¹ Pi̧yȩ chi̧huȩnȩ ä̧ju̧cuä̧tu̧cui̧ ucutu Basán ä̧ji̧mö̧ pä̧cä̧yu̧, ucutumä samaria möä'canä ka̧cuä̧tö̧mä̧, usurä isotö ttö̧ja̧rö̧ ucutumä suronä ucuocuätöjä̧, ucutumä recuä rö̧jä̧ö̧rö̧'i̧nä̧ suronä jȩpä̧tö̧jä̧, ucutumö cuirecuomörö pä'ätöjä̧: "Ti'cächiyatö ahuähuä. ² TÖ̧Ä̧NÄ̧HUA̧ Diosmä chutä imi adihuäjuäinä pä'ähuinö: "Topätucui mo̧ro̧jä̧mä̧ cuä̧tȩcuä̧tu̧cu̧ ichäcua'a ucuturumä ji̧yȩnö̧ pä̧nä̧tä̧ ä'cuäcänä äcuädi'ipö oto ttȩpo̧mȩnä̧tä̧ ja̧'hua̧ta̧'a̧nö̧ ucututtö röjinä i̧sa̧rö̧mä̧ ajua'chenä äcuepö ppuratö rö̧nä̧huä̧cua̧'a̧. ³ Ucutumä räcuopätucuaja ötahuiyä räbä ri'ächö bahuecuächinäjunätä, ucutu ya̧cu̧nä̧mä̧ cui̧'chä̧tu̧cua̧jä̧, jahuäjunätä räcuopätucuaja, ja̧'hua̧ta̧'a̧nö̧ Hermóncutä̧ do'opö icuähuotöjä̧, pi̧yȩ ja̧'a̧ TÖ̧Ä̧NÄ̧HUA̧ ucuocu päömä. ⁴ Betelra̧'a̧ tätucui ja̧'hua̧ta̧'a̧nö̧ surojö jȩ'cuä̧tu̧cua̧, Gilgara̧'a̧'i̧nä̧ surojö rö̧cuä̧dä̧tu̧cua̧, pä'ö mo̧ro̧ juoöta'anö cui'cächätucuaja, tömöre jähuättö ji̧yȩtȩtä̧ 'quȩ'ȩpö̧ ku̧nä̧huä̧mä̧ huäbodäcuä mo̧ro̧ o'comenä. ⁵ Cuesehuipomettö cuiäre ku icu iyähuä jä̧cua̧'a̧tó pan'inä, jicuähuaja ttiäre iyähuä ttiyäcua'anö̧; jicuähuätucuaja ku̧ja̧cuä̧tu̧cu̧ o̧du̧nä̧mä̧, ucutu Israel ttö̧ja̧mä̧ pi̧yȩ ja̧'a̧tó TÖ̧Ä̧NÄ̧HUA̧ Dios ucuocu pä'ömä. ⁶ Cuide piyutucunämä cu̧cuȩtö̧cu̧ juiyönä jȩchi̧nä'u̧jä̧ ja̧'hua̧ta̧'a̧nö̧ o'cajuiyönä cui̧jä̧tu̧cuo̧mȩ'i̧nä̧ cu̧cuȩtu̧cu̧ juiyönä. Ja̧'hua̧nö̧ ja̧'a̧nä̧ ppa̧'a̧cho̧co̧tu̧ pi̧nätö̧jä̧ ttöcumä, pä'inö TÖ̧Ä̧NÄHUA̧. ⁷ Ajiya'inä hue'ocö pinösä̧ ji̧nä̧ kä̧hua̧tö̧ yämetucuä juiya'anä cu̧cuȩcu̧ähuätucu ji̧nä̧ 'qui̧yächipoca̧ra̧'a̧. Yaute ttö̧jo̧mȩ hueinösä̧ ajiya icha pe'ö ja̧'hua̧nö̧ ja̧'a̧nä̧ korome ttö̧jo̧mȩmä̧ ichi yönä huȩdi̧yä̧cua̧sä̧. Rȩjȩ pä̧cuä̧da̧ja̧nätä̧ i̧chä