¹ ¡Jituhue! Siónnä adiu ka̧cuä̧tö̧, ja̧'hua̧ta̧'a̧nö̧ jitö Samaria möä'canä 'quiya'a abotä ka̧cuä̧tö̧mä̧ ju̧huȩnȩ ka̧cuä̧tö̧ttö̧ yabonänö ucuo ku̧nä̧rä̧tö̧ Israel ttö̧ja̧rö̧ ppä'ädö ichätömä! ² Curuhuotucu pä'ätö: "Calnera̧'a̧ topäjätucui; juhuorömä ötahuiyä rö̧o̧mȩ Hamatra̧'a̧cu̧ cui̧'chä̧tu̧cua̧ja̧; juhuorömä filisteas ttidepiyu Gatra̧'a̧cu̧ cu̧imȩjä̧huä̧tu̧cua̧jä̧. ¿Jahuätömä todärenä ruhuo huecuätöcuttö'inä uhuyämenä huotö? Tti̧rȩjä̧ beipomemä ucutu cui̧rȩjä̧tu̧cu̧ beipomettö̧'i̧nä̧ yabonänö rä̧o̧mȩ ja̧'a̧?" ³ ¡Jituhue suroju mo̧ro̧'i̧nä̧ ka̧jä pä'ätöhue ja̧'hua̧ta̧'a̧nö̧ ruhuo deäcä surojuoepö tö'cöhuächönä jȩpä̧tuhue! Jahuätömä rö̧ä̧nä̧ micuähuä̧ppä̧ ä̧'ä̧huä̧ppä̧nä̧ ä'ätö ja̧'hua̧ta̧'a̧nö̧ pä̧cuä̧huä̧ppä̧nä̧ 'cuä'ächi'ö pȩjä̧mä̧tö̧. ⁴ Jahuätömä cuätö ovejastö̧ ji̧nä̧ yo̧mȩtȩ ca̧ca̧tö̧ ku̧nä̧huo̧tö̧ttö̧ ja̧'hua̧ta̧'a̧nö̧ pä̧cä̧yu̧ tti̧tti̧ i̧so̧ca̧ jacuä ka̧cuä̧tö̧ttö̧. ⁵ Jua'ättömä rä̧huä̧'a̧huä̧'i̧nä̧ 'porähuäi'nä ja̧'a̧tä̧ jö̧tä̧ rä̧i̧'nä̧tö̧, 'porähuäi'nä David jȩi̧'nö̧ta̧'a̧nö̧ räepö jȩpi̧nä̧tö̧. ⁶ Ja̧'huätömä vino isoyamä i̧so̧'ta̧ ri̧o̧'ta̧nä̧ ahuienätö ja̧'hua̧'a̧nö̧ jȩpö̧ jitötä 'tamönäta̧ a̧dȩ'ȩja adihuoya to'ähuienätö̧, ja̧'hua̧'a̧nö̧ ja̧'a̧ttö̧ juä'ätörömä jo̧'ca̧'a̧ ji̧nä̧'a̧ josé ahuaruhuä to'tteächumä. ⁸ Ja̧'hua̧nö̧ ja̧'a̧ttö̧ jitä rä'epötti̧cuä̧u̧mä̧ ä̧cuo̧mȩnä̧ rä'epo tti̧cui̧nä̧u̧cu̧ tti̧'chä̧cuo̧tö̧ ja̧'hua̧ta̧'a̧nö̧ jitömä ttiäre pä'carinä ttesehuä'ija'amä täcö 'cuäopächäja'a. ⁷ Ttö TTÖ̧Ä̧NÄ̧HUA̧MÄ Diosmä chiminä huȩnȩcu̧ pä'ähuinösä̧, pa̧'a̧nö̧ pä'ötó Su̧ro̧do̧u̧ TTÖ̧Ä̧NÄ̧HUA̧ Diosmä, Ttömä