¹ TÖ̧Ä̧NÄ̧HUA̧ DIOS tti̧rȩjä̧ si'epö icuttumä, ji̧jä̧ rȩjȩ TÖ̧Ä̧NÄ̧HUA̧ DIOS ucuturu i̧yä̧jä̧, ja̧'hua̧ta̧'nö̧ ja'huätö tto'ca'anä cuichätucuomenä, ja̧'hua̧nö̧ ötahuiyänä cuojusode jö̧nä̧ cu̧jä̧tu̧cuo̧mȩnä̧, ² ucutumä kä̧'ȩpö̧ cu̧ju̧nä̧cuo̧tö̧jä̧ huäbodäcuä jo̧mȩ ötahuiyä ucututä pä̧huä̧rö̧jo̧mȩnä̧ ja̧'huä̧jä̧ rȩjȩ TÖ̧Ä̧NÄ̧HUA̧ DIOS ucutu cu̧jä̧tu̧cua̧ pä'ö i̧yä̧jä̧ttö̧mä̧. ³ Ucutumä cuaditäcuotöjä Mä̧ni̧yä̧'i̧nä̧ ja̧'hua̧nö̧ aditö kä̧'chö̧ cuicuäcuotöjä huäb odäcuä jo̧mȩnä̧ bahuecuächönä. Ja̧'huä̧jä̧ rȩjȩ TÖ̧Ä̧NÄ̧HUA̧ DIOS i̧yä̧jä̧ cui̧rȩjä̧tu̧cu̧ päi'önä, jua'amä ya̧tȩ ka̧ra̧rö̧ cuä'ö icumä jua'acu töipächäcua'anö. ⁴ Pi̧yȩ ja'a hueähuä huȩnȩma ya̧tȩ ka̧ra̧rö̧ cuä'ö icu to'ipächö ö̧ji̧pa̧ pä'ömä: ya̧tȩ ippeyänä kö̧rö̧ cuä'ö icua päoca'anä cuä'ö icuttumä, ja̧'hua̧ta̧'nä̧ ä'canä'inä a̧misuru to'oca'a ja̧'i̧ja̧'a̧nä̧, ⁵ ko̧ro̧nö̧mä̧ ya̧tȩ ippeyanä kö̧cu̧ dau 'co̧rö̧ de'a i̧'cho̧mȩnä̧ ö̧da̧pö̧'quȩ 'chu'ädö dau ku̧'o̧mȩnä̧ ö̧da̧pä̧'quȩ 'cho'ähuächö unä ppeocuächäcu ojusode ppeyänä kä̧ji̧ 'coru päi'öttömä, ja̧'hua̧nö̧ jo̧mȩnä̧mä̧ ja̧u̧mä̧ tö'ipächa pä'ö ja̧'a̧ ötahuyä jä̧ji̧ra̧'a̧cu̧ jua'atä ö̧já̧ pä̧'ö̧. ⁶ Cuäicuäjirö tösäcuotö o'caanä cuäicuäji̧yä̧u̧mä̧, ja̧'hua̧nö̧ ja̧'a̧ttö̧ suronä jȩä̧ji̧tä̧ otó tipächa jaanä rȩbȩhuä̧cua̧. ja̧'hua̧nö̧ ja̧'a̧ttö̧ jo̧u̧rö̧ cuäö tti̧cuä̧cua̧, toiyaanö hua̧ja̧a̧nä̧ jo̧u̧ ttö̧ja̧sä̧mä̧ cuäö tti̧cua̧cua̧, huaö icuyaanö ja̧'a̧nä̧ toeö ä'quejimä ippeyänä kä̧tö̧rö̧'i̧nä̧ rä̧huä̧rö̧cö̧ pä'iji pi̧yȩ 'cuäopä juiyäimä. ⁷ Ja̧'hua̧nö̧ ja̧'a̧ttö̧, Ttö huedä̧u̧jä̧ topätucui ucututä huäbodäcuänä ttö̧jo̧mȩtä̧. ⁸ CUI̧Ä̧NÄHUA̧ DIOSTÄ i̧yä̧cuä̧u̧jä̧ ucutu cui̧jä̧tu̧cua̧ pe'ö, TÖ̧Ä̧NÄHUA̧TÄ̧ ucutu cu̧tä̧mö̧ mi̧nä̧rö̧ chi̧yä̧cua̧jä̧ päinäjä̧nä̧, ja̧'hua̧nö̧ ja̧'a̧ttö̧ ucuturu i̧yä̧cua̧ rȩjȩ́ o'cajuiyönä jo̧u̧ ucutu cu̧tä̧mö̧ mi̧nä̧rö̧ iya päinäjä̧nä̧; ucu jȩ'cua̧ peö 'chöcuä̧rä̧cuä̧u̧ttö̧mä̧ pi̧yȩ o'cajuiyönä hueähuä huȩne, ⁹ ttö huedö jitä moró̧ ucuturu, huehuä huȩnenä CUI̧Ä̧NÄ̧HUA̧ DIOSRÖ repecuätu cuacua'anö ja̧'hua̧ta̧'a̧nö̧ 'cuäpunä känö ucuotönö jȩ'cuä̧tu̧cua̧'a̧nö̧, ja̧'hua̧nö̧ ja̧'a̧ttö̧ ucutu cuemätu̧cua̧ peö ja̧a̧ huäbodäcuä ötahuiyä jo̧me cutahuiyä päiönä. ¹⁰ Pi̧yȩ ttö̧ȩpä̧rä̧cuä̧huä̧tu̧cui̧ cuäicuocö päji ucuoja huerächiacu rȩjȩ́ CUI̧Ä̧NÄHUA̧ DIOS