ja'a ja̧'hua̧nö̧ ja̧'a̧nä̧ rȩjȩ pä̧cuädä̧jä̧nämä ichoca'ana'a joitä joichina'a̧. ⁹ Ta'arecu̧ huäbodäcuänäcö̧ koro ötahuiyäpönä usinätö̧ ajiya ttahua pä'ö, ja̧'hua̧nö̧ ja̧'a̧nä̧ esetocotö pinätö̧. Ja̧'hua̧nö̧ ja̧'a̧nä̧ ucutumä ttörömä amöcuädocotö pinätöjä̧ ttörömä, pä'inö̧ TÖ̧Ä̧NÄHUA̧. ⁸ Ttötä ro̧dȩpi̧näu̧jä̧ mi̧yu̧nä̧ ja̧'hua̧ta̧'a̧nö̧ tȩmö̧chächönä jȩpö̧. Rö̧ȩnä cucuähuätucu uva cu̧ju̧nätö̧cu̧mä, higottö'inä̧, olivo dahuiyättö'inä o'cajuiyönä ojiyä märä̧cä̧yu̧ ttöcui'önä. Ja̧'hua̧nö̧ ja̧'a̧nä ttörö amucuädocotö pinätö̧jä̧, pa̧'a̧nö̧ pä'inö̧ TÖ̧Ä̧NÄHUA̧MÄ̧ ¹⁰ Ttömä ro̧ȩcuä̧ hue'äjisä Egipto ttö̧ja̧rö̧ huedinöta̧'a̧nö̧. TTÖTÄ ji̧na̧'a̧ cu̧mu̧huäyotö mu'äyotörö curä'chunä cuä'äu icuinömä, cuä̧ji̧mö̧ ca̧hua̧yu̧tu̧ru̧'i̧nä̧ oto ȩmi̧pi̧nä̧tö̧, uhuapö'inä cu̧jo̧mȩra̧'a̧ a̧mȩhua̧'a̧ 'cö̧cu̧nä̧ jȩpi̧nö̧sä̧. Ja̧'hua̧nö̧ ja̧'a̧nä̧'i̧nä̧ ucutumä cho̧ja̧'a̧cu'i̧nä̧ ichocotöjä, ja̧'hua̧nö̧tä̧ pä'ö TÖÄNÄHUAMÄ. ¹¹ TTÖTÄ ji̧na̧'a̧ otahuiyä si'epö icuinömä ucutu cu'cä̧tȩtu̧cu̧ttu̧, TÖ̧Ä̧NÄ̧HUA̧ Dios Sodoma ja̧'ha̧ta̧'a̧nö̧ Gomorra si'epö icuinö'a̧nö̧. Ocurä rö̧'ä̧nä̧ cuoarättö rättepa'a jä̧'i̧nö̧'a̧nö̧ cuoina'a̧. Ja̧'hua̧nö̧ ja̧'a̧nä̧'i̧nä̧ ucutumä cho̧ja̧'a̧cu'i̧nä̧ ichocotöjä, pa̧'a̧nö̧tä̧ pä'ö TÖ̧Ä̧NÄ̧HUA̧MÄ̧. ¹² Ja̧'hua̧nö̧ ja̧'a̧nä̧'inä TTÖ ro̧dȩpä̧cua̧sä̧ ucuturu, Israél ttö̧ja̧; ucuturumä ro̧ȩcuä̧tä̧ ichäcua'a, ¡jo̧mȩnö̧ kä̧tu̧cui̧ topö cu̧huo̧jua̧ CU̧'Ä̧NÄ̧HUA̧RÖ̧, Israel ttö̧ja̧! ¹³ Adiunä topätucui, ja̧u̧tä̧ ja̧'a̧ muä'quiyu'inä isoppa'inä aditinömä, i̧jȩcu̧ ttö̧ja̧ ttämucuädönätä̧, mo̧ro̧ juoöna'inä ni̧pä̧chö̧nä̧'i̧nä̧ jȩpö̧, ja̧'hu̧ta̧'a̧nö̧ ja̧u̧mä̧ pi̧jä̧ttö̧ ju'toju jo̧mȩ kä̧dö̧, TTÖ̧Ä̧NÄ̧HUA̧, su̧ro̧do̧u̧'i̧nä̧ TTÖ̧Ä̧NÄ̧HUA̧ ja̧hua̧nö̧tä̧ mi̧cua̧."