¹ Ja̧'hua̧nö̧ ja̧'a̧ Job ädätömä pä'inö̧: ² Pädö adiunä̧nö̧ cuä̧ju̧cu̧ttö̧tä̧ jä̧cua̧'a̧ ttö cha̧'cua̧ chȩmö̧nä̧ cuiyätucua pä'ö jö̧mä̧. ³ Cua̧mi̧'qui'ächi'ijó ttö'i̧nä̧ ucuocusä; ucuocu cädädö o'ca'atä, yabonö̧mä̧ ya̧cuä̧huä̧'cha̧ja̧. ⁴ Ttö chutö'cömä, ¿Ttö̧ja̧sa̧rö̧ ja̧'a̧ ttö pädä'chumä̧? ¿Tta̧'a̧nö̧ pä'ö ttömä̧ tta̧dä̧ri̧pö̧ juiyönä̧ hua̧sä̧ttö̧? ⁵ Topittö ja̧'hua̧ta̧nö̧ ye'i'i juhua'atäcu cu̧mö̧nä̧ cuätä mö̧'ȩcui̧. ⁶ Ttö usurä chȩmä̧u̧ cha̧mö̧cuädomenä̧, ttömä rö̧ä̧nä̧ yedecunä̧ jä̧cu̧sä̧ ja̧'hua̧ta̧'a̧nö̧ ye'ecu ttö̧dä̧u̧tä̧ chidepämä̧ 'chuhuädäcusä. ⁷ ?Tocu pä'ö suronä jȩpä̧tö̧mä̧ recuo kä̧nä̧ ttibiehuä ja̧'hua̧ta̧nö̧ tturuhuo'inä ttujurucu rö̧ä̧chä̧u̧? ⁸ Tti̧tti̧murö̧'i̧nä̧ topätö buo huo'ö jo̧mȩnö̧ tö̧jo̧cua̧'a̧ jahuätöcutä ja̧'hua̧ta̧nö̧ tö̧nä̧mu̧rä̧'i̧nä̧ topö esehuätö adiunä ttö̧ja̧'a̧ttö̧. ⁹ TTahuäruhuä'inä surojöttö yecuäcuämä juiyönä ka̧cuä̧tö̧; ja̧'hua̧ta̧nö̧ jahuätömä Dios'inä ro̧ȩpo̧co̧u̧. ¹⁰ Ttä̧ji̧mu̧ to̧ro̧tö̧'inä yabocutä rö̧ä̧chö̧ tti̧tti̧cui̧yä̧u̧; ja̧'hua̧ta̧nö̧ ttä̧ji̧mu̧ pä̧'cä̧yö̧ ttuhuäbecuomenä ya̧tȩ'inä toe'oca'atä ji̧yä̧u̧. ¹¹ Jahuätö tti̧tti̧mu̧rö̧ hueäö'icuätö oveja̧ttö̧ 'cua̧rö̧nä̧ eseu tö'ö ttö̧jö̧nä̧. ¹² Ja̧'hua̧'a̧nö̧ ja̧'a̧nä̧'i̧nä̧ jahuätömä rä̧'ä̧tö̧ tambor'inä cuä'ö arpa'inä pporö ja̧'hua̧ta̧nö̧ mä̧ra̧nä'inä rä̧mi̧pu̧nä̧ jȩpö̧ eseu. ¹³ Ja'huätö ttö̧jö̧mä̧ recuä rö̧jö̧ juiyönä ko̧cuä̧tö̧ ja̧'hua̧nö̧ jȩpö̧ kä̧nö̧nötä̧ 'co̧ru̧juä̧i̧nä̧ mejä̧huä̧tö̧ hua'are rejucu. ¹⁴ Ja'huätö Diorömä pä'ötö: Ujututtumä tö'ipächi UCU huecuinö huȩnrmä̧ tu̧huo̧jua̧ pä'öcotöjä. ¹⁵ ¿O'cajuiyönä u̧ru̧hua̧mä̧ tidejä̧ttö̧, ujutu ja̧rȩyu̧nu̧ pä'i'ö tucuotärö? ¿Däje öadihuä tȩmö̧'a̧nö̧ jä̧ttö̧ JA̧U̧RU̧ ucuocu jättepöttömä? ¹⁶ Topojä, ¿O'cajuiyönä ttu̧ju̧nä̧rö̧mä̧ tto̧mo̧nä̧ jähuä tä̧jí̧? Ttömä ja'huätä jarodätö ro̧ttȩpa̧'a̧mä̧ tocha'inä pä'ocösä. ¹⁷ ¿Suronö jȩpä̧tö̧ ttö̧ra̧pa̧ra̧mä̧ tta̧'a̧nö̧ rö̧ä̧nä̧ jo̧mȩnä̧ na̧hui̧'ö̧'a̧nö̧ jä̧ttö̧, su̧ro̧nä̧ jȩttö̧mä̧ jitörötä ichäcua'a? ¿Tta̧'a̧nö̧ rö̧ä̧nä̧ jo̧mȩnä̧ pa̧'a̧dö̧ ro̧ȩpä̧cua̧'a̧ jä̧ttö̧ ja'huätörömä? ¹⁸ ¿Tta̧'a̧nö̧ rö̧ä̧nä̧ jo̧mȩnä̧ ppa̧'a̧dä̧rö̧ cuähuä o'co'cua isoppa döome ko̧ro̧nö̧mä̧ isä'cua kä̧rö̧'co isoppa do'opö