su̧ro̧tö̧sä̧ Jacob ucuo teäumä; Ttömä chuju'cö juiyönä topösä 'quiyönä tto'epö ku̧nä̧hu̧po̧mȩmä̧. Ja̧'hua̧nö̧ ja̧'a̧ttö̧, Ttömä juȩnȩ ötahuiyänä̧ ka̧cu̧'i̧nä o'cajuiyö̧nä iyö chi̧cuä̧sä̧.'' ⁹ Ja̧'hua̧ta̧'a̧nö̧ to̧mu̧rȩnö̧ huotö isodenä ttö̧ji̧pu̧ttö̧'i̧nä̧, o'catoinä totteäcuotö. ¹⁰ Ya̧tȩ a̧cua̧ru̧cua̧ cua̧ ö'co jähuä ȩmu̧ ichöttömä, ja̧u̧ isodettö u̧mi̧rä̧cu̧ päiönä räepu ihuäjimä̧ ku icua päötä jä̧cua̧'a̧, ja̧u̧ isodenä ko̧cuȩto̧rö̧ päöttömä: "¿ucucu ya̧tȩ kö̧?" . Ya̧tȩ ttö̧ päöttömä: "To'a". Ja̧'hua̧'a̧nö̧ jö̧ttö̧mä̧, ja̧u̧mä̧ pä̧cua̧: "'corunä̧tä̧ kö̧cuȩtu̧cui̧, TÖ̧Ä̧NÄ̧HUÄ̧ i̧mi̧mä̧ ottö huiyö'anötä̧ ja̧'a̧." ¹¹ Ja̧'hua̧'nö̧ ja̧nä̧, topätucui, TÖ̧Ä̧NÄ̧HUÄ̧MÄ̧ i̧yä̧cua̧ hueähuä huȩnȩ, ja̧'hua̧ta̧'a̧nö̧ isode rö'odemä ppo̧ö̧cu̧nä̧ pparö ihuähuodetä jä̧cua̧'a̧, ja̧'hua̧tä̧'ä̧nö̧ isode ä̧u̧cuode'inä ppö̧u̧cu̧nä̧ ppäruhuächäcuä'a. ¹² ¿Ca̧hua̧yu̧tu̧mä̧ i̧nä̧cä jo̧mȩ do'ö sattö'anö ja̧'a̧tä̧jí̧? ¿Ja̧'hua̧nö̧ jo̧mȩ päcayuämä do'ö sau'anö tä̧jí̧? Ja̧'hua̧nö̧ ja̧'a̧nä̧, ucutumä to'ija̧'a̧cu̧ jȩpä̧tö̧jä̧ hueähuä̧ huȩnȩ'i̧nä̧ surujuo'epätöjä ja̧'hua̧ta̧'nä̧ adiunä jȩpä̧tö̧rö̧mä̧ ro̧'ȩpu̧tä̧ ro̧'ȩpä̧tö̧jä. ¹³ Ucutumä juiyó esehuätöjä Lo-debar ötahuiyä ä'ömä, pa̧'a̧nö̧ pä'ötöjä: "¿Ujutumä 'chu'ädocotö pinätö̧jä̧ Karnaim ötahuiyä ta̧mo̧nä̧ tujurunämö?" ¹⁴ Ja̧'hua̧nö̧ ja̧'a̧nä̧ topätucui, TTÖTÄ jȩchä̧cua̧sä ttö̧ja̧ recuätörö ucuturu ttörohuähuäcuotörö, Israel ttö̧ja̧, pa̧'a̧nö̧tä̧ pä'ö TÖ̧Ä̧NÄ̧HUA̧ Dios, su̧ro̧do̧u̧'i̧nä̧ TTÖ̧Ä̧NÄ̧HUA̧MÄ̧. Jahuätötä jä̧cua̧'a̧ suronä jȩttä̧cuo̧tö̧ ucuturu Lebo-hamat'ttö kä̧mä̧dö̧ Arabá ajé i̧sä̧rä̧ jubu.