¹ ¿Dijä̧ttö̧ ttö̧ja̧sa̧ huo̧juä̧mä̧? ¿Dijä̧ttö̧ huo̧jua̧mä̧ tta̧'cua̧rö̧nä̧ jȩttä̧cuä̧ pätetö ku̧nä̧huo̧mȩ? Huo̧juä̧huä̧mä̧ tö̧ja̧sa̧ huäjunä ö̧jö̧ i̧jȩpö̧nä̧ jȩö̧, ja̧'hua̧ta̧'a̧nö̧ chutö ö̧jo̧'o̧nä̧ pärohuächö. ² Ttömä täbotö jidähuäcujä ru̧hua̧ hueöta'anä jȩpö̧ kä̧hui̧ Dios ä'cajometömä ucuotö tta̧dä̧rä̧cua̧jä̧ pä'inöjä̧. ³ Ä'cajo̧mȩttö̧ jurunä ttödopächa pä'ömä jȩcu̧'ä̧, suronä jȩpä̧tö̧rö̧ ppä'ädä̧rö̧mä̧ cu̧jä̧, ru̧hua̧mä̧ jȩpö̧ churutä pä̧huä̧rö̧jo̧mȩnä̧. ⁴ Ru̧hua̧ päöta ja̧'a̧ ruhuo hueähuä jö̧mä̧, ja'huanö ja'attö, ¿Dijä̧ttö̧ ja̧u̧ru̧ pä̧cua̧mä̧: "Däje jȩcu̧'ä̧?" ⁵ Ru̧hua̧ttö̧ hueähuä huȩnȩ́ ucuotömä, ro̧ȩcuä̧ ȩmo̧cö̧. Ya̧tȩ ttö̧ja̧sä̧ amiso'quittö huo̧jua̧mä̧, jȩö̧nä̧ ja̧'hua̧ta̧'a̧nö̧ jȩä̧cuȩ'i̧nä̧ huo̧jua̧ huettö eseta'attö. ⁶ Jȩttö̧a̧'u̧cuä̧ ka̧a̧ adiunä pätecuächö'i̧nä ja̧'hua̧ta̧'a̧nö̧ ka̧a̧ ttädätö moró̧'i̧nä̧, ttö̧ja̧sä̧ttö̧ huȩnȩjö̧'i̧nä̧ ri̧ȩnä̧ ka̧a̧. ⁷ Jerupätöjä tä'cacu 'cuäpä̧cuȩi̧mä̧. ¿Jiähua jidä̧jä̧ toätöjä 'cuäopä̧cuȩi̧mä̧? ⁸ Ya̧tȩ'i̧nä̧ to'aa tta̧'cua̧rö̧ u̧ru̧hua̧mä̧ ttoepa pe'önä ja̧'hua̧nö̧ ja̧'a̧ttö̧ huaare'inä u̧ru̧hua̧mä to'aa. Ja̧'hua̧nö̧ curä tturohuahuaa päiomenämä ya̧tȩ'i̧nä̧ huea pe'ömä to'aa ttö tä'i päömä. Ya̧tȩ suronä jȩä̧'í̧ttö̧mä̧ juo̧u̧mä̧ tta̧huä̧ro̧co̧cu̧ jä̧cua̧. ⁹ Ttö̧ȩpä̧rä̧chi̧'i̧nö̧sä̧ o'cá̧juiyönä pi̧yȩ́ ja̧'hua̧nö̧ ja̧'a̧ttö̧ ri̧ȩnä̧ amucuädinösä̧ o'cajuiyönä 'cuäopu moró̧ kä̧hu̧á̧ i̧dȩa̧tto̧. Topinösä̧ ttöruhuonä tturohuahuaa ttö̧ja̧ korotörö huetta peö, ja̧'hua̧nö̧ ja̧'a̧ttö̧ juo̧u̧mä̧ adihuocaa juätörömä. ¹⁰ Ja̧'hua̧nö̧ ja̧'a̧nä̧ inä, topinösä̧ suronä jȩpä̧ttö̧rö̧ ucuotönö tti̧rȩä̧da̧'a̧ surojö'inä juiyäjänä, ja̧'hua̧nö̧ jȩpö̧ juä̧jä̧ttö̧ baropö ucuo teähuinä̧ttö̧ ötahuiyä ttö̧ja̧mä̧ jahuätö suronä jȩttä̧ji̧ jä̧ji̧mä̧. Pi̧yȩ'i̧nä̧mä̧ micuäcuo'cö. ¹¹ Ttö̧ja̧rö̧ cuähuä i̧sa̧rö̧ jurunänö ro̧ttȩpo̧ca̧'a̧ jomenämä , juhuä'a yabocutä suronä jȩttä pä'ötä ja̧'a̧. ¹² Ja̧'hua̧nö̧ ja̧'a̧nä̧'i̧nä̧ surojö jȩpä̧'chö̧mä̧ cien'nö jo̧mȩnä̧ jȩa̧'a̧nä̧'inä recuo jo̧mȩnä̧ ö̧jä̧cua̧, ja̧'hua̧ta̧nö̧ huo̧jua̧sä̧ Diosrö ye'ecunö ucuo teähuätömä adiutä jä̧cuo̧tö̧ ttucuota'attö. ¹³ Ja̧'hua̧nö̧ ja̧'a̧nä̧ suronä jȩpä̧ttö̧rö̧mä̧ adiunämä ji̧yä̧cuo̧ttö̧; ttä̧'cua̧rö̧mä̧ recuonämä ttö̧ji̧ya̧cuo̧tö̧. Ttö̧jä̧ji̧ mo̧ro̧mä̧ ttä̧'cua̧juȩ soppatä 'cuä'opäcua'a Diosrö ttucuotö juiya'attö ¹⁴ Koro ajiya isoppa toepächoppa jä̧'i̧nö̧'a̧nö̧ jö̧'i̧nä̧ ka̧'a̧, koromä pi̧jä̧ rȩjȩttö̧ rö̧ä̧nä̧ adicuä'i̧nä̧ ka̧'a̧. Ja̧'hua̧nö̧ jö̧ adiu jȩpä̧tö̧rö̧mä̧ 'cäopöta'anö suronä jȩpä̧tö̧rö̧'i̧nä̧ 'cuäopa'a ja̧'hua̧ta̧'a̧nö̧ suronä jȩpä̧tö̧tö̧ 'cuäopöta'anö 'cuäopa'a adiu jȩpä̧tö̧rö̧'i̧nä̧. Ttömä pä'ösä pi̧yȩ'i̧nä̧ ajiya isoppa toepächa'a jä̧'i̧nö̧'a̧nö̧ ja̧'a̧tó. ¹⁵ Ja̧'hua̧nö̧ ja̧'a̧ttö̧ ttömä pä'ösä eseäcuäu ka̧cuä̧tu̧cui̧ jö̧nä̧tä̧, isopäi'önä ttö̧ja̧sa̧mä̧ mo̧ro̧ kä̧hua̧ dȩa̧'a̧ttö̧mä̧ cuä̧nö̧tä̧, autä, eseutä kö̧tó. Ja̧u̧ eseäcuähuämä ji̧nä̧ pi̧jä̧nä̧ ö̧jä̧i̧ cuäopönä aditö ö̧jö̧nä̧tä̧ pä̧chä̧rä̧cua̧'a̧ mo̧ro̧jä̧ dȩa̧'a̧dä̧ttö̧ Dios iyä'ijömä. ¹⁶ Chamiso'quinä huo̧jui̧pö̧ tochomenä huo̧juä̧huä̧ huȩnȩ chu̧huo̧jua̧ pä'ömä juhua'atäcu pi̧jä̧ rȩjȩttö̧ ttaditä'ijö chu̧huo̧jui̧pa̧ pä'ömä, ttä'oca'a mo̧ro̧'i̧nä̧ yodo'i̧nä̧ ttaditä'ijö, ¹⁷ ja̧'hua̧nö̧ ji̧yä̧cu̧ a̧mö̧cuädinösä̧ Dios aditähuämä o'cajuiyötä, ttö̧ja̧sa̧mä̧ u̧huo̧jui̧pö̧ juiyönä hua̧, mo̧ro̧ kä̧hua̧ dȩa̧'a̧dä̧ttö̧ kä̧nö̧ ttaditömä. Huä̧i̧nä̧ ja̧'a̧ ttö̧ja̧sa̧mä̧ aditö u̧huä̧ju̧ ö̧'o̧cui̧'a̧ päa'anä, po̧cui̧po̧cö̧ jä̧cua̧. Ttö̧ja̧sa̧mä̧ huo̧juä̧huä̧ huȩnȩ ku̧nä̧rö̧sä̧ pähua'anä̧, ja̧u̧mä̧ isopäi'önä̧mä̧ huo̧juo̧cö̧ jä̧cua̧.