ajenä̧ ka̧cu̧ttö̧'i̧nä̧ rȩjȩ dȩa̧'a̧ ka̧cu̧'i̧nä̧ ajenä ka̧cu̧'inä jȩ'cuä̧'chä̧.
9 Cuihue'quiyönä'inä kä̧mä̧dä̧'chu̧ jȩ'cuä̧ ja̧'hua̧ta̧'a̧nö̧ huettö'inä jȩ'cuä̧, isopäi'önä Ttötäsä CU̧Ä̧NÄ̧HUA̧TU̧CU̧ DIOSMÄ juiyo ä'cuoyäumä. Ttömä cu̧tä̧mö̧mi̧nä̧rö̧mä̧ ro̧'ȩpi̧nö̧sä̧ surojö jȩtti̧yä̧cu̧mä̧, tti̧tti̧mö̧rö̧'inä ttu̧nä̧mö̧rö̧'inä juhua'a yabo tti̧tti̧mö̧rö̧'inä jitö Ttörö ku'cocotörömä, 10 ja̧'hua̧ta̧'a̧nö̧ re kä̧nö̧ recuätörö chutodecuinömä jitö Ttörö repe'ätörö ja̧'hua̧ta̧'a̧nö̧ Ttö huedö huȩnȩ päö jȩpä̧tö̧rö̧mä̧ huo̧juȩtö̧sä̧. 11 TÖ̧Ä̧NÄ̧HUA̧ Dios iminämä ucuo jo̧cö̧nä̧mä̧ huȩnȩtä̧'chö̧mä̧ jȩ'cuä̧'chä̧tu̧cuä̧. Ja̧'hua̧nö̧ ja̧'a̧ iminä ucuo jo̧cö̧nä̧ huȩnȩtä̧'chö̧ jȩpö̧rö̧ TÖ̧Ä̧NÄ̧HUA̧MÄ̧ ro̧ȩpä̧cua̧. 12 'Cuä'ächi'ö pä̧mä̧dä̧cuä̧huä̧ mo̧ro̧mä̧ ttu̧ö̧ȩpä̧rö̧nö̧ a̧mö̧cuädö to'cuätucuaja ja̧'hua̧ta̧'a̧nö̧ TÖ̧Ä̧NÄ̧HUA̧RÖ̧ ucuo teäcuähuä mo̧ro̧ jönä, TÖ̧Ä̧NÄ̧HUA̧ ucuturu hueinö'anö̧tä̧. 13 Seis mo̧ro̧tä̧ cuaditätucuajá o'cajuiyönä̧ cuadita päcuätucumä̧, 14 ja̧'hua̧nö̧ ja̧'a̧nä̧ siete mo̧ro̧ päi'omȩnä̧mä̧ 'cuächi'äcuähuä mo̧ro̧ jä̧cua̧'a̧, TÖ̧Ä̧NÄ̧HUA̧ cu̧ä̧nä̧hua̧ Diosrö ucuo te'äu. Ja̧u̧nu̧ mo̧ro̧mä̧ yoröisotä ttadita pä'ömä̧ juiyäcua'a; cui̧tti̧mö̧ u̧mä̧tö̧, nä̧tö̧'i̧nä̧, cu̧mö̧huäyotö u̧mä̧tö̧'i̧nä̧, nä̧tö̧'i̧nä̧, cuäjí päcäyä'i̧nä̧, cuäji burro'i̧nä̧, yorö'iso korotö cuä̧ji̧mö̧ ajicuähuätö'inä ja̧'hua̧ta̧'a̧nö̧ kara'attö ichäcuähuotö cuidepiyunä̧ ka̧cuä̧tö̧'i̧nä̧. Pi̧yȩ jä̧cua̧'a̧ cumöhuäyotö u̧mä̧tö̧'inä, nä̧tö̧'inä, ucu 'cuä'ächi'ö cu̧'ä̧mä̧dä̧ta̧'a̧nö̧ ttö̧'ä̧mä̧da̧ pä'ö. 15 Ucutumä cuamöcuädäcuotöjä̧i, Egipto rȩjȩra̧'a̧ttö̧ a̧mä̧cö̧ huȩttä̧u̧ aditätö jö̧nä̧ cu̧ja̧cui̧nä̧tu̧cu̧, ja̧'hua̧ta̧'a̧nö̧ TÖ̧Ä̧NÄ̧HUA̧ cu̧ä̧nä̧hua̧tu̧cu̧ Dios chutä ujurunä̧ rä'epö icuinö̧'inä juhua'atäcu öjo öotodinö'inä. Ja̧'hua̧nö̧ ja̧'a̧ttö̧ TÖ̧Ä̧NÄ̧HUA̧ cu̧ä̧nä̧hua̧tu̧cu̧ Diomä̧ hue'inö 'Cuä'ächi'ö pä̧mä̧dä̧cuä̧huä̧ mo̧ro̧mä̧ ttu̧ö̧ȩpä̧rö̧nö̧ a̧mö̧cuädö to'cuätucuaja. 