¹ Eliú yabocu ucuocu pä'inö: ² "Yabonänö chucuocua'anä ä̧ju̧cui̧, ji̧'qui̧cha̧nö̧ Dios ötö'cö chi̧jȩpa̧ pä'ösä ji̧yȩtȩ ucuru. ³ Ttö chu̧huo̧ju̧mȩ ji̧dä̧huä̧cua̧sä̧; ttömä iso päi'önä ja̧'a̧ pä̧dä̧cua̧sä̧ ro̧'ȩpö̧ röji pähuämä pi̧jä̧ aditinötä̧ ja̧'a̧ pä'ö. ⁴ Ja̧'hua̧no̧ ja̧'a̧ttö̧, ttö pädömä amonämä jo̧cö̧ jä̧cuä̧; ya̧tȩ ucucu kö̧mä̧ huo̧juä̧huä̧ttö̧mä̧ 'quiyönä kö̧. ⁵ Topi, Diosmä juiyo ju̧ru̧hua̧, ja̧'hua̧nö̧ ja̧'a̧ttö̧ ya̧tȩrö̧'i̧nä̧ öjö'coca'a jö̧nä̧mä̧ jȩpo̧'cö̧; Ja̧u̧mä̧ ju̧ru̧hua̧ ja̧'a̧ttö̧ huo̧ju̧'i̧nä̧ huo̧jua̧. ⁶ JA̧U̧MÄ̧ juiyo suronä jȩpä̧ttö̧ tta̧'cua̧rö̧mä̧ hua̧'a̧dä̧rö̧mä̧ ku̧no ja̧'hua̧nö̧ ja̧'a̧nä̧ jitö adiu jȩpä̧tö̧ ja̧'a̧nä̧ surähuätörömä re'topu ppa'ädö. ⁷ JA̧U̧MÄ̧ 'cuä'opunä to̧pä̧rö̧ kö̧ adiunä ka̧cuä̧tö̧rö̧mä̧, uruhuo dȩä̧cä̧nä̧ u̧tä̧u̧ ruhuotö 'cua̧rö̧nä̧ 'cuäpunä̧tä̧ ja̧'hua̧ta̧nö̧ jahuätömä käecuätö täcuotö. ⁸ Jahuätö cu̧rä̧u̧sa̧nä̧ ti̧ä̧dä̧cuä̧huo̧tö̧ surähuö ttö̧jö̧mȩnä̧mä̧, ⁹ ja̧'hua̧nö̧ jö̧mȩnä̧mä̧ JA̧U̧MÄ̧ i̧jȩpö̧ jiäu jahuätö jȩttä̧ji̧mä̧, ja̧'hua̧ta̧nö̧ ucuo juiyönä jȩttä̧i̧'inä ttötä ja̧'a̧ pä'ö jȩttö̧'i̧nä̧. ¹⁰ Ja̧'hua̧ta̧'a̧nö̧ Ja̧u̧mä̧ jȩtta̧ pä'ö jiäumä ttä̧ju̧cu̧nä̧ jȩpö̧, juhua'atäcu jahuätörömä̧ hue'ö surojöttö 'cä̧ttȩcuä̧chi̧ya̧rö̧ pä'ö. ¹¹ Jahuätö ttä̧ju̧cu̧ttö̧mä̧ ja̧'hua̧ta̧'a̧nö̧ ucuo tettäuttömä ja̧u̧rö̧ ttöäremä yabonö rö̧ttö̧chä̧cuo̧tö̧ eseäcuähuä a̧'ȩ jö̧nä̧tä̧. ¹² ja̧'hua̧nö̧ ja̧'a̧nä̧ jahuätö ttä̧ju̧cuo̧ca̧'a̧ jö̧ttö̧mä̧, curänä̧tä̧ totte'ächäcuotö; jahuätömä hua'ö tticuäcuotö huo̧jui̧'ä̧cuä̧huä̧ juittomettö. ¹³ Jahuätö Diosrö tta̧'cua̧ huȩnä̧rä̧co̧tö̧mä 'cuäopönätä pää̧i̧cuä̧tö̧; jahuätömä Dios ro̧ȩpo̧mȩnä̧ ppädatö pä'ö huottöcuotö. ¹⁴ Ji̧nä̧ mö̧ä̧yotö ttö̧jä̧i̧ 'corujuo'ächätö; tta'cuarömä ttu̧ru̧hua̧rö̧ ucuotö ttidepä iyä'chäutä to'e'ächätö. ¹⁵ Diosmä tta̧'cua̧ tta̧'ȩcuä̧tö̧rö̧ tta̧'cua̧ tta̧ttȩcu̧ttö̧ rä'epö icu ȩmö̧; Ja̧u̧mä̧ suronä jȩttä̧u̧ttö̧ ttä̧ju̧cu̧ jȩpö̧. ¹⁶ Ja̧'hua̧nö̧ jo̧mȩttö̧ Ja̧u̧mä̧ tta̧'cua̧ tta̧ttȩcu̧ttö̧ rä'epö icua pä'ö a̧mö̧cuädö rö̧ä̧mȩ huȩnȩ'i̧nä̧ juiyomȩcu̧ ja̧'hua̧ta̧'a̧nö̧ ttu̧cuä̧ a̧dȩu̧ mesa i̧so̧dä̧nä̧ jo̧mȩnö̧ ko̧mȩcu̧. ¹⁷ Ja̧'hua̧nö̧ ja̧'a̧nä̧ ucumä suropätörö ro̧ȩcua̧'a̧tä̧ pätetö ku̧nä̧hua̧jä̧; ro̧ȩcuä̧'i̧nä̧ adihuomenä jȩä̧cuä̧huä̧'i̧nä̧ 'chu'ädö ku̧ni̧nä̧cu̧jä̧ ucumä. ¹⁸ Cu̧'ä̧i̧ ya̧huä̧huä̧'chä̧cuä̧huä̧ra̧'a̧tä̧ ȩmi̧pa̧'a̧nä̧mä̧ ja̧'a̧tä̧ to'cuäcuähuä, ja̧'hua̧nö̧ jo̧ca̧'a̧ttö̧'i̧nä̧ ö̧rö̧ä̧mä̧ cu̧ji̧pö̧nä̧ jȩpö̧ kara'acu ȩpo̧cuó. ¹⁹ ¿Ucu cuiäre pärätämä ppädö'anö ja̧'a̧ tä̧ji̧, 'cua̧'cua̧ tä̧cuȩcu̧ juiyönä, cuamonä cujurunä̧tä̧ o'cajuiyönä ppäcuädäcuä'cua'anö ja̧'a̧tä̧ji̧? ²⁰ Yodo pä̧huä̧ to'cuä, suronä jȩ'cua̧ pä'ömä ka̧ra̧rö̧, ja̧'hua̧nö̧ jȩpä̧ttö̧rö̧mä̧ siepu icuähua'a ttö̧jo̧mȩtö̧mä̧. ²¹ Ttu̧ȩpä̧rä̧huä̧huä̧u̧ kä̧cui̧ surojöttömä 'quȩi̧pä̧chö̧ täcö cusuräunä ka̧cuȩmu̧ to̧pä̧cua̧cua̧ cua̧jä̧ . ²² Topi, Diosmä jueötä cua̧ ujuru'inä juiyo ju̧ru̧hua̧; ¿Ja̧u̧ttu̧'i̧nä̧ abonänö huo̧jȩcuä̧ i̧sa̧mä̧ toa'a? ²³ ¿Ja̧u̧ru̧mä̧ huo̧jȩtö̧mä̧ ya̧tȩ'i̧nä̧ toa'a pa̧'a̧nä̧ jȩ'cua̧nö̧ ja̧'a̧ pä'ömä: 'Ucumä suronä jȩpä̧ji̧jä̧ pä'öanö hua̧i̧nä̧ toa'a?' ²⁴ Ucumä jȩi̧nö̧ amuhuädö eseu ra̧'i̧ ttö̧ja̧ ra̧tti̧nö̧'anö. ²⁵ Ttö̧ja̧mä̧ o'catoi'önä ja̧u̧ aditö u̧ju̧ni̧nö̧ topätö, ja̧'hua̧nö̧ ja̧'a̧nä̧ aditö u̧ju̧ni̧nö̧mä otonätä̧ topätö. ²⁶ Topätucui, buó ja̧'a̧ Diosmä, ja̧'hua̧nö̧ ja̧'a̧nä̧ ujutu adiunämä huo̧juä̧chi̧'o̧co̧tö̧jä̧ ja̧u̧ru̧mä̧; uhuäpächinö a̧'ȩ'i̧nä̧ pa̧ja̧cuo̧mȩ jui̧'ä̧. ²⁷ Ja̧u̧mä̧ ajiya dahuipöta'anö ca̧ca̧tö̧ ppe'ädö ju'tojunä rä̧mä̧dö̧ ajiya huerächa pä'ö, ²⁸ ja̧'hua̧nö̧ jo̧mȩnä̧tä̧ ajiya isoppanä pä'i'ö rȩjȩcu̧ huerächa'a ja̧'hu̧a̧nö̧ jo̧mȩnä̧tä̧ ajiyamä icha'a ttö̧ja̧rö̧. ²⁹ Ja̧'hua̧nö̧tä̧ ja̧'a̧, ¿Ya̧tȩ'i̧nä̧ huo̧juä̧chi̧'o̧cö̧ ja̧'a̧ ajiya isoppa rö̧ä̧nä̧ ra̧'a̧ toa'anä ja̧'hua̧ta̧'a̧nö̧ cu'upä rohua'a'inä ojusode jacuättömä? ³⁰ Ä̧ju̧cui̧, juo̧ú̧ cuupä örohuaa jä̧i̧nö̧'a̧nö̧ jȩo̧mȩnä̧ ajé deähuoto jacuä yo̧o̧mȩ'i̧nä̧ tejädönä. ³¹ Juo̧u̧ ö̧jo̧mȩmä̧ pi̧jä̧ ttö̧ja̧rö̧ hue'ö ja̧'hua̧ta̧'a̧nö̧ ri̧ȩnä̧ iyö ttö̧cuȩ'i̧nä̧. ³² Juo̧u̧mä̧ 'chuä̧rö̧ u̧mu̧nä̧ cuupä örohuähuö jo̧mȩnö̧ i̧cua̧ peö icua päome. ³³ Cuupä cöröächomenä jiähuaa kärö̧'coppa juröhuoppa ichacuaa päö, ja̧'hua̧ta̧'a̧nö̧ ä̧ju̧cu̧ ttö̧huo̧juä̧cuo̧ttö̧ ichaa päö.