¹ Cuabo'iyotö ttö̧jo̧cuo̧mȩcu̧ 'chä̧nö̧ curohuähuomenä, topujä ca̧ba̧yu̧tu̧ru̧'i̧nä̧, caruquiyä'inä, ja̧'hua̧ta̧nö̧ ucututu abonänö ttö̧ja̧ recuätörö, jahuätörömä yecuehuä; UCU CUÄ̧NÄ̧HUA̧ DIOS ucutäcutä ö̧jä̧hua̧ , Egipto rȩjȩttö̧ ucuru räepu icuinötä̧. ² Rohuäu dohuächi'ätucuomȩtä̧ päi'omenämä, sacerdote hua̧mä̧ ttö'cönänö ichi'ö ucuocua pähua̧ ttö̧ja̧rö̧mä̧. ³ Ja̧u̧mä̧ pa̧'a̧nö̧ pä̧hua̧: "Ä̧ju̧cuä̧tu̧cui̧ Israel ttö̧ja̧, curära'a 'cha̧ttö̧jä̧ cuabo'iyotö rohuäu. Ja̧hua̧nö̧ ja̧'a̧nä̧ cuijiyuhuächiätucuä. Ye'ecu'inä tti̧cuä̧tu̧cuä̧. Jahuätörömä yecuecuätuhuä. ⁴ Ucucu 'chö̧mä̧ ucu CUÄ̧NÄ̧HUA̧ DIOSTÄ , ja̧u̧tä̧ ja̧'a̧ ö̧ro̧cuä̧cua̧'i̧nä̧ ucu cuabo'iyotörö iso juocuepätucunä". ⁵ Tturuhuotömä ttucuocu'anö ja̧'a̧ jahuätörö pa̧'a̧nö̧ pä'ö: "ya̧tȩ ojusode aditäjä'anä ji̧nä̧ do'ächö ä̧jö̧ juiyöttömä. Ojusodera̧'a̧ ppa̧huä̧cha̧ hue'ätucuirö, rohuäu 'corujuoächomenä ka̧ra̧tä̧ do'ächö ö̧ja̧'a̧cu̧. ⁶ yotöte uva pättä jo̧mȩnö̧ kö̧nä̧rä̧tö̧mä̧ ji̧nä̧ u̧huä̧ju̧'i̧nä̧ cuocotömä. Ttojusedera̧'a̧ tti̧'cha̧ ji'ähuitö, rohuäu 'corujuoächomenä ka̧ra̧tä̧ u̧huä̧ju̧ ucua'acu. ⁷ Dijä̧ttö̧ irecuarö ö'cähua pä'ö pätecuächa'anä ji̧nä̧ ö'cähuocömä. Ojusodera̧'a̧ i'cha hue'ätucuirö rohuäu 'corujuoächomenä ka̧ra̧tä̧ jahuäjucu ö'cähua'acu. ⁸ Suro̧da̧u̧ ttöruhuotö ttöcuocua pe'ö ka̧a̧ Israel ttö̧ja̧rö̧ ja̧'hua̧ta̧'a̧nö̧ jittähua pe'ö: ¿ ya̧tȩ ttö̧ja̧sä̧ rohuähuö yȩȩcua̧mä? ojusodera̧a̧tä̧ ppa̧huä̧cha̧a̧nä̧ ja̧a̧tä̧ topätucuirö ahuaröhuä rohuähuätö'inä yettecuiacu. ⁹ Ja̧'hua̧nö̧ ja̧'a̧ttö̧ su̧ro̧da̧u̧ ttöruhuotö cuocu kättädö'caa ttö̧ja̧rö̧, hueö ttö̧ju̧nacuo̧tö̧ jahuätö su̧ro̧da̧u̧ ttö̧ru̧hua̧ päiönä. ¹⁰ Ucutu 'chä̧nö̧ ötahuiya ttö̧jo̧me curohuähuä tucuttömä, jahuätö ttö̧ja̧ täcö rohuähuo cotöjä pätomebu rohuähuätucuitö. ¹¹ Ja̧'hua̧nö̧ ja̧huä̧tö̧ täcö rohuähuocotöjä pättöttömä ja̧'hua̧nö̧ ja̧'a̧ttö̧ ja̧a̧tä̧ topitö dottächaanä, juȩne kätu̧mä o'catoinä huecuäcuotö ttöjuränä ttäditönä.. ¹² Ja̧'hua̧nö̧ ja̧'a̧nä̧ huȩnȩ juiyönä kä̧cuä̧huä̧ iya'a ttȩmo̧ca̧'a̧ jö̧ttö̧mä̧, ttȩma̧jueimä ucutucu curänätä tturohuäuttömä, ja̧'hua̧nö̧ jo̧mȩnä̧ ucutumä ttocuepätucua pä'ö jä̧cua̧'a̧, ¹³ ja̧'hua̧ta̧'a̧nö̧ TÖ̧Ä̧NÄ̧HUA̧ DIOS isojuocuepätucunä ppädöttömä juhua'atäcu jahuätörö tto'epö to̧'cuä̧rä̧tu̧cu̧nä̧ iyöttömä, ucutumä ttö̧ja̧rö̧mä̧ o'catoi'önä̧rö̧tä̧ cuä'äu cuicuätucuatöjä. ¹⁴ Ja̧'hua̧nö̧ ja̧'a̧nä̧ nä̧tö̧rö̧mä̧, ppo̧'ä̧tö̧rö̧'inä, ajicuäcuähuotörö'inä, ötahuiyänä ka̧cuä̧tö̧rö̧mä̧ o'catoi'önä̧rö̧tä̧ ja̧'hua̧ta̧'a̧nö̧ rö̧ä̧nä̧ micuäu'inä o'cajuiyötä ttiäre jä̧ji̧mä̧ cuiäretö päi'ö́nä̧tä̧ cuȩmä̧tu̧cua̧ja̧, cuaboiyö ttiäre jä̧ji̧mä̧, ja̧u̧mä̧ TÖ̧Ä̧NÄ̧HUA̧ DIOS ucuturu iyäji ja̧'a̧. ¹⁵ O'cajuiyönä ötahuiyä ucututtö oto ka̧cu̧mä̧ pa̧'a̧nö̧tä̧ jȩ'cuä̧tu̧cua̧já̧, ötahuiyä cuahuaruhuä pocotö ttö̧ja̧ ttidepiyu pönämä. ¹⁶ TÖ̧Ä̧NÄ̧HUA̧ CU̧Ä̧NÄ̧HUA̧TU̧CU̧ DIOS cui̧rȩjä̧tu̧cu̧ päi'önä i̧yä̧jä̧nä̧ kä̧tö̧ttö̧mä̧, ya̧tȩrö̧'inä a̧'cua̧ra̧rö̧mä̧ ku̧ju̧ni̧'ä̧tu̧cuä̧. ¹⁷ Ttö̧jö̧ni̧'a̧jueimä, o'catoi'önä̧rö̧tä̧ si'epö cuicuätucuaja: hititarö'inä, amorreorö'inä, cananeorö'inä, ferezeorö'inä, heveorö'inä, ja̧'hua̧ta̧'a̧nö̧ jebuseorö'inä, TÖ̧Ä̧NÄ̧HUA̧ CU̧Ä̧NÄ̧HUA̧TU̧CU̧ DIOS hueinöta'anö̧tä̧. ¹⁸ Pi̧yȩ jȩpi̧ jahuätö su̧ro̧tä̧cuä̧huä̧ jȩpö̧ ttö̧jö̧ ucuru ttu̧huo̧juȩtö̧ juiyäcua'anö, ttö̧ä̧nä̧huo̧tö̧ ttötö'cö ttö̧huo̧juȩtä̧'i̧jö̧'a̧nö̧. Jȩ'cu̧ttö̧mä̧ TÖ̧Ä̧NÄ̧HUA̧ CU̧Ä̧NÄ̧HUA̧TU̧CU̧ DIOSCUTÄ surojömä jȩ'cuä̧cua̧jä̧. ¹⁹ Yo̧mȩtȩ ötahuiyä 'chocuipätucua pä'ö recuo mo̧ro̧ curohuähuätucuomȩnä̧mä̧, ju̧huȩnȩ ka̧cu̧ dauhuiyämä̧ ö̧da̧pä̧'qui̧yu̧nä̧mä ku̧'ä̧u̧ si'epömä̧ cuicuätucuä. Ja̧u̧tä̧ dauhuiyä u̧huä̧ju̧ttö̧ cucuäcuotöjä; ja̧'hua̧nö̧ ja̧'a̧ttö̧ ja̧u̧ dauhuiyämä̧ ku̧'ä̧u̧mä̧ cuicuätucuä. Ja̧u̧ dauhuiyämä ttö̧ja̧sa̧ jä̧'i̧jö̧'a̧nö̧mä̧ ka̧cuo̧cö̧? ²⁰ Suro dauhuiyä u̧huä̧ju̧ to'cuätucuomenä cuäcuähuocö jö̧ttö̧mä̧, ku̧'ä̧u̧ si'epö cuicuätucuaja̧, ucutumä cuaditätucuajá ötahuiyä ttoecuä curä curohuähuätucuomenä jȩä̧chi̧nö̧mä̧ cuaditätucuajá, rohuähuätö cättädi'ome jubö päi'önä.