧ cua̧hua̧ru̧hua̧ tu̧cu̧rö̧'i̧nä̧ jaro'cuiä tucua'anö huotöjä. ²⁸ Ja̧'hua̧nö̧ ja̧'a̧ jitämä̧, topittö, ucu cui'ä topömä yaparemä jidähuococujä. ²⁹ Ttömä jä̧dȩpä̧u̧jä̧; jueönä huȩnȩ jö̧cö̧ ucutunä ka̧ pä'ömä cuiyähuätucuä. Isopäi'önä̧tä̧ ja̧'a̧ ttö jähuämä isopäi'önä huȩnȩtä̧ ja̧'a̧. ³⁰ ¿Chi̧nȩnä̧mä̧ surojö pä'chäcuähuä ka̧'a̧? ¿Chämä pi̧yȩmä̧ surojö pä'ömä päocoyä?