¹ " ¡Cuänä̧ trompeta kunä̧hui̧! ya̧tȩ pare TÖ̧Ä̧NÄ̧HUA̧ ojusode huämenä̧ icha'a jä̧'inö̧'a̧nö̧ jo̧nä̧ jua'amä̧ ttö̧ja̧mä̧ Ttöcu ttötodecuinö ttöcuotoca'a jinö̧ ta̧'a̧nö̧ ja̧'hua̧ta̧nö̧ Ttöu huedö huȩnȩ i̧jȩcuä̧chi̧nö̧ttö̧'i̧nä̧ to'ija̧'a̧cu̧ jȩti̧na̧'a̧ttö̧. ² Ja'huätömä̧ pä̧i̧cu̧nä̧ juopunö̧ pä'inä̧tö̧: TÖ̧Ä̧NÄ̧HUA̧ Dios, ujutu Israel ttö̧ja̧mä̧ tö̧huo̧juä̧cu̧jä̧. ³ Israel ttö̧ja̧mä̧ adihuäjueimä̧ ttöju'coca'a ji̧na̧'a̧ttö̧, Ja̧'hua̧'a̧nö̧ ja̧'a̧ttö̧ ttaboiyotömä̧ ttö̧sä̧cuä̧u̧. ⁴ Ja'huätömä̧ ku̧ni̧nä̧tö̧ huȩähuä huȩnȩ. Ja̧'hua̧nö̧ ja̧'a̧ttö̧ Ttörömä̧cö̧. Juätömä̧ ttu̧ru̧hua̧rö̧ aditinä̧tö̧, Ttömä̧ chieruhuönä̧tä̧. Jitötä tta̧mö̧nä̧ ttiäre pärätänä̧tä̧ ja̧'hua̧ta̧nö̧ oronä̧'i̧nä̧ aditinä̧tö̧ jitötä tta̧mö̧nä̧ tti̧ä̧nä̧huä'catä. Jua'amä̧ jitötä tta̧mö̧nä̧ si'ecu icuinä̧tö̧. " ⁵ Samariattömä̧ Cuä̧nä̧huä̧'ca̧mä̧ kö'cocotö pinä̧tö̧. Ttö cha̧mi̧surumä̧ ro̧ȩi̧nä̧ du'unä̧ tejädunä̧ jä'inö̧'a̧nö̧ jö̧nä̧ ja̧'a̧ pitö ttö̧ja̧rö̧mä̧ to'ija̧'a̧cu̧ jȩti̧nö̧mä̧. ¿Tta̧'a̧nö̧ recuo jö̧nä̧ tö̧jä̧cua̧'a̧ttö̧ huȩnȩ huotö jö̧nä̧mä̧.? ⁶ Pide yapare ttö̧ä̧nä̧hua̧mä̧ ¡Diosmä̧cö̧! Israelttö ya̧tȩ ttiäre adicuä i̧sa̧ aditinä̧cu̧; Samariattö päkäyä i̧tti̧ a̧u̧cuä̧ tätähuä'camä pparopu icuäcuähuome ppo̧u̧cu̧nä̧. ⁷ Ja'huätomä cu̧ni̧nä̧tö̧ isoppatä ja̧'hua̧nö̧ ja̧'a̧ttö̧ suronä jȩtti̧nö̧tä̧ ttȩmä̧cuo̧tö̧. O̧tȩ ocha juiya'attö, harina'inä jȩttö̧ juiyäcua'a. Jo̧mȩnö̧ 'quiyächoca'a jö̧ttö̧'i̧nä̧ ko̧ro̧jä̧ttö̧ ichäcuäcuotötä tucuiyäcuotö. ⁸ Israel ttö̧ja̧mä täcö 'chotti̧pä̧u̧; jitä ttö̧ja̧ ttö̧jo̧cuo̧mȩttö̧mä̧ micuäcuocotötä huotö. ⁹ Ja'huätömä jitötä ttamonä 'chinä̧tö̧ Siria'ra'atä dea i̧sa̧ burro 'cua̧rö̧nä̧. Efrain korotucu esecu iyäcuinö ö̧ja̧päö. ¹⁰ Ja̧'hua̧nö̧ ja̧'a̧nä̧'i̧nä̧ ja'huätömä ko̧ro̧jä̧ ttö̧ja̧cu̧'i̧nä̧ esecu iyäcuinätö̧, Jitä TTÖ o'catoinärö̧ ji̧nä̧ yo̧mȩtȩ juo̧dȩpä̧cua̧sä̧. Ja'huätö suräu tti̧jä̧bä̧dä̧cuo̧tö̧ ruhuotö tti̧tti̧mu̧cu̧ pä̧i̧cu̧nä̧ huȩttä̧rä̧u̧. ¹¹ Efrainmä rö̧ä̧nä aditä'chö ku icu iyähuome suronä jȩtta̧ ttiya pä'ötä, ja̧'hua̧nö̧ ja̧'a̧nä̧, ja'huätömä ku icu iyähuome suronä jȩttö̧tä̧ iyätö. ¹² TTÖ huedö hueähuä huȩnȩ diez milnö jo̧mȩnä huedöttö'inä, ja'huätömä jerupätöjä ja̧u̧mä̧ hueähuämä pätta pä'ötä huotö. ¹³ Ja̧'hua̧nö̧ ja̧'a̧nä̧ ttö chiäre iyähuättö, i̧sa̧rä̧ cuä'ö ja̧u̧ idepä'inä cuätö, ja̧'hua̧nö̧ ja̧'a̧nä̧, TTÖ CUÄ̧NÄ̧HUA̧TU̧CU̧MÄ̧, kö'cocösä. Jitämä ttötä amucuädö ja'huätö suronä jȩtti̧nö̧ micuätä ro̧dȩpä̧cuo̧tö̧. Ja'huätömä ppa̧tä̧chä̧cuo̧tö̧ Egiptora̧'a̧cu̧tä̧. ¹⁴ TTÖRÖMÄ unuchi'inätö̧ Israél ttö̧ja̧mä̧, jitörötä uhuäbe'inörömä, ja̧'hua̧nö̧ jȩpö̧ ruhuo isodetä aditö ko̧cuä̧tö̧. Judá ahuaruhuä o'cotömä ötahuiyä bäreutä aditö kö̧cuä̧tö̧, TTÖTÄ ocurä huȩdä̧cua̧sä̧ jahuätö ttötahuiyänä; 'quiyönä ttaditinö'inä toe'äcua'a.