i̧yi̧nä̧jä̧nä̧ ucuturu, ja̧'hua̧nö̧ ja̧'a̧nä̧ jȩpä̧ji̧ ucuoja ucuturu meä̧huä̧cha̧a̧cu̧. ¹¹ Ya̧tȩ ippeyenä kö̧rö̧ öjö'cö juiyönä jä̧cu̧ dajahuächö pä̧nö̧ juorötä ä̧rä̧mi̧'ö̧ 'coru päi'önä cuä'ö icumä, pi̧yȩttö̧ ji̧yȩtȩ ötahuiyänä tö'ipächö doächächöttömä, ¹² ja̧'hua̧nö̧ ja̧'a̧ ötahuiyättö ucuo ttö̧ja̧mä̧ juhuorötä pä'äjita'anö tti'cächarö pä'ö huȩttä̧cua̧ ja̧'hua̧nö̧ ja̧'a̧ ja̧u̧ru̧mä̧ cuä'ö icuäjäcu a̧hua̧ru̧hua̧rö̧ tti̧yä̧cua̧, ja̧'hua̧nö̧tä̧ ja̧u̧mä̧ to̧ȩ'ä̧chä̧cua̧. ¹³ Ja̧u̧rö̧mä̧ cua̧'cua̧tta̧nö̧mä̧ to'cuätucuä, Israel ttö̧ja̧ttö̧mä̧ cuä'ö tticua pä'ötä hua̧ suronä jȩä̧ji̧nä̧ ttu̧huȩnȩcuä̧chö̧ juiyäcua'anö, adihuomenätä̧ tti̧'chä̧cua̧'a̧nö̧. ¹⁴ Mo̧ täbocutä päi'önä cuippeyä kö̧ i̧rȩjä̧ jö̧nä̧ iyähui'inome ttoecuomemä 'cho'ipä'chumä jȩ'cuä̧'chä̧, cui̧rȩjä̧ päi'önä cu̧ja̧ pä'ö DIOS iyinä̧jä̧ttö̧mä̧. ¹⁵ Ya̧tȩtä̧ ja̧u̧ ttö̧ja̧sa̧ ji̧yȩtȩ surojö jȩa̧'a̧ toa'a jö̧ttö̧mä̧, ja̧u̧ surojö jȩä̧ji̧ tö'cömä ucuocuäcuähuoca'a jä̧cua̧'a̧, surojö jȩä̧cuä̧huä̧cö̧, surojö jȩä̧cuä̧huä̧ huȩnȩcö̧, ta̧ju̧cö̧, huämetucuäcö̧ tottäjittömä jȩpä̧ji̧rö̧mä̧ isopäi'önä jȩpä̧ji̧ pä'ötä pähuäcua'a. ¹⁶ Amöcuädittö̧ ya̧tȩ tooca'a jä̧jä̧ra̧'a̧ yapare ja̧u̧rö̧ surojuoepa surojö jȩpä̧ji̧ pä'ötä jiäuttömä. ¹⁷ Ja̧'hua̧nö̧ jo̧mȩnä̧ ta̧ju̧cuäyotö huȩnȩ huotömä TÖ̧Ä̧NÄ̧HUA̧'inä, sacerdotetö̧'inä ttä'ca jo̧mȩcu̧ tticha pä'ö ja̧'a̧ ja̧'hua̧ta̧'a̧nö̧ ja̧u̧nu̧ mo̧ro̧ aditätö ruji pä'ö icuätö'inä ttä'ca jo̧mȩcu̧. ¹⁸ Röji pä'ö icuähuä ttö̧ja̧mä̧, adiu isopäi'önä̧ jueö já̧ pä'ö tottäcuotö ja̧u̧ huȩnȩmä̧, ja̧'hua̧nö̧ adiu usu tottomȩnä̧ ja̧u̧ ttö̧ja̧sa̧ huȩnȩtö̧ icu jiähuäjimä̧ yaparetä jö̧ttö̧mä̧, ¹⁹ a̧hua̧ru̧hua̧rö̧ huȩnȩtö̧ icu, jȩä̧ji̧mä̧, churutä tä̧bo̧cuä̧cua̧'a̧ pärocua'acutä. Ja̧'hua̧nö̧tä̧ si'epö cuicuäcuotöjä ucututä surojömä. ²⁰ Ja̧'hua̧nö̧ cuäopäji tö'cö ä̧ju̧cu̧mä̧ yettecuäcuotö, yoriso ja̧u̧ jä̧ji̧'a̧nö̧ surojömä jȩtta̧mä̧ pä'ocotö ttäcuotö. ²¹ Rȩrö̧jö̧nä̧mä̧ to'cuätucuä: ya̧tȩrö̧ cuä'ö icurumä̧ cuä'ö icuähuäcua'a, ya̧tȩrö̧ ö'äre ttȩ'ö̧ icurumä̧, ö'äre ttȩ'ö̧ i̧cuä̧huä̧cua̧, ya̧tȩrö̧ acu jȩä̧chö̧nä̧ jepö icurumä̧ chutä acu'i̧nä̧ jȩpö̧ i̧cuä̧huä̧cua̧, ya̧tȩ ö̧mö̧ cui'opö icurumnä̧, chutä ö̧mö̧'i̧nä̧ cui'opö i̧cuä̧huä̧cua̧, ya̧tȩ ö̧jä̧pö̧ cui'opö icurumä̧, chutä ö̧jä̧pö̧'i̧nä̧ cui'opö i̧cuä̧huä̧cua̧.