¹ Koromä Eliumä yabonö pä'inö: ² "¿Ucu cua̧mö̧cuädömä̧ adiu ja̧'a̧ pä'öjä pa̧'a̧nö̧ päcuomenä̧mä̧: Dios ä'ca jo̧mȩttö̧mä̧ surojömä jui̧'a̧sä̧? ³ Ja̧'hua̧nö̧ ji̧yä̧cu̧ jä'epö, ¿Ttörö däjetä ppädäcua'attö̧ pi̧yȩmä̧? ja̧'hua̧ta̧'a̧nö̧ ¿Suronä jȩchä̧ji̧ cädädi'öttömä adiu chu̧ju̧'a̧nö̧ tä̧ji̧? ⁴ Ttömä ucutu chä̧dä̧tä̧cua̧sä̧ ta̧ju̧cuäyotörö ucurutä'i̧nä̧ juhua'atäcu cuahuaruhuärö'i̧nä̧. ⁵ Mo̧ro̧jä̧ra̧'a̧cu̧ bo̧yu̧cu̧ topi ja̧'hua̧ta̧'nö̧ topirö; mo̧ro̧jä̧ topi, juhua'amä̧ ucuttö'i̧nä̧ abonä̧nö̧ ju'toju ja̧'a̧. ⁶ Ucu suronä jȩcuä̧ji̧ttö̧mä̧, däje suraja'anö ja̧'a̧ttö̧ Diosrömä? ¿Ucu suronä jȩ'cu̧ rö̧ä̧ö̧nä̧ ca̧ca̧cu̧tu̧mä̧, däje sura'anö ja̧'a̧ttö̧ JA̧U̧RU̧MÄ̧? ⁷ ¿Ucu surojö'inä jui'ö cu̧jö̧ttö̧mä̧, däjetä cuiyö'anö ja'a̧ttö̧ JA̧U̧RU̧MÄ̧? ¿Däjetä emuanö ja̧'a̧ttö̧ ucu cuiyömä? ⁸ Ucu suronä jȩ'cu̧mä̧ tto̧ja̧ i̧sa̧rö̧tä̧ suro juoepujä ttö̧ja̧ i̧sa̧ cua'attö, ja̧'hua̧ta̧nö̧ ucu adiu jȩ'cu̧mä̧ korotö tti̧tti̧mu̧rö̧ adicua'anö ja̧'a̧. ⁹ Ttö̧ja̧mä̧ juiyo juruhuätö suronä jȩpu̧ huȩttä̧u̧ , cuopu jäepätä ppättädatö pä'ö. ¹⁰ Ja̧'hua̧nö̧ ja̧'a̧nä̧ ya̧tȩttö̧'i̧nä̧ pä'ocö: ' ¿Tené ö̧jä̧ ttörö aditinömä, yodo ra̧huä̧huä̧ iyä'ijömä, ¹¹ de'a rȩjȩnä̧ isotöttö'inä abonänö huo̧juȩcu̧nä̧ tö̧jö̧nä̧ huo̧jȩtä̧'i̧jö̧mä̧, ja̧'hua̧ta̧nö̧ mo̧ro̧jä̧ ppi̧yu̧ttu̧'i̧nä̧ abonänö huo̧jö̧nä̧ ttö̧jö̧nä̧ jȩpä̧'i̧jö̧mä̧?. ¹² juorö huopätö, Ja̧'hua̧nö̧ ja̧'a̧nä̧ Diosmä ädäto̧co̧u̧ tta̧mo̧nä̧tä̧ ucuo te'äu suronä jȩtta̧'a̧ttö̧. ¹³ Diosmä iso päi'önätä̧ a̧mo̧nä̧ huottömä a̧ju̧cuo̧cö̧; o'cajuiyönä ju̧ru̧hua̧mä̧ adiunämä topocö jä̧cua̧ ja̧u̧ru̧mä̧. ¹⁴ ¡Tta̧'a̧nö̧ ä̧ju̧cua̧cu̧ tochococu päcua'amä̧, ucu jȩcu̧'u̧mä̧ ä'cajo̧mȩtä̧ ja̧'a̧, Ja̧u̧ru̧tä̧ tta̧'a̧rö̧sä̧ päcua'amä! ¹⁵ Ja̧u̧mä̧ ä̧dä̧tä̧cua̧jä̧ ucumö pä'öjä amisurächi'a'anä'inä ja̧u̧mä̧ ro̧'ȩpo̧cö̧, Ja̧u̧mä̧ a̧'cua̧ ro'ecuocö u̧mu̧huäyotö suronä jȩtta̧'a̧nä̧'i̧nä̧. ¹⁶ Ja̧'hua̧nö̧ ja̧'a̧ttö̧ Job ucuocumä yaparetä ucuocu; Ja̧u̧ ȩnä̧ro̧ ucuocua pä'ö yapare huo̧jua̧sä̧ pä'ötä.