¹ Naamatita ttö̧ja̧sä̧ Zofar ädätönö päinö: ² ¿ttädätiyaanö̧ ja̧'a̧ o'cajuiyönä ucuocumä? ¿pä̧huä̧ri̧ ja̧'a̧nö̧ cucocumä isojo̧cö̧? ³ ¿Ri̧ȩnä̧ cucuocua'anä tädätiyäcuotöjä? ujutu tuhuȩjȩtö̧mä̧ ya̧a̧u̧tä̧ ya̧a̧hua̧chö̧jä̧, ¿ucuru ya̧tȩ'i̧nä̧ dää töepa pe'ömä juiyaa. ⁴ Ja̧'hua̧nä̧ ja̧a̧ päöjä DIOSRÖ: ucú cuä'cattömä huȩnȩ́'i̧nä ju̧iasä ttö chesetinö. ⁵ Ucuhué, DIOS ucuru suronä päötömä; u̧huȩtä̧cua̧jä̧ ya̧nä̧́ jähuä huo̧juä̧huä̧ttö̧. ⁶ Ja̧'hua̧nö̧ ja̧'a̧ttö̧ juo̧u̧ttö̧ tö̧ȩpä̧ra̧ chi̧'ä̧cuä̧huä̧mä̧ ro̧a̧a̧. Huo̧juä̧chi̧i̧, DIOS ro̧ȩpo̧co̧cu̧jä̧ ro̧ȩpa̧'a̧nä̧ jö̧ttö̧mä̧ Suronä jȩ'cu̧ttö̧. ⁷ ¿Ucumä cu̧huo̧ju̧a̧'anö̧ ja̧'a̧ tä̧ji̧ Diosrö usumä? ¿Ucumä jo̧mȩnö̧ cu̧huo̧jua̧'a̧nö̧ ja̧'a̧ tä̧ji̧ o'cajuiyönä ju̧ru̧hua̧rö̧mä̧. ⁸ Ja̧u̧mä̧ mo̧ro̧jä̧ jö̧'a̧nö̧ ju'toju hua̧ ja̧'a̧; ¿ucumä däje jȩ'cu̧'a̧nö̧ ja̧'a̧ttö̧? Ja̧u̧mä̧ hua'are reju täcuäjuttö yabonä̧nö̧ hua̧ ja̧'a̧; ¿Ucumä tocu cu̧huo̧ju̧a̧'a̧nö̧ ja̧'a̧ttö̧? ⁹ Öotomä rȩjȩttö̧'i̧nä̧ yabonä̧nö̧ otoa'a, ja̧'hua̧ta̧'a̧nö̧ käcuoräcumä aje rö̧o̧to̧ttö'i̧nä̧ ya̧bonä̧nö̧ cähueächia'a. ¹⁰ Ja̧u̧ 'cuäopöttömä, korojuei'i̧nä̧ 'coruchi'äcua'a, Ja̧u̧ ya̧tȩrö̧ ro̧ȩpa̧ pä'ö huoöttömä, ja̧'hua̧nö̧ huoa'amä ¿Ditä jä̧cua̧.a̧ttö̧ Ja̧u̧ru̧ jȩ'cuä̧ päö'anö hua̧mä̧? ¹¹ Ja̧'hua̧nö̧ ja̧'a̧ Ja̧u̧mä̧ ttö̧ja̧ yaparehuätörö'i̧nä̧ huo̧jua̧mä̧; ¿Suronä jȩttö̧ topömä Ja̧u̧mä̧ huo̧jui̧'o̧cö̧? ¹² Ja̧'hua̧nö̧ ja̧'a̧ ttö̧ja̧ huo̧jui̧'o̧co̧tö̧mä̧ ttu̧huo̧jui̧pö̧ juiyönä huotö; jahuätömä̧ ttötäcuotö de'a i̧sa̧rö̧ bu̧ro̧ba̧mä̧ ttö̧ja̧sa̧mä̧ ttö̧ja̧srö̧ uhuäbecuomenämä. ¹³ Ja̧'hua̧nö̧ ja̧'a̧nä̧ a̧mö̧cuädittö cua̧mö̧cuädö jueönä̧ jo̧mȩnä̧ cua̧mö̧cuäjittömä̧ ja̧'hua̧ta̧'a̧nö̧ Dios ö̧jo̧mȩcu̧ cujohuiyä ki̧cuä̧dö̧ttö̧mä̧; ¹⁴ a̧mö̧cuädittö suronä jȩä̧cuä̧huä̧ cu̧mö̧nä̧ kö̧ttö̧mä̧, ja̧'hua̧nö̧ ja̧'a̧nä̧ ja̧u̧ surojömä oto icuinö̧jä̧ ja̧'hua̧ta̧'a̧nö̧ cuahuaruhuä suronä jȩtta̧'a̧nä̧ ja̧'a̧tä̧mä̧ topocö pinö̧jä̧. ¹⁵ Ja̧'hua̧nö̧ ja̧'a̧mä̧ isopäi'önä̧tä̧ dä'ä juiyönätä̧ bo̧yu̧cu̧ to'cu'anö̧ ja̧'a̧; juhua'atäcu 'quiyönä̧ cu̧ju̧ttö̧mä̧ yecuecua pä'ömä̧ juiya'a. ¹⁶ Ucuru surojumä cu̧ni̧chi'anö ja̧'a̧; cua̧mö̧cuä̧dä̧cua̧jä̧ ajiya räopoya ijiyächa'a jä̧'i̧nö̧'a̧nö̧tä̧. ¹⁷ Ucu cua̧'cua̧rö̧mä̧ kä̧dȩpä̧cua̧'a̧ kä̧hua̧ jueö ku̧rö̧ jä̧'i̧nö̧'a̧nö̧; yo̧ö̧mä̧ ka̧'a̧nä̧, mo̧ro̧ juoa'a jä̧'i̧nö̧'a̧nö̧tä̧ pärohuächäcua'a. ¹⁸ Tta̧huä̧rä̧cuä̧huä̧ ko̧mȩttö̧ ra̧huä̧pi̧jö̧ttö̧mä̧ tta̧huä̧rä̧cu̧ cu̧ju̧'a̧nö̧ ja̧'a̧, juhua'amä̧ cuippeyänämä ra̧huä̧pi̧jö̧ttö̧ ttoepönä̧ cu̧ja̧'a̧ttö̧ ja̧'hua̧ta̧'a̧nö̧ 'cuä'ächi'ö cu̧'ä̧mä̧dä̧cua̧jä̧ huȩnȩ juiyönä̧tä̧. ¹⁹ Ja̧'hua̧ta̧'a̧nö̧ 'cuä'ächi'ö cu̧'ä̧mä̧do̧mȩnä̧mä̧ ya̧tȩ'inä̧ ucurumä yepä'chococu cuä̧cua̧jä̧; ja̧'hua̧nö̧ jo̧mȩttö̧, recuätö ttö̧ja̧ ttu̧sä̧cua̧jä̧ ppcuädatö pä'ö. ²⁰ Ja̧'hua̧nö̧ ja̧'a̧nä̧́ ttö̧ja̧ suropätömä ttiäriyämä̧ jäyätä toäcua'a; ttodajuächa pä'ö'i̧nä̧ juittäcuotö, röji tta̧ttä̧rö̧mä̧ ji̧yȩtȩtä̧ jä̧cua̧'a̧ 'coru juottächa pä'ötä.