¹ Suronä jȩtta̧'a̧ to̧pö̧sä̧ mo̧ro̧ kä̧huä̧ i̧dȩa̧'a̧ttö̧, ja̧'hua̧nö̧ jȩttä̧u̧ ttö̧ja̧ rö̧ä̧nä̧ surähuätö. ² Diosmä iyö'anä hua̧ o'cajuiyönä töäre ttu̧ju̧nä̧rö̧nä̧ ja̧'hua̧ta̧'a̧nö̧ ttö̧ja̧sa̧rö̧mä̧ adiunätä churu recuärö̧jo̧tä̧ u̧ju̧nä̧rö̧nä̧, ja̧'hua̧nö̧ ja̧'a̧nä̧ Diostä ji̧yȩtȩ kȩ'ȩpö̧ iyäcu eseu ö̧ja̧ pä̧'ö̧. Ko̧ro̧nö̧mä̧, korotötä järehuätö ja̧u̧ iärehuajimä. Pi̧yȩ'i̧nä̧ coepächö, yaparetä tta̧'cua̧tta̧huȩpö̧. ³ Ya̧tȩ ttö̧ja̧sa̧ 100nö huotö ttä'o jö̧ttö̧ ja̧'hua̧ta̧'a̧nö̧ recuo a̧'ȩ ö̧jö̧ttö̧'i̧nä̧, recuo mo̧ro̧ a̧ȩ jo̧mȩ ö̧ja̧'a̧nä̧, ja̧'hua̧nö̧ ja̧'a̧nä̧'i̧nä̧ a̧'cua̧rö̧nä̧ eseujuiyönä jö̧ttö̧mä̧ ja̧u̧mä̧ adiunämä rȩä̧dö̧ tticuococu, ja̧'hua̧nö̧ ja̧'a̧ttö̧ pä'ösä ji̧'qui̧cha̧hua̧ kä'conä ma̧'i̧pö̧mä̧ ja̧u̧ttu̧'i̧nä̧ abonänö adihuäcu. ⁴ Jȩru̧pa̧tä̧ uhuäpächa'attö ja̧'hua̧nö̧ jeru'unätä̧ 'cuä'o'ö ya̧tȩ'i̧nä̧ ieruhuäcu i̧mi̧mä̧. ⁵ Juo̧u̧ 'qui̧chä̧hua̧mä̧ jerupinö kä̧hua̧rö̧'i̧nä̧ topocö pinö, 'cuäächötä pu̧ ja̧'hua̧nö̧ ja̧'a̧nä̧ ttö̧ja̧sä̧mä̧ 'cuächia peömä ji̧a̧. ⁶ ji̧nä̧́ dos mil años ö̧jö̧ttö̧'i̧nä̧ ttö̧ja̧'i̧sä̧mä̧ huo̧juä̧chi̧'o̧cö̧ adiunä ju̧ jȩpu̧ ö̧ja̧ pe'ömä, ja̧'hua̧nö̧ ja̧'a̧nä̧ 'chö̧jä̧ o'cato'inä korotö tti̧'chä̧'i̧jo̧mȩtä̧. ⁷ O'cajuiyönätä̧ adita'anä ya̧tȩ ttö̧ja̧sä̧mä̧ ucua peö, ja̧hua̧nö̧ ja̧'a̧nä̧ ucua ppä̧rö̧jö̧mä̧ cädiococu. ⁸ ja̧'hua̧nö̧ ja̧'a̧ttö̧ ¿ttö̧ja̧sä̧ huo̧ju̧ä̧sä pä'änä amucuädäcuähuä jui̧'a̧ arodöttö? ¿Ttö̧ja̧sä̧ u̧su̧rä̧'i̧sä̧mä̧ ji̧nä̧ huo̧ju̧nä̧ jȩpu̧ korotö ttö̧ja̧ ttä'cajo̧mȩttö̧? ⁹ Adihuaa cu̧ju̧nä̧rö̧tä̧ cuesehua'amä juicumä cuamucuädä, 'chucuäda'anö isoppa 'chopoppamä. ¹⁰ Tti̧mí̧ kö̧nä̧rä̧tö̧ täcö ka̧cua̧tö̧mä̧, ja̧'hua̧ta̧'a̧nö̧ ttö̧ja̧mä̧ huo̧juä̧cuä̧hui̧nä̧tö̧. Ja̧'hua̧nö̧ ja̧'a̧nä̧ ttöjö'quiyönä joächinätö̧ juo̧ú̧ päicurumä o'cajuiyönä ju̧ru̧hua̧rö̧mä̧. ¹¹ Ri̧ȩnä̧ ttöcuocomenämä, surojötä rö̧'a̧cha̧a̧, ¿juo̧u̧cu̧mä̧ ttö̧ja̧sä̧mä̧ rȩbȩhuo̧cö̧? ¹² Ja̧'hua̧nö̧ ja̧'a̧nä̧ ¿ttö̧ja̧sä̧rö̧ adiumä jarodö känö i̧jä̧'i̧jö̧ moró̧ dicö̧́ huo̧jua̧mä̧, a̧ttä̧ro̧mȩ 'cuäopaa jä̧i̧nö̧'a̧nö̧ jö̧mä̧?