¹ Pojä cuyäru isojänä pa̧'a̧ Adánminä ahuaruhuä'cotö tti̧mi̧mä̧. Tö̧ä̧nä̧hua̧ Dios ttö̧ja̧ i̧sa̧rö̧ aditomenä, Tö̧ä̧nä̧hua̧ Dios chutä jö̧ ta'anö hua̧rö̧ aditinödo. ² Aditinödo uborö'inä, isajuru'inä. Jahuätörö adiu ppä'ädinödo. Aditinö mo̧ro̧ Tö̧ä̧nä̧hua̧ Dios o'inödo pitömä ―ttö̧ja̧― pä'ö. ³ Adán ciento treinta a̧'ȩ ku̧nä̧ri̧nö̧do, i̧tti̧ uhuäpächinömä. I̧mi̧mä̧ o'inödo Set pä'ö. Chutä Adán jö̧ ta'anö huinödo. ⁴ Set uhuäpächinö o'ca'a, Adán juhua'a yabo ochocientos a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧'i̧nä̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ⁵ Adán o'ca juiyömä novecientos treinta a̧'ȩ u̧ju̧nä̧ro̧mȩnä̧, 'corupä'i'inödo. ⁶ Set ciento cinco a̧'ȩ ku̧nä̧ri̧nö̧do, i̧tti̧ Enós uhuäpächinömä. ⁷ Enós uhuäpächinö o'ca'a, Set juhua'a yabo ochocientos siete a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ⁸ Set o'ca juiyömä novecientos doce a̧'ȩ u̧ju̧nä̧ro̧mȩnä̧, 'corupä'i'inödo. ⁹ Enós noventa a̧'ȩ ku̧nä̧ri̧nö̧do, i̧tti̧ Cainán uhuäpächinömä. ¹⁰ Cainán uhuäpächinö o'ca'a, Enós juhua'a yabo ochocientos quince a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ¹¹ Enós o'ca juiyömä novecientos cinco a̧'ȩ u̧ju̧nä̧ro̧mȩnä̧, 'corupä'i'inödo. ¹² Cainán setenta a̧'ȩ ku̧nä̧ri̧nö̧do, i̧tti̧ Mahalaleel uhuäpächinömä. ¹³ Mahalaleel uhuäpächinö o'ca'a, Cainán juhua'a yabo ochocientos cuarenta a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ¹⁴ Cainán o'ca juiyömä novecientos diez a̧'ȩ u̧ju̧nä̧ro̧mȩnä̧, 'corupä'i'inödo. ¹⁵ Mahalaleel sesenta y cinco a̧'ȩ ku̧nä̧ri̧nö̧do, i̧tti̧ Jared uhuäpächinömä. ¹⁶ Jared uhuäpächinö o'ca'a, Mahalaleel juhua'a yabo ochocientos treinta a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ¹⁷ Mahalaleel o'ca juiyömä ochocientos noventa y cinco a̧'ȩ u̧ju̧nä̧ro̧mȩnä̧, 'corupä'i'inödo. ¹⁸ Jared ciento sesenta y dos a̧'ȩ ku̧nä̧ri̧nö̧do, i̧tti̧ Enoc uhuäpächinömä. ¹⁹ Enoc uhuäpächinö o'ca'a, Jared juhua'a yabo ochocientos a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ²⁰ Jared o'ca juiyömä novecientos sesenta y dos a̧'ȩ u̧ju̧nä̧ro̧mȩnä̧, 'corupä'i'inödo. ²¹ Enoc sesenta y cinco a̧'ȩ ku̧nä̧ri̧nö̧do, i̧tti̧ Matusalén uhuäpächinömä. ²² Matusalén uhuäpächinö o'ca'a, Enoc juhua'a yabo trescientos a̧'ȩ hua̧ ki̧nö̧do. Tö̧ä̧nä̧hua̧ Dioscu cue'ächinödo. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ²³ Enoc o'ca juiyömä trescientos sesenta y cinco a̧'ȩ hua̧ ki̧nö̧do. ²⁴ Enocmä Tö̧ä̧nä̧hua̧ Dioscu cue'ächinödo. Ja̧'hua̧nö̧ ja̧'a̧ to'epo'inödo, Dios ja̧u̧ru̧ ȩmi̧pä̧ja̧'a̧ttö̧. ²⁵ Matusalén ciento ochenta y siete a̧'ȩ ku̧nä̧ri̧nö̧do, i̧tti̧ Lamec uhuäpächinömä. ²⁶ Lamec uhuäpächinö o'ca'a, Matusalén juhua'a yabo setecientos ochenta y dos a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ²⁷ Matusalén o'ca juiyömä novecientos sesenta y nueve a̧'ȩ u̧ju̧nä̧ro̧mȩnä̧, 'corupä'i'inödo. ²⁸ Lamecmä ciento ochenta y dos a̧'ȩ ku̧nä̧ri̧nö̧do, i̧tti̧ uhuäpächinömä. ²⁹ Lamec i̧tti̧ i̧mi̧mä̧ Noé pä'ö o'inödo. Ja̧'hua̧nö̧ ja̧'a̧ Lamec pä'inödo: ―Tu̧ru̧hua̧ Dios rȩjȩ surojuächönä jȩi̧na̧'a̧ttö̧ juruhuächi'ö taditö'a̧nö̧ ja̧'a̧ tucuähuä tu̧ju̧na̧ pä'ömä. Ja̧'hua̧nö̧ ja̧'a̧nä̧ pide ji̧'qui̧cha̧hua̧mä̧ ujutu 'cuä'ächi'ö tö̧ja̧cua̧ pä'ö jȩä̧cua̧. ³⁰ Noé uhuäpächinö o'ca'a, Lamec juhua'a yabo quinientos noventa y cinco a̧'ȩ hua̧ ki̧nö̧do. Ja̧'hua̧ta̧nö̧ korotö i̧tti̧mö̧rö̧ ku̧nä̧ri̧nö̧do u̧mä̧tö̧rö̧'i̧nä̧, nä̧tö̧rö̧'i̧nä̧. ³¹ Lamec o'ca juiyömä setecientos setenta y siete a̧'ȩ u̧ju̧nä̧ro̧mȩnä̧, 'corupä'i'inödo. ³² Noé quinientos a̧'ȩ ku̧nä̧ri̧nö̧do, i̧tti̧mö̧ Sem'inä, Cam'inä, Jafet'inä ttuhuäpächinömä