¹ Pi̧yȩ huȩnȩ ä̧ju̧cuä̧tu̧cui̧ TÖ̧Ä̧NÄ̧HUA̧