icua'a jä̧'i̧nö̧'a̧nö̧ ttäcua'a jä̧ttö̧? ¹⁹ Ucutu päcuätucumä: DIOS ya̧tȩ suronä jȩö̧ttö̧ ȩpu̧ ro̧ȩpu̧ tti̧tti̧mu̧rö̧tä̧ . ²⁰ suronä jȩpä̧ji̧tä̧ imitähua pe'ö ka̧a̧ juo̧ú̧ suronä jȩä̧ji̧ ttö̧huȩpä̧rä̧chi̧ä̧cua̧'a̧nö̧. Ja̧'a̧tä̧ topirö chutä iärenä toaanä churutä siepu i̧cuä̧cuȩi̧ ja̧'hua̧ta̧'a̧nö̧ Ö̧'cajui yönä ju̧ru̧hua̧tä̧ ȩma̧'a̧nä̧ ö̧ra̧huä̧ri̧po̧mȩttö̧. ²¹ ja̧'hua̧nö̧ ja̧'a̧ttö̧ ¿ tta̧'a̧nö̧ jȩa̧cua̧'a̧ttö̧ ahuaruhuärömä huaö́ icu'cua'amä, kä̧hua̧tö̧ recuonänö 'cuäopäji'caa. ²² ¿Ya̧tȩ'i̧nä̧ toa'a Diosmä ö̧huo̧juȩta̧ peömä, ja̧'hua̧nö̧ ja̧'a̧ttö̧ juo̧u̧mä̧ hueö́ morö̧jä̧nä̧ ka̧cuä̧tö̧rö̧'i̧nä̧? ²³ 'cuorunä kä̧nö̧́ yoräteunätä̧ ujuru'inä ya̧tȩ ttö̧ja̧'i̧sä̧ 'coröjuei chäiya'anö. ²⁴ Juiyo bä̧rȩpa̧ ja̧'hua̧nö̧ ja̧'a̧nä̧ a̧'cua̧ adiunä kö̧ mu̧ä̧yotö ttihue'quiyu jä̧i̧nö̧'a̧nö̧. ²⁵ Ka̧ra̧mä̧ a̧'cua̧nä̧ a̧'cua̧ tta̧'ȩcu̧tä̧ 'corujuo'ächö, ya̧tȩmä̧ yorö'iso adiu jȩä̧cuä̧huä̧mä̧ jȩru̧pa̧tä̧. ²⁶ Jahuätömä yoräteutä rȩjȩ 'turu tti̧cuä̧u̧; ta̧ju̧cuäyotö miyu̧tä̧ a̧tto̧pö̧ tticuäcuotö. ²⁷ Topöjä, cua̧mö̧cuädönä chu̧huo̧juä̧cu̧jä̧ ja̧'hua̧ta̧'a̧nö̧ ttörö surnä jȩ'cua̧ pä'ö pä̧huä̧rö̧jö̧nä̧ to'cumä. ²⁸ Ja̧'hua̧nö̧ ja̧'a̧ ucumä pä'öjä: ¿Tȩnȩ ka̧cua̧'a̧ttö̧ ruhuotö ttojusodemä? ¿Tȩnȩ ka̧'a̧ttö̧ ttö̧ja̧sa̧ su̧ro̧pa̧ ya'utenä ki̧nö̧ ojusodemä? ²⁹ ¿Yorö'iso ttö̧ja̧ cue'ächö ka̧cuä̧tö̧rö̧mä̧ jä'epocä pä'ijöjä? ¿Pi̧yȩ ja̧'a̧ pä'ö jahuätö jittäu jȩru̧pa̧jä̧ tä̧ji̧ ³⁰ ttö̧ja̧sa̧ su̧ro̧pa̧mä̧ surojö mo̧ro̧ pätetö ku̧nä̧hua̧ pä'ömä, ja̧'hua̧ta̧'a̧nö̧ ja̧u̧mä̧ Dios ö̧ra̧huä̧rö̧ mo̧ro̧mä̧ oto ȩcuä̧cua̧ pä'ömä? ³¹ ¿Ditäjä̧ttö̧ su̧ro̧pa̧ ä'ca jo̧mȩ 'chä̧hui̧'ö̧ ucumä̧ ja̧'hua̧nö̧ hua̧jä̧ pä'ö'anö̧ hua̧mä̧? ¿Ditäjä̧ttö̧ ja̧u̧ suronä jȩä̧ji̧ jähuänä imita'anö̧ hua̧mä̧? ³² Ja̧'hua̧nö̧ ja̧'a̧nä̧, ja̧u̧mä̧ hua'are rejura̧'a̧tä̧ ȩcuä̧cua̧; ttö̧ja̧mä̧ ja̧u̧ uhuapareba huä̧mȩ tta̧'a̧rö̧ ttö̧'ȩjä̧cuo̧tö̧. ³³ Pämäroppä päi'omȩ hua'are ttu'tura̧ppȩmä̧ a̧dö̧ jä̧'i̧nö̧'a̧nö̧ jä̧cua̧'a̧; ttö̧ja̧mä̧ o'catoi'önä ja̧u̧ o'ca'anä tti̧'chä̧cuo̧tö̧, ja̧'hua̧nö̧ ttö̧ja̧ ttirecua'attö ja̧u̧ ä'canä'i̧nä̧ 'chä̧tö̧. ³⁴ ¿Ja̧u̧nu̧mä̧ tocu cha̧'cua̧ chȩmö̧nä̧mä̧ ppäcuäda'anö̧ttö̧ micuähuocö jähunä̧mä̧, ucumä̧ päcumä̧ yapare jähuätä ja̧'a̧mä̧?