16 Cuä'otucuru'i̧nä̧ ja̧'hua̧ta̧nö̧ cua̧ju̧tu̧cu̧ru̧'i̧nä̧ repe'ö ucuotätucui. TÖ̧Ä̧NÄ̧HUA̧ Cu̧ä̧nä̧hua̧tu̧cu̧ Dios hueinö̧'ta̧'a̧nö̧tä̧, TÖ̧Ä̧NÄ̧HUA̧ Cu̧ä̧nä̧hua̧tu̧cu̧ Dios i̧yä̧jä̧ rȩjȩnä̧ adihuomȩnä̧ kä̧nö̧ recuo cu̧jä̧tu̧cuä̧cua̧'a̧nö̧, ja̧'hua̧ta̧'a̧nö̧ adihuomenä cui̧'chä̧tu̧cuä̧cua̧'a̧nö̧. 17 Ucumä cuä'ö cui̧cu̧iyäcu̧ajä. 18 Ucumä cuirecua pocojucu'inä huäiyä̧cua̧jä̧. 19 Ucumä nä̧u̧cu̧'i̧nä̧ cu̧nä̧u̧cuä̧. 20 Ucumä cui̧jä̧cua̧ hua̧rö̧mä̧ toijicumä yapare'inä jicuäcuä. 21 Cua̧hua̧ru̧huä̧ irecuarö'inä pä̧huä̧rö̧jö̧nä̧mä̧ tocu'ä, cua̧hua̧ru̧hua̧ ojusode'inä pä̧huä̧rö̧jö̧nä̧ tocu'ä, i̧rȩjä̧'i̧nä̧, u̧mu̧huä̧ya̧rö̧'i̧nä̧, u̧mu̧huäyajuru'inä, äjimu̧ pä̧cä̧yö̧rö̧'i̧nä̧, ä̧ji̧mu̧ bu̧ru̧tö̧rö̧'i̧nä̧, cua̧hua̧ru̧hua̧ koro juei chutä iäre pä'ö u̧ju̧nä̧rö̧'i̧nä̧. 22 TÖ̧Ä̧NÄ̧HUA̧MÄ̧ pä̧'i̧cu̧nä̧ pa̧'a̧nä̧ ocuocuinö muä'quiyura̧'a̧ttö̧ ocuränä ji̧nä̧ yo̧mȩtȩ päcui'ätucuome, ajiyä isoppanä'inä, ja̧'hua̧ta̧'a̧nö̧ yo̧mettö̧'i̧nä̧; Koro rö̧ä̧nä̧'i̧nä̧ ucuocuocö pi'nö. Ja̧'hua̧ta̧'a̧nö̧ ja̧u̧mä̧ i̧nä̧ obi tobirenä huȩyu̧ti̧nö̧ iyinäcu̧sä̧. 23 'Cuäopina'a, yo̧mȩ päte'öttö i̧huȩnȩ ra̧mi̧pa̧'a̧ cuä̧ju̧cuä̧tu̧cuo̧mȩnä̧, muä'ca cuo'ö ka̧'a̧nä̧, ttö chö̧jo̧mȩcu̧ ttö'cö päcui'ätucuomenä, tä̧mö̧ jö̧nä̧ ko̧cuä̧tö̧ ja̧'hua̧ta̧'a̧nö̧ tä̧do̧tö̧ mi̧nä̧ttö̧ tturuhuotö pai'önä ko̧cuä̧tö̧. 24 Ucumä pä'inöjä: "Topi, Ujutu TÖ̧Ä̧NÄ̧HUA̧ Diosmä i̧jȩpi̧nä̧u̧jä̧ chutä ö'adihuä ja̧'hua̧ta̧'a̧nö̧ ö̧rö̧ä̧'i̧nä̧, ja̧'hua̧nö̧ ja̧'a̧ttö̧ ä̧ju̧cuä̧jä̧tö̧jä̧ i̧huȩnȩ ocurä jacuättö rä̧mi̧pa̧'a̧; ujutu jitämä topäjätöjä Dios u̧mu̧huäyotucu ucucuomenämä, ja'juätömä ttö̧jä̧cuo̧tö̧. 