¹ Pi̧yȩ ja̧'a̧ TÖ̧Ä̧NÄ̧HUA̧ Dios ttörö i̧jȩpi̧nö̧mä̧. Topätucui, ja̧u̧mä̧ mä̧rä̧cä̧yu̧ recuätörö uhuäbe'inö cuähuä ku̧nä̧hua̧'a̧ u̧huä̧ju̧ 'cärächö mo̧ro̧mä̧ ja̧'hua̧ta̧'a̧nö̧ topätucui, pi̧yȩ cuähuämä u̧huä̧ju̧ ttö̧ca̧ca̧tö̧mä̧ ru̧hua̧ u̧cuȩ cuähuä bahuipö o'ca'a. ² Jahuätö rȩjȩttö̧ bahuade ttucui'äji o'ca'a, ttömä pä'inö̧sä̧: "TÖ̧Ä̧NÄ̧HUA̧ Dios Esecu icuitö; ¿Tocu u̧ju̧pä̧cua̧'a̧ttö̧ Jacobmä, ja̧'hua̧nö̧ ja̧'a̧ ja̧u̧ juiyo a̧'u̧cua̧ ja̧'a̧." ³ TÖ̧Ä̧NÄ̧HUA̧MÄ̧ pi̧yȩ rȩrö̧jö̧nö̧ topö pä'inö: "Pi̧yȩmä̧ yabonömä jo̧ca̧'a̧ jä̧cua̧'a̧". ⁴ Pi̧yȩ ja̧'a̧ TÖ̧Ä̧NÄ̧HUA̧ Dios ttörö i̧jȩpi̧nö̧mä̧. Topätucui, TÖ̧Ä̧NÄ̧HUA̧ Diosmä, ocurä ichiyarö pä'ö huopäji ro̧ȩpa̧ pä'ömä. Pidemä aje rö̧o̧to täcuoto'inä rȩjȩ dȩa̧'a̧ päte'ö roto'inä jo'ädö icuäji ja̧'hua̧ta̧'a̧nö̧ rȩjȩ'i̧nä̧ rahuädi'äja'a. ⁵ Ja̧'hua̧nö̧ ji̧yä̧cu̧ ttömä pä'inö̧sä̧ TÖ̧Ä̧NÄ̧HUA̧ Dios, kä̧mä̧dö̧nä̧ jȩpi̧; ¿Jacob tocu ö̧joä̧cua̧'a̧ttö̧? ja̧'hua̧nö̧ ja̧'a̧ ja̧u̧mä̧ juiyo a̧'u̧cu̧." ⁶ TÖ̧Ä̧NÄ̧HUA̧MÄ̧ pi̧yȩ rȩrö̧jö̧nö̧ topö pä'inö: "Pi̧yȩmä̧ yabonömä jo̧ca̧'a̧ jä̧cua̧'a̧". pä'ö TÖ̧Ä̧NÄ̧HUA̧ Diosmä. ⁷ Pi̧yȩ ja̧'a̧ ttörö i̧jȩpi̧nö̧mä̧, ä̧ju̧cuä̧tö̧cui̧, TÖ̧Ä̧NÄHUA̧ ki̧nö̧ 'quiädäcuähuä'ca kada'ca, u̧mu̧nä̧ 'chu̧huä̧rä̧nö̧ jue'inä pa̧ja̧ cuäppäcu. ⁸ TÖ̧Ä̧NÄHUA̧ jäepinäcu̧sä̧, ¿däje to'cuä, Amos? Ttö chädätinäcu̧, jue'inä pa̧ja̧ cuäppä. Ja̧'hua̧'a̧nö̧ ja̧'a̧ttö̧ TÖ̧Ä̧NÄHUA̧ pä'inäcu̧sä̧, ä̧ju̧cui̧ ttöttömä̧ tti̧ji̧pi̧yä̧cuotö̧ chahuaruhuä Israelmä̧. Täcö yabonömä chesecui̧yä̧cua̧sä̧. ⁹ Isaac köicu iyomemä jȩpu̧ chi̧cui̧yä̧cua̧, Israel ucuo tettähuomemä siepu chicui yäcuotö, ttötä churo̧hua̧hua̧ cua̧sä̧ curä'chunä Jeroboan ahuaruhuärömä̧. ¹⁰ Ja̧'hua̧nö̧ ja̧'a̧ttö̧ Amasías, Betel sacerdote, hueinö i̧huȩnȩ Jeroboanrö̧, Israel ttö̧ru̧hua̧rö̧, Amosmä kö̧ israel cui̧rȩjä̧tu̧cu̧nä̧. Adiu jȩpä̧tö̧jä̧ pätta'anä ttö̧ja̧rö̧tä̧ suro joepätö. ¹¹ Pi̧yȩ ja̧'a̧ Amós jiähuinömä, Jeroboan toeä̧cua̧ curä'chöttö, israelmä hue'ö tticuäcuotö otó tti̧rȩjä̧ttö̧mä̧. ¹² Amasíamä, Amórö̧ pä'inö, ppa̧'a̧chö̧ täí jurönänö jicuähua Juda rȩjȩnä juorötä cucuajá pan. ¹³ Betelnämä porö́ yabocumä täcö jicuähuä, penemä chojusode pä'ö ru̧hua̧ ucuo teähuome ja̧'a̧. ¹⁴ Ja̧'hua̧'ta̧'a̧nö̧ A̧mós päinö Amasíarö: "Ttömä profetamä huocösä profeta i̧tti̧'i̧nä̧ huocösä. Ttömä ovejatö̧rö̧ tta̧huä̧rä̧cuä̧huä̧ i̧sa̧sä̧, ja̧'hua̧'tä̧nö̧ higo'inä sicómoro dauhuiyä'inä tta̧'a̧rö̧sä̧. ¹⁵ Ja̧'hua̧'a̧nö̧ ja̧'a̧nä̧ TÖ̧Ä̧NÄ̧HUÄ̧TÄ̧ ȩmi̧nä̧cu̧sä̧ oveja̧tö̧rö̧ tta̧'a̧rö̧ chö̧jo̧mȩttö̧ ja̧'hua̧'a̧nö̧ ja̧'a̧nä̧ päinä̧cu̧sä̧: Täí, ttö chumuhuäyotö Israel ttö̧ja̧rö̧ jicuähuä. ¹⁶ Jitämä TÖ̧Ä̧NÄ̧HUÄ̧ i̧huȩnȩtä̧ ä̧ju̧cuí̧. Päíjä ucumä: Israel ttö̧ja̧rö̧mä suronä̧mä̧ jihuäcuä'chä ja̧'hua̧ta̧'a̧nö̧ Isaac ahuäruhuä'cotörö'inä suronämä cucuohuä. ¹⁷ Ja̧'hua̧'a̧nö̧ ja̧'a̧ttö̧ pi̧yȩtä̧ päö TÖ̧Ä̧NÄ̧HUÄ̧MÄ̧: Ucu cuirehuamä ötahuiyättö kidepä iyä'chäcuähuäju jäcua̧'a̧, cui̧tti̧mu̧ u̧mä̧ttö̧'i̧nä̧ cui̧tti̧mu̧ nä̧ttö̧'i̧nä̧mä̧ curä'chunä 'cui'cuipu ihuäcuotötä jä̧hua̧'a̧,