¹ ¿Ucumä leviatánrö ajua'chenä ttocu'anö ja̧'a̧ tä̧ji̧? ja̧'hua̧nö̧ jo̧ca̧'a̧ttö̧mä̧ ¿Äcänä isappänä cunu'ca'anö tä̧ji̧? ² ¿I̧ji̧yu̧nä̧ ä̧nu̧chu̧nä̧ ti̧cuä̧dö̧'a̧nö̧ tä̧ji̧, ja̧'hua̧nö̧ jo̧ca̧'ttö̧'i̧nä̧ äcänä ajua'chenä cuittopa'anö tä̧ji̧? ³ ¿Ucu rö̧ä̧nä̧ ajahuäcuähua'anö tä̧ji̧? ¿Ja̧u̧mä̧ u̧'cua̧pö̧nä̧ adihuomenä ucuru ucuocu'anö̧ tä̧ji̧? ⁴ ¿Ja̧u̧mä̧ ucucu esecu'anö tä̧ji̧, 'cuäopönä̧tä̧ ucu cu̧mö̧huä̧ya̧ päi'önä ö̧ja̧ pä'ö? ⁵ ¿Ppiyuhuäcu ttiärehua'a jä̧'i̧nö̧'a̧nö̧ ja̧u̧cu̧ cuiärehua'anö tä̧ji̧? ¿Cumöhuäyaju päi'önä cunu'ca'anö tä̧ji̧. Po̧i̧ 'choähuä ttö̧ja̧mä̧, ¿Ja̧u̧cu̧ ji̧yȩtȩ jȩttä̧cuȩ jȩpö̧ ttu̧ju̧na'a̧nö̧ tä̧ji̧? ⁶ ¿Jare iyähuä ttö̧ja̧cu̧ ji̧yȩtȩ ttö'ärohua pä'ö 'cä̧ttȩcua̧'a̧nö̧ ja̧'a̧ tä̧ji̧. ⁷ Ppoähuobunä i̧jȩta̧ 'tä̧u̧nä̧ ppocu'anä hua̧jä̧ ta̧ji̧ ja̧'hua̧nta̧'a̧nö̧ raba'canä unä tacu'anö hua̧jä̧? ⁸ Ja̧u̧ru̧ cu̧mu̧nä̧ mȩ'i̧ ya'utenätä'inä, ja̧'hua̧nö̧ jo̧mȩnä̧ ucumä cua̧mu̧cuä̧dä̧cua̧jä̧ curohuähuinäme ja̧'hua̧nö̧ jo̧mȩnä̧tä̧ jua'a yabocumä jȩpo̧cö̧cuä̧cua̧jä̧. ⁹ Topi, Ja̧'hua̧nö̧ jȩcho̧mȩnä̧ adihuäcua'a pä'ömä yaparetyä ja̧'a̧; ¿Ya̧tȩ ja̧u̧ru̧ topömä rȩjȩ ppoächö'anä hua̧? ¹⁰ Ya̧tȩ'i̧nä̧ ju̧ru̧hua̧mä̧ toa'a Leviatanrö̧ yȩ'ȩpö̧ ö'orädö'anö hua̧mä̧; ¿Dijä̧ttö̧, ja̧'hua̧nö̧ jö̧ttö̧mä̧, TTÖ chä'cajo̧mȩ ö̧jä̧mä̧dö̧'a̧nö̧ hua̧mä̧? ¹¹ ¿Dijä̧ttö̧ TTORÖ ä̧cuo̧mȩnä̧ iyinömä ja̧'hua̧nö̧ jȩi̧nö̧ micuä ttö chimitarö pä'ömä? O'cajuiyönä mo̧rpjä̧ dȩa̧'a̧ ko̧cu̧mä̧ ttö chiäretä ja̧'a̧. ¹² Ttömä 'corunämä ko̧cö̧ chä̧cua̧sä̧ Leviatán öjattö ujuru tö'cömä, ja̧'hua̧ta̧'a̧nö̧ ujuruttu öädihuä'inä. ¹³ ¿Di jä̧ttö̧ ö̧'ca̧tä̧huä̧ti̧yu̧ huä̧mȩ jähuä ejö icu'anö hua̧mä̧? ¿Di jä̧ttö̧ doächi'önä ppoö'anö hua̧mä̧ poönä tto̧ȩpä̧rä̧tra̧'i̧nä̧? ¹⁴ ¿Di jä̧ttö̧ ja̧u̧ äca jacuä bahuepö'anö hua̧mä̧, acupiyä rö̧ä̧nä̧ ko̧cuo̧mȩ, juiyo ro̧huä̧pi̧jo̧mȩ? ¹⁵ Ucurä o'chumä isähuänä tto̧ȩpä̧rö̧nä̧ ko̧cua̧'a̧, 'quiyönä jäbetö nö̧'cähua'a. ¹⁶ Ttto̧ȩpä̧rö̧ abiyamä juiyo 'ca̧tä̧huä̧nö̧ ko̧cui̧na̧'a̧ ja'huätörö isoppa'inä 'cuäopö juiyönä. ¹⁷ Karabiyäcu bochäunä ko̧cua̧'a̧; ja̧'hua̧nö̧ ppȩyä̧bä̧nö̧tä̧ ko̧cu̧nä̧, ja̧'hua̧nö̧ jö̧nä̧tä̧ juorö kä̧ȩcuä̧chö̧ juiyönä. ¹⁸ Jä̧'chi̧o̧mȩnä̧mä̧ tȩa̧u̧ kä̧dȩpa̧'a̧ jä̧'i̧nö̧'a̧nö̧ hua̧; I'äremä mo̧ro̧ päi'a'a kä̧hua̧ räopa'a tuhuadä jä̧'nö̧'a̧nö̧ hua̧. ¹⁹ Ättömä räepu ucurä coäma̧tä̧ tejähuare coaa ja̧i̧nö̧'a̧nö̧ kȩdȩpu̧ räepunä ucuräte u̧mi̧cu̧. ²⁰ I̧ji̧yu̧ttö̧mä̧ ucurä isoppa räopäcu uriba ucuränä duiö cuäräpu räopaa jä̧i̧nö̧'a̧nö̧. ²¹ Juäomenämä ucurä cuoäsa jä̧i̧nö̧'a̧nö̧ juäpu ä́nämä̧ ucurämatä̧ räepunä. ²² Ujuru kö̧nä̧rö̧ u̧rö̧pä̧kȩnä̧'i̧nä̧ ja̧'hua̧ta̧'a̧nö̧ ä'cattömä ri̧ȩnä̧ yeecu tti̧ttä̧huä̧cu̧. ²³ I̧jȩta̧'i̧nä̧ idepäcu todeunätä̧ 'qui̧yä̧ta̧ chunätä̧ todeunä; 'quiyunä pporächi'iyunä juorumä̧. ²⁴ Ami'iso'qui'inä 'qui̧a̧ inähuä jä̧i̧nö̧'a̧nö̧, rȩjȩ́ jacua inähuä pähuä 'quiyähuä jä̧i̧nö̧'a̧nö̧. ²⁵ Ja̧u̧ ä̧rä̧mi̧'o̧mȩnä̧mä̧, ttö̧ä̧nä̧huo̧tö̧'i̧nä̧ ye'ähuipätö; yettecunä jä̧ö̧mä̧ juorömä rä'opächätö. ²⁶ Curä'chu cuähuächomenämä yorö'iso jȩä̧cho̧ca̧'a̧, ja̧'hua̧ta̧'a̧nö̧ dacuodämä jȩä̧cho̧ca̧'a̧, 'po̧'a̧ri̧'i̧nä̧, koro curä rohuähuäcuä ä'chu jö̧'i̧nä̧. ²⁷ Ja̧u̧mä̧ cuoräu jähuämä isä'cua 'cu̧a̧rö̧nä̧ amöcuä̧dö ja̧'hua̧ta̧'a̧nö̧ broce jö̧ttö̧mä̧ isodä hua'ö icuodä jä̧'i̧nö̧ 'cu̧ä̧rä̧cu̧ ²⁸ 'Po̧'a̧ri̧mä̧ a̧mö̧nä̧ pa̧ja̧tö̧mä̧ töächo̧ca̧ri̧; ja̧u̧rö̧mä̧ ino'quinä 'po̧ä̧huä̧ta̧mä̧, isä'cua jö̧nä̧tä̧ pärohuächa'a. ²⁹ Cuähuächemä isä'cua 'cua̧rö̧nä̧tä̧ jä̧cu̧; dacuä'chu ttujurucu icuähuä'chumä ya̧'a̧huȩ'ö̧tä̧ rötö. ³⁰ Juiächi'omemä i̧so̧'ta̧ di̧ä̧huo̧'ta̧ so̧o̧mȩ jä̧'i̧nö̧'a̧nö̧ jä̧cu̧; ja̧u̧ o'comä rutipö redähuanä̧mä̧ trigo ca̧ca̧tö̧ cuettächa'a jä̧'i̧nö̧'a̧nö̧. ³¹ Ja̧u̧mä̧ ajiya isoppa teoppa jȩjö̧ uribanä du'oya dattomenä cuäräomenä räopoppa jä̧'i̧nö̧'a̧nö̧; ja̧u̧mä̧ huäose jo̧mȩmä̧ jȩpö̧ uribanä da'epö pojopö ȩmä̧huoya ra̧'a̧ jä̧'i̧nö̧'a̧nö̧. ³² Ja̧u̧mä̧ aboja'anä̧mä̧ tteyuhuoppa kä̧dȩpö̧nä̧ jȩpö̧; ya̧tȩmä̧ a̧mö̧cuäda'anö ja̧'a̧ uhuo'chemä säruhua'a pä'ötä. ³³ Pi̧jä̧ rȩjȩnä̧mä̧ ja̧u̧'a̧nö̧ hua̧mä̧ toa'a, ja̧u̧mä̧ yecyuäcuähuä juiyönä ö̧ja̧ pä'ö ku̧nä̧hua̧ ja̧'a̧. ³⁴ Ja̧u̧mä̧ o'cajuiyönä ucuo teäcuähuä'inä topö; ja̧u̧mä̧ o'catoi'önä ucuo te'ähuätö tti̧tti̧mö̧ ttu̧ru̧hua̧ ja̧'a̧.