¹ Ja̧'hua̧nö̧ jo̧mȩnä̧, chamiso'qui'inä ttö̧ä̧hua̧'a̧; koromenö pporochö kä̧cu̧sä̧. ² A̧ju̧cui̧, isó, ä̧ju̧cui̧ i̧huȩnȩ rä̧mi̧pa̧'a̧, rä̧mi̧pö̧mä̧ ättö röopa'a. ³ Ja̧u̧mä̧ hue'ö mo̧ro̧jä̧ dȩa̧'a̧ jo̧mȩmä̧, ja̧'hua̧ta̧'a̧nö̧ cu'upä örounä'inä hue'ö pi̧jä̧ sobucuächönä. ⁴ Aboja̧'a̧cu̧ttu̧ i̧huȩnȩmä̧ rä̧mi̧pa̧'a̧; Ucuo ru̧huä̧ i̧huȩnȩ rä̧mi̧pa̧'a̧; Cu'upä'inä rohuoca'a i̧huȩnȩ rä̧mi̧po̧mȩnä̧mä̧. ⁵ Dios huo'omenämä a̧'cua̧cu̧nä̧ huopö; Ja̧u̧mä̧ jȩpö̧ bäreu juäi tu̧huo̧huä̧chi̧'ö̧ juiyönä. ⁶ Ja̧u̧tä̧ ja̧'a̧ hue'ömä ajiya isoppa'ina. Pi̧jä̧ra̧'a̧ mȩyȩhua̧ pä'ö'inä; ja̧'hua̧ta̧'a̧nö̧ ajiya ichapä'ö'inä, ucu'inä pärocuochi ajiyä rö̧oyä 'cuarönä. ⁷ Ja̧u̧mä̧ ttaditö o'catoi'önä̧rö̧ juhua'a yabo ttaditö juiyönä jȩpö̧, ttö̧ja̧mä̧ Ja̧u̧ jȩpö̧ aditö tottäcua'anö. ⁸ Ja̧'hua̧nö̧ jo̧mȩnä̧ isotötö ttudahuächäcuotö ja̧'hua̧nö̧ dajahuächö dajahuächäcuähuome ttö̧ja̧cuä̧cuo̧tö̧. ⁹ Kä̧ru̧'coppa juruhuoppamä kä̧hua̧ ma̧ä̧cha̧'a̧cu̧ttö̧ icha'a ja̧'hua̧ta̧'a̧nö̧ isoppa diyahuoppamä̧ ttu̧huo̧jua̧'a̧dä̧cu̧ttö̧ icha'a. ¹⁰ Dios amiyuppattömä diyahuo'quitä räopa'a; aje diyahuoto cähueächi'otomä cuoräu jä̧'i̧nö̧'a̧nö̧ 'quiya'a. ¹¹ Isopäi'önä̧tä̧, Ja̧u̧mä̧ ajiya isoppa di̧ya̧tȩ joppa ö̧ä̧mä̧cä pa̧ja̧tö̧; Ja̧u̧mä̧ juoppa ajiya isoppanä̧ cu'upa cuäunä jȩpö̧. ¹² Ja̧u̧mä̧ ajiya isoppamä kä̧ru̧'co̧u̧nä̧ jȩpö̧, juoppatä ja̧'a̧ Ja̧u̧ huea'acutä pi̧jä̧ o'cajuiyönä jȩo̧ppamä. ¹³ Ja̧u̧mä̧ pi̧yȩ o'cajuiyönä 'cuäopa pä'ö jȩpö̧; ko̧ro̧nö̧mä̧ ttu'ärohuächa pä'ö'i̧nä̧, ko̧ro̧nö̧mä̧ chutä i̧rȩjä̧ adihuächa pä'ö'i̧nä̧, ja̧'hua̧ta̧'a̧nö̧ ko̧ro̧nö̧mä̧ chutä esecu utodecuina̧'a̧cu̧ jȩa̧ pä'ö'i̧nä̧. ¹⁴ Job pi̧yȩ, ä̧ju̧cui̧; mä̧cuä̧ kä̧mä̧dö̧ ja̧'hua̧ta̧'a̧nö̧ a̧mö̧cuädi Dios adihuäjuei jȩä̧'i̧jö̧. ¹⁵ ¿Ucumä huo̧jua̧jä̧ Dios ajiya isoppa churutä pä̧huä̧rö̧jo̧mȩ ajiya isoppa huea'amä ja̧'hua̧ta̧'a̧nö̧ juoppattötä cu'upä rou räo'önä jȩa̧'a̧mä̧? ¹⁶ ¿Ucumä huo̧jä̧chi̧'i̧jä̧ta̧ji̧ ajiya isoppa mo̧ro̧jä̧nä̧ ra̧'a̧mä̧, Dios huo̧jö̧nä̧tä̧ juiyo adi̧unä jȩi̧nö̧mä̧? ¹⁷ ¿Ucumä huo̧jä̧chi̧'i̧jä̧tä̧ji̧ ku̧'ca̧tä̧hui̧yu̧ dui'inä ja̧'a̧mä̧ ka̧cua̧ ieruhua'acutu ichoppa huirochi'ö ja̧'a̧mä̧?. ¹⁸ ¿JA̧U̧MÄ̧ mo̧ro̧ji̧yä̧ kä̧dȩpu̧ du'unä 'quiyönä kö̧nä̧ aditinö tti'ä toäcuähuodä jä̧i̧nö̧'anö̧ jönä ¿ucumä ja̧'hua̧nö̧ jȩ'cu̧anö ja̧'a̧ tä̧ji̧? ¹⁹ ja̧'hua̧nö̧ jö̧ttö̧mä̧ huo̧jȩti̧tö̧ pätö'anö jö̧ ja̧u̧ru̧ ujutumä jerupätöjä jitäcua pä'ömä ujututä tamucuädomemä yo̧ä̧u̧jä̧. ²⁰ ¿JA̧U̧CU̧ chucuocua pä̧huä̧rö̧jä̧cu̧sä̧ pädö'anö ja̧'a̧ tä̧ji̧? ¿ya̧tȩ ko̧ tä̧ji̧ siepu icuarö pä'ähuömä?. ²¹ Ja̧'hua̧nö̧ ja̧'a̧ttö̧ jitä, ttö̧ja̧mä̧ kä̧hua̧ mo̧ro̧jä̧ ra̧'a̧ttö̧ kä̧dȩpö̧mä̧ tottö juiyönä ja̧'a̧ isoppa tto̧ȩpä̧ro̧ca̧'a̧ ö̧ro̧mȩnä̧mä̧. ²² Kä̧hua̧ u̧huo̧jua̧'a̧cu̧ttu̧ icha'a tu̧huä̧cä̧nö̧ säru'unä - Dios öadihuämä i̧jȩcuä̧cha̧'a̧ yettecui'önä. ²³ Ja̧'hua̧nö̧ ja̧'a̧nä̧ O'cajuiyönä ju̧ru̧hua̧rö̧mä̧, ¡ttö̧'o̧cui̧'i̧ya̧nö̧ huotöjä! JA̧U̧MÄ̧ buo ujurumä; Ja̧u̧mä̧ ka̧ra̧rö̧tä̧ ro̧'ȩpö̧ ka̧ra̧rö̧mä̧ ro̧ȩpo̧ca̧'a̧ jö̧nä̧mä̧ huocö iso päi'önätä̧ hua̧. ²⁴ Ja̧'hua̧nö̧ ja̧'a̧ttö̧, ttö̧ja̧mä̧ JA̧U̧RU̧ ye'ecuätö. Ja̧u̧mä̧ tta̧mo̧nä̧ tta̧mu̧cuä̧dä̧u̧tä̧ huo̧juä̧tö̧jä̧ pä'ätörömä adiunämä ä̧ju̧cuä̧cö̧.