25 Ja̧'hua̧ta̧'a̧nö̧ ye'ecuätöjä 'curujotächa'acu? ocurä röarä coö ticua'acu; ujutu TÖ̧Ä̧NÄHUA̧ DIOS i̧huȩne reconänö tä̧ju̧cu̧ttö̧mä, ujutumä hua'ö ticuäcotöjä. 26 ¿toa'a ka̧ra̧ ujututtö o'cato'inättö̧ ä̧ju̧cui̧nö̧mä̧ TÖ̧Ä̧NÄHUA̧ KÖ̧ i̧huȩnȩ ucurättö ucuocua ja̧'hua̧ta̧'a̧nö̧ ihueye ujutucu kö̧, ujutu ta̧'cua̧rö̧ta̧'a̧nö̧? 27 Ja̧'hua̧nö̧ ja̧'a̧ttö̧ ucútä 'chä̧nö̧ cuä̧ju̧cuä̧nö ja̧'a̧ ujutu TÖ̧Ä̧NÄHUA̧ DIOS jiähuö; juayabo o'catoinärö̧ ujuturö TÖ̧Ä̧NÄHUA̧ DIOS ucurö jiähuäji jicuähuatö; tä̧ju̧cuä̧cuo̧tö̧jä̧ ja̧'hua̧ta̧'a̧nö̧ hue'äjimä jȩtä̧cuo̧tö̧jä̧. 28 Ucú CUÄNÄHUA̧ DIOS ä̧ju̧cui̧nö̧ ucú cui̧huȩnȩ cucuocua'a ttöcu. Jo̧ú̧ päinäcu̧sä̧: ä̧ju̧cuinösä̧ pitö ttöcuocumä, jahuätö ucurö pättinömä. Adihuaa jahuätö pättäjimä. 29 ¡ ayó! jahuätuhue ttämiso'quittö ttucuotahue ja̧'hua̧nö̧ jö̧ttö̧mä̧ o'cajuiyönä hueähuä huedinömä 'cuäpunä jȩpä̧tö̧, adiunä ja̧cua̧'a̧nö̧ jahuätörö ja̧'hua̧ta̧'a̧nö̧ tti̧tti̧mu̧'i̧nä̧ ttucuotacua'anö. 30 Tä'í jahuätörö jiähuäji. Ttäähuoräcu ppa̧ttä̧cha̧. 31 Ja̧'hua̧nö̧ ja̧'a̧nä̧ ucu cutu'cömä, pȩnȩ chippeyä jo̧mȩ kä̧mä̧di̧ ja̧'hua̧ta̧'a̧nö̧ hueähuä huȩnȩ'inä o'cajuiyönä ja̧'hua̧ta̧'a̧nö̧ jȩtta̧ pä'ö huȩyu̧tö̧ rutähuä'inä juhua'atäcu jȩtta̧ pä'ö hue'ö ku̧nä̧huä̧'inä jidähuä̧cua̧jä̧ jitörö cu̧huo̧juȩta̧ pä'ö, rȩjȩ chi̧yä̧jä̧cuä̧jä̧ kä̧nö̧ päö'acuä jȩpö̧ ttö̧jä̧cua̧'a̧nö̧. 32 Ja̧'hua̧nö̧ ja̧'a̧ttö̧ ucumä huedömä jȩpö̧ cu̧ja̧ja̧, TÖ̧Ä̧NÄ̧HUA̧ Dios ucuru hueäjimä; 'cä̧cui̧pä̧chó cu̧bu̧o̧jua̧'a̧cu̧'inä, cu'ohuecu'inä. 33 Ucumä cui̧'cha̧jä̧ o'cajuiyönä TÖ̧Ä̧NÄ̧HUA̧ DIOS hueinä'acuä̧tä̧, pi̧jä̧nä̧ cu̧ja̧ pä'ömä adiu jo̧mȩnä̧ räcuopäcua'anö, do'ächi'ö cu̧jä̧mä̧dä̧jä̧nä̧'i̧nä̧ recuo cu̧jä̧cua̧'a̧nö̧.