¹ Israel a̧u̧cua̧ 'cua̧rö̧nä̧ jo̧mȩnä̧, TTÖ juiyo repeinösä̧ TTÖ chi̧tti̧ jö̧nä̧ Egiptottö'inä räepu icu. ² Juiyo repedomenämä ja'huätömä TTÖTTÖMÄ oto juoächinö̧tö̧. Ja'huätö ku'icu i̧yäcuämä iyinä̧tö̧ a̧mo̧nä̧ ttö̧ä̧nä̧huo̧tö̧ baalesrötä ja̧'hua̧ta̧nö̧ isoppa a̧mȩu̧ juäi'inä ku'icu iyinä̧tö̧ ja'huätörötä. ³ Ja̧'hua̧nö̧ ja̧'a̧nä̧, TTÖTÄ ji̧nä̧'a̧ Efrainrö̧ i̧'cha̧ pä'ö huo̧jȩti̧nö̧mä̧. TTÖTÄ jina'a̧ ja̧u̧ru̧ cä̧ȩpä̧rö̧ tta̧'a̧ri̧nö̧mä̧, ja̧'hua̧nö̧ ja̧'a̧nä̧ ja'huätömä jerupinättö̧ TTÖ tta̧dä̧ri̧nö̧mä̧. ⁴ TTÖTÄ odipinä̧u̧ repeäcuähuänä känö. TTÖTÄ jina'a̧ ja'huätö usurä ttemäcuo̧mȩttö̧ ppä̧'ä̧dä̧rö̧ ki̧nö̧mä̧, ja̧'hua̧ta̧nö̧ TTÖTÄ jina'a̧ ja'huätö ttucua pä'öinä ppä̧'ä̧dä̧ri̧nö̧mä̧. ⁵ ¿Ja'huätömä ppa̧ttä̧chö̧ juiyäcuotö Egipto ra̧'a̧mä̧?¿Asiriatä huea'anä ttö̧jä̧cuo̧tö̧ jahuätömä, jua'amä TTÖ chö̧jo̧mȩcu̧ tticha pättoca'attö? ⁶ Ttidepiyunämä curä'chunätä̧ 'cui'opö ro̧ȩcuä̧cuo̧tö̧ ja̧'hua̧ta'a̧nö̧ apate bahuecuome'inä pparopö icuähuiyäcuotö; Jitötä jȩttä̧ pättäjinätä̧ si'epö icuähuiyäcuotö. ⁷ TTO chumuhuäyotö'inä TTÖTTÖ 'cä̧tti̧pä̧cha̧ pä'ö amucuädätö. Mo̧ro̧jä̧ra̧'a̧ kö̧rö̧ huotta'anä'inä, ja'huätörö ppä'ädömä ya̧tȩ'i̧nä̧ toäcua'a. ⁸ ¿Efraín, tta̧'a̧nö̧ pä'ö jarochi'acu? ¿ Israél, ucuru TTÖMÄ iyö icuocösä? ¿Tta̧'a̧nö̧ pä'ö jȩchä̧tu̧cua̧cu̧ Admarö̧ jȩchi̧nö̧'a̧nö̧mä̧? ¿Tta̧'a̧nö̧ pä'ö jȩchä̧tu̧cua̧cu̧ Zeboimrö̧ jȩchi̧nö̧'a̧nö̧mä̧? TTÖTÄ chimiso'qui jacuätömä pärohuächinäcu̧sä̧; rö̧ä̧nä̧ rȩrö̧jö̧nä̧ tochönätä̧ jä̧cu̧sä̧. ⁹ Ucuturu chö̧ä̧i̧cu̧mä̧ ro̧'ȩpo̧cö̧ chä̧cua̧sä̧; Pö'öjita'anömä si'epö icuocösä Efrainrö̧mä. TTÖMÄ Diosä ttö̧ja̧sa̧ mä̧cö̧sä̧; Surojö jui̧'a̧ ucutu cu̧'cä̧tȩnä̧ kö̧sä̧, ja̧'hua̧nö̧ ja̧'a̧ttö̧ chö̧a̧i̧cu̧mö̧ ichocä chä̧cua̧sä̧. ¹⁰ TÖ̧Ä̧NÄHUA̧RÖ̧ ucutönö jȩttä̧cuo̧tö̧ jahuätö; ja̧'hua̧nö̧ ja̧'a̧ttö̧ juo̧u̧mä̧ duröhuä̧cua̧ muyähui jäinö'a̧nö̧. Ja̧'hua̧nö̧ duruhuomenä juo̧ú̧, kä̧hu̧á̧ ma̧cha̧ a̧cu̧ttö̧ jurönänö tichäcuotö i̧tti̧mu̧mä̧. ¹¹ Jahuätö ppiyú jä̧i̧nö̧'a̧nö̧ Egipto rȩjȩttö̧ u̧'cu̧a̧rȩcuä̧ ttichäcuotö u̧nu̧cu̧tö̧ Asiria rȩjȩnä̧ ka̧cuä̧tö̧ta̧a̧nö̧. Ttojusodenä ttö̧ja̧ pe'ö jȩchä̧cuä̧u̧ jiäu kö̧ninö TÖ̧Ä̧NÄHUA̧. ¹² Efraínmä surojötä jiäu kö̧ni̧nö̧ ttö chittö'cö Israel tti̧rȩjä̧ttö̧. Ja̧'hua̧nö̧ ja̧'a̧nä̧ Judátä ji̧nä DIOSCU kö̧, ji̧nä ucuo teäu surojö jui̧a̧rö̧.