¹ Ttö̧ja̧sa̧mä̧, isajuttö uhuäpächö ja̧'a̧, ja̧u̧mä̧ a̧'u̧cu̧nä̧ mo̧ro̧tä̧ kö̧, ja̧'hua̧nö̧ ö̧jo̧mȩnä̧ rö̧ä̧nä̧ huȩnȩ jö̧nä̧tä̧ kö̧. ² Ja̧u̧mä̧ ba'i'ö rȩjȩttö̧ ȩ'u̧ bahuia'a jä̧'i̧nö̧'a̧nö̧ ja̧'hua̧ta̧'a̧nö̧ hua'icu jä̧'i̧nö̧'a̧nö̧; ja̧u̧mä̧ tö'ipächö yo̧'cu̧ jö̧nä̧ o̧ju̧tä̧ro̧ppa ttöipächa'a jä̧'i̧na̧'a̧nö̧, juoppamä yȩnȩtä̧mä̧ rocoppa. ³ ¿Ucumä pi̧yȩmä̧ topocöjä? ¿Ucumä ttörö ka̧cuä̧mȩ'ö̧ topöjä? ⁴ ¿Ditäjä̧ttö̧ teöttö idicu räepö'anö̧ hua̧mä̧? Ya̧tȩ'i̧nä̧ toa'a. ⁵ Ttö̧ja̧sa̧ u̧mo̧ro̧mä̧ jo̧mȩnö̧tä̧ beipächäcuome'i̧nä̧ jȩpö̧ ku̧nä̧hua̧'a̧. U̧cutä ja̧'a̧ pa̧'a̧nö̧ kä̧hua̧tö̧ jo̧mȩtä̧ ö̧jä̧cua̧ pä'ömä; ucutä ja̧'a̧ ö̧jä̧cuo̧mȩ'i̧nä̧ 'cuäoi'ö juiyönä̧tä̧ jo̧mȩnö̧ jȩpö̧ ku̧ni̧nö̧mä̧. ⁶ Ja̧u̧ru̧mä̧ ja̧'a̧tä̧ topi, 'cuä'ächi'ö ö̧'ä̧mä̧dä̧cua̧'a̧nö̧, u̧mo̧ro̧ mo̧ro̧ esehuäcua'anö mitö huettäcu jä̧'i̧nö̧'a̧nö̧, jȩa̧'a̧nö̧ jö̧ttö̧mä̧. ⁷ Dau 'cui'opu tticuä'inä jinä a̧'cua̧ri̧a̧ pä'ö ja̧'a̧, pä'äjita'anö jareä'i baö ka̧ pä'ö, 'corujuoächö juiyönä. ⁸ Rȩjȩttö̧ ihuehui appiyä biecuacha'anä'inä ja̧'hua̧ta̧nö̧ dau kada'ca'ca rȩjȩ pparuhuächanä'inä, ⁹ ajiya tö'cönä̧nö̧ jö̧ttö̧mä̧ ba'ö kä̧cua̧'a̧ dau jareöitä. ¹⁰ Ja̧'hua̧nö̧ ja̧'a̧nä̧ ttö̧ja̧ i̧sa̧ 'coru juoächomenämä ujurumä toea'a ja̧'hua̧ta̧nö̧ ja̧u̧nu̧ o'camä ¿to'qui chö̧ ja̧u̧mä̧? ¹¹ Duborä'inä aje'inä joipächö dähuächö jä̧i̧nö̧'anö jö̧nä̧, ¹² cuätö ttö̧ja̧mä̧ ttä'ometä̧ 'corupäiätö pä'äjita'anömä tto'ächocotö. Jinä mo̧ro̧ji̧yä̧ ko̧mȩjobumä, jahuätömä ttottächiyäcuotö ttäomettö̧mä̧. ¹³ ¡Äyo, däjö cuicuattöhue hua'are reju ra̧'a̧tä̧ huȩnȩttö̧ oto jo̧mȩ, dajö icuähuome cu̧ju̧nä̧ra̧ttö̧ cu̧'ä̧i̧ 'cuäopächome jubu, ucutä cuichäcuome pätetö cu̧ja̧na̧ pä'ö juȩnȩtä̧ cu̧ja̧ ja̧u̧nu̧ o'ca'a törö cuamucuädä! ¹⁴ Ya̧tȩ 'corujuoächöttömä, ¿pä'äji tra'anö ö̧jö̧'a̧nö̧ ja̧'a̧? Ja̧'hua̧nö̧ jö̧ttö̧mä̧, juȩnȩta̧ tta̧dä̧ra̧ huä̧'i̧nä̧ cuädächi'anä'inä ttörö ȩmö̧ ttichome jubu. ¹⁵ Ucu huocu'uttumä, ttömä ädätajisä. Ucumä pä̧huä̧rö̧ja̧cu̧jä̧ cu̧munä cuadita pä'ö. ¹⁶ Ucumä pa̧ja̧ta̧ji̧jä̧ ja̧'hua̧ta̧'a̧nö̧ tta̧ja̧ra̧ji̧jä̧ chö̧jä̧do̧mȩtä̧cu̧; Ucumä ttö suronä jȩcho̧'i̧nä̧ amucuädocö päjijä. ¹⁷ Suronä jȩchö̧mä̧ dajötä icuajijä; ucumä pä'ajijä ja̧u̧mä̧ su̧ro̧nä̧'i̧nä̧ jepocö. ¹⁸ Ji̧nä̧́ mu̧ä'ca'inä ppärocuächö ma̧a̧ juiyome ki̧ö̧nä̧ ja̧'hua̧nö̧ päiomenä pporächiö inähuiyä'inä korome pä̧huä̧da̧a̧; ¹⁹ ajiya suädiö rȩjȩ́ i̧sä̧ppȩ'i̧nä̧ ticopaa ja̧'hua̧nö̧ ajiya diö́ töcopu beichaa ido'qui'inä. Ja̧'hua̧nö̧ jȩpu̧jä̧, ucumä ttö̧ja̧'i̧sä̧ tta̧hua̧rö̧'i̧nä̧ beipeipu icujä. ²⁰ Ucumä ihueye ro̧ȩpu̧jä̧ huaarenätä̧ juo̧u̧rö̧; huaicurumä pärotö icujä iämä ja̧'hua̧nö̧ ja̧'a̧ttö̧ juȩnȩbutä unichiöjä huaicurumä. ²¹ Cui̧tti̧mu̧rö̧ ucutönö to'cöttömä, juo̧u̧mä jȩru̧pa̧; suronä jȩttö̧í̧nä̧ jähuätö, juo̧u̧mä̧ topocö. ²² Juo̧u̧rö̧ baraumä suro idepänätä̧ barau, ja̧'hua̧nö̧ ja̧cú̧ a̧'cua̧ tta̧ȩcu̧.