¹ Ja̧'hua̧nö̧ ja̧'a̧ Teman ttö̧ja̧ i̧sa̧ Elifaz ädätö pä'inö: ² ''¿Ya̧tȩ Diosrö pädö'anö ja̧'a̧ tä̧ji̧? ¿JA̧U̧MÄ̧ huo̧juä̧sä̧ pä'örö rehuä rä̧jä̧cu̧ tä̧ji̧? ³ ¿O'cajuiyönä ju̧ru̧hua̧mä̧ adiunä jȩpö̧ cu̧ju̧mä̧ eseu tä̧ji̧? ¿JA̧U̧RU̧MÄ̧ jo̧mȩnö̧ ja̧'a̧ tä̧ji̧ ucu huȩnȩ juiyönä cu̧i'chömä?. ⁴ ¿JA̧U̧RU̧ cucuotö jahuänä tä̧ji̧ ro̧ȩcuä̧nä̧ ȩpa̧'a̧mä̧? ¿Ucu rö̧'ä̧ö̧nä̧ suronä jȩ'cu̧nä̧mä̧cö̧? ⁵ ¿Ucu suronä jȩ'cu̧mä̧ beipome juiya'a?. ⁶ Ja̧'hua̧nö̧ jȩpö̧ ucumä ja̧'ȩpä̧ri̧nö̧jä̧ micuäujuäi iyacu pä'ö suronä'inä jȩo̧ca̧'a̧nä̧ ja̧'hua̧nö̧ jȩpö̧ 'cho'ipä'chinöjä̧ ttö̧'ca̧tä̧huä̧ti̧yu̧ jui'ätö ttö̧ji̧pö̧nä̧. ⁷ Ucumä ajiya'inä iyicö pinöjä ttö̧ja̧ 'cuä'ächi'ätö ttahua pä'ö'inä; ppäicuächätörö ttu̧cuä̧'i̧nä̧ cuiyoca'a jȩpi̧nö̧ja̧, ⁸ ucumä, cujurucu kä̧nö̧, rȩjȩ'i̧nä̧ ku̧nä̧ri̧nö̧jä̧, ucumä, cucuohui̧nö̧jä̧, ja̧u̧nbä̧tä̧ ki̧nö̧ja̧ ucumä. ⁹ Rȩcua̧mö̧ juo'ätörö ji̧'qui̧cha̧nö̧'i̧nä̧ cuiyoca'a tti̧u̧nä hue'ö icuinöjä̧; reyotö juo'ätörö'inä usurä ttȩmäu̧nä̧tä̧. ¹⁰ Ja̧'hua̧nö̧ ja̧'a̧ttö̧, cuippeyänämä ro̧huä̧pi̧jö̧tä̧ moru'o kä̧cu̧jä̧, ja̧'hua̧nö̧ jo̧mȩnä̧ ye'ecur'ö cua̧'a̧cua̧ tta̧'ȩcu̧jä̧. ¹¹ Yo̧'ö̧tä̧ yo̧a̧'a̧, tocu'u juiya pä'ö; ajiya su'ädi'ötä a̧ttä̧di̧'ä̧cu̧jä̧. ¹² ¿Ju'toju moro̧ ja̧ra̧'a̧mä̧ ko̧cö̧ DIOSMÄ? ju'toju rä̧tö̧rö̧ ¡si̧ri̧'co̧rö̧ topi, juätöttö'inä abora̧a̧ kö̧¡ ¹³ Ucú päcumä ¿Däjé u̧huo̧jua̧'a̧ttö̧ DIOSMÄ? ¿Idicuoppanä kä̧nö̧́ pä'änö hua̧mä̧ juo̧u̧tä̧ ja̧'a̧? ¹⁴ Juo̧u̧mä̧ ajiya isoppa idicuoppanä todetö kö̧ni̧nö̧ ujuturu to̧ä̧rä̧ pä'ö. Juo̧ú̧ otó känö to̧pä̧rö̧ pi̧jä̧nä̧ 'cuäopu. ¹⁵ Ä'coji jȩtti̧nö̧mä̧ jȩ'cuä̧cua̧jä̧ ttö̧ja̧ tta̧'cua̧ huȩnä̧ro̧co̧ttö̧ jȩtö̧mä̧, ¹⁶ jitö huaö tticuäcua ä'canä ȩmi̧pi̧nä̧u̧, jitö 'chö̧huä̧ro̧mȩttö̧'i̧nä̧ 'toinätö̧, ¹⁷ jitö DIOSRÖ päinätö̧: ujututtömä̧ 'quȩi̧pä̧chi̧; jitö päinätö̧mä̧: ¿o'cajuiyönä ju̧ru̧hua̧mä̧ ujuturumä jȩo̧co̧u̧jä̧? ¹⁸ Ja̧'hua̧nö̧ ja̧'a̧nä̧, ja̧u̧mä̧ adihuäjueitä ojusodenämä suädi'önä ku̧ni̧nö̧; suropätö ttadita pä'ö tta̧mö̧cuädinömä ttöttömä oto ja̧'a̧. ¹⁹ Jueönä a̧mö̧cuädätömä tti̧rȩhuä̧cuo̧mȩ topätö ja̧'hua̧ta̧'a̧nö̧ esehuätö; suronä jȩpo̧co̧tö̧ pä̧ttä̧u̧mä̧ suronä jȩpä̧tö̧rö̧ ya̧'a̧huȩ'ä̧tö̧. ²⁰ Jahuätömä pä'ätö: isopäi'önä̧tä̧ jitö ujuturu to'ija̧'a̧cö̧ a̧mö̧cuädinä̧tö̧mä̧ si'epö icuähuäcuotö; ocurämä ttöäre ku icuiniyä̧u̧. ²¹ Ja̧'hua̧nö̧ ja̧'a̧ Dioscu esecu icui ja̧'hua̧ta̧nö̧ ja̧u̧cu̧ huȩnȩ juiyönä ku̧ja̧; ja̧'hua̧nö̧ jo̧mȩnä̧ ucurumä adihuäjuäitä ichäcua'a. ²² Jädepäcujä ȩmi̧yi̧ttö̧, Änä ucuocuäjimä; cuamiso'quinä adiu jȩpö̧ ku̧ni̧ ²³ Ujuru ku̧nä̧ru̧cu̧ ppa̧cuä̧chö̧ttö̧mä̧, pä'äjita'anö ru̧hua̧ juo̧cuä̧cua̧jä̧, cuojusodenä̧ ka̧cuä̧tö̧ suronä jȩä̧cuä̧huä̧ cättädi'öttömä̧. ²⁴ Cuiäre rö̧ä̧nä̧ micuäumä̧ rȩjȩ i̧sa̧ppȩnä̧ icu icui, ofirttö oro'i̧nä̧ aje i̧sä̧rä̧ttö̧ inädö 'cä̧tȩ, ²⁵ ja̧'hua̧ta̧'a̧nö̧ o'cajuiyönä̧ ju̧ru̧hua̧tä̧ jä̧cua̧'a̧ ucu cuiäre oro jä̧cua̧mä̧, plata rö̧ä̧nä̧ micuäu jö̧nä̧ jä̧cua̧mä̧. ²⁶ Ja̧'hua̧nö̧ jo̧mȩnä̧ o'cajuiyönä ju̧ru̧hua̧rö̧ eseunö̧ topö, Diosrö cua̧'cua̧ huȩnä̧rö̧ cutu'cöhuä̧chä̧cua̧jä̧. ²⁷ Ja̧u̧cu̧ cu̧cuo̧cuä̧cua̧jä̧ ja̧'hua̧nö̧ cucuocuomenä ja̧u̧mä̧ ä̧dä̧tä̧cua̧jä̧; ja̧u̧ chi̧yä̧cua̧sä̧ päcuinö̧mä̧ cuiya pä'ötä jä̧cua̧'a̧. ²⁸ Ucutä'i̧nä̧ ji̧yȩtȩ jȩ'cuä̧cuȩ pä'ö ku̧ju̧nä̧cua̧jä̧ ja̧'hua̧nö̧ jo̧mȩnä̧ ja̧u̧mä̧ isojuocuepönä jȩä̧cua̧jä̧; cui̧'cho̧mȩmä̧ tȩya̧u̧tä̧ kä̧dȩpä̧cua̧'a̧. ²⁹ Diosmä̧ ucuo te'ähuätörömä̧ ucuo tettäu juiyönä̧ jȩpö̧, ja̧'hua̧nö̧ jȩpö̧mä̧ ttihueyenenä̧ kä̧tö̧rö̧tä̧ ra̧huä̧pi̧jö̧ttö̧ ttu̧ji̧pö̧nä̧ ppä'ädö. ³⁰ Ja̧u̧mä̧ ttö̧ja̧sa̧ suronä̧ jȩpö̧rö̧'i̧nä̧ u̧ji̧pu̧nä̧ ppä'ädö; dijä̧ttö̧ tto̧ji̧pu̧nä̧ jȩö̧a̧nä̧ juä̧'a̧mä̧ adiu jȩcu̧ttö̧tä̧; ucumä jueö huȩnȩ jȩ'cuo̧mȩttö̧tä̧ ja̧u̧mä̧ rä'epö icu ppä̧dä̧cua̧jä̧."