¹ Ja̧'hua̧nö̧ ja̧'a̧ Job ädätö pä'inö: ² ''Jitä mo̧ro̧ ttö barahuäcu huochömä reäcusä; chu̧mu̧'i̧nä̧ ämäcäcusä na̧'a̧chö̧ huocha'attö. ³ ¡Äyo, chu̧huo̧jua̧dó ö̧jo̧mȩ chö̧'ö̧cui̧a̧rö̧! !ja̧'hua̧ta̧nö̧ ja̧u̧ ö̧jo̧mȩcu̧ chi̧cha̧!. ⁴ Ttörö 'cuä'opu ä'ca jo̧mȩ jidäcuarö ja̧'hua̧ta̧nö̧ chucuocu'anö jö̧mä̧ ku̧nä̧rö̧sä̧. ⁵ Ttömä ja̧u̧ i̧huȩnȩmä̧ chu̧cuo̧juä̧chi̧ö̧'anö cua̧sä̧ Ja̧u̧tä̧ ädätö jiuttumä ttörö. ⁶ ¿Ja̧u̧ ttörömä ujurucu pä̧i̧cu̧nä̧mä̧ ätätocö päjí? Isocö̧, Ja̧u̧ ttörömä ä̧ju̧cua̧ji̧. ⁷ Juorötä ja̧u̧mä̧ päacusä pidema suronä'inä jȩpo̧cö̧ pinö. Ja̧'hua̧nö̧ jo̧mȩnä̧tä̧ suronämä jȩpo̧cö̧ pinö päacusä röji pähuä i̧sa̧tä̧. ⁸ Topätucui, ttomä 'chö̧sä̧ kä̧hua̧ räopa'acu, ja̧'hua̧nö̧ ja̧'a̧nä̧ Ja̧u̧ juȩnȩmä̧ ko̧cö̧. ⁹ Ja̧'hua̧nö̧ ja̧'a̧nä̧ kä̧hua̧ maä̧cha̧'a̧cu̧, ja̧u̧ aditö ö̧jo̧mȩmä̧, tochö juiyö'anö ja̧'a̧, kä̧hua̧ ö'ohueja̧'a̧cu̧ ja̧'a̧, ja̧u̧ ödajuächa'amä to'chö juiyarö pä'ö. ¹⁰ Ja̧'hua̧nö̧ ja'a̧ juo̧u̧mä̧ huo̧jua̧ ttö chi̧'chä̧mä̧nä̧mä̧; juo̧ú̧ ttörö ka̧cuä̧mu̧ toomenämä, oro jä̧i̧nö̧a̧nö̧ ttömä rä̧do̧pä̧cua̧sä̧. ¹¹ I̧jȩpi̧nä̧mä̧nätä̧ 'chö̧ä̧rä̧cuä̧huä̧'i̧sä̧ ttömä; juä̧mä̧nä̧tä̧ 'chä̧i̧sä̧ ja̧'hua̧nö̧ ja̧'a̧ttö̧ karaacumä topocö päijösä. ¹² Ttö ppa̧a̧cho̧cu̧ pinösä̧ ucú cuättö huecumä; chu̧cuȩttö̧'i̧nä̧ abonänö amucuärö̧sä̧ ucú päcuinömä. ¹³ Ja̧'hua̧nö̧ ja̧'a̧ juo̧u̧mä̧ DIOSTÄ ja̧'a̧, ¿Juo̧u̧tä̧ pärohuö icua'anö hua̧mä̧? Jȩa̧päö amöcuädäjimä jȩpu̧mä̧. ¹⁴ Jȩa̧ pä'ö amöcuädinömä jȩä̧cu̧sä̧; ri̧ȩnä̧ ka̧'a̧ ja̧'hua̧ta̧'a̧nö̧ jö̧'i̧nä̧. ¹⁵ Ja̧'hua̧nö̧ ja̧'a̧ttö̧, ttömä yedecunä̧ jä̧cu̧sä̧ ja̧u̧ ä'ca jo̧mȩttö̧mä̧ ttö Ja̧u̧ru̧ chamöcuädomenä, ttömä Ja̧u̧ru̧ yȩ'ȩcua̧sä̧. ¹⁶ Ja̧'hua̧nö̧ ja̧'a̧ Diosmä chamiso'qui juiyöhuächönä, o'cajuiyönä ju̧ru̧hua̧mä̧ yepä'chinä̧cu̧sä̧. ¹⁷ Yo̧u̧mä̧ jo̧ca̧'a̧ ji̧na̧'a̧ ttörö röji ra̧'a̧ jubö ȩpi̧nö̧mä̧, rö̧ä̧nä̧ yo̧u̧ ji̧na̧'a̧ ttö chi'änä̧ a̧ttä̧di̧'i̧nö̧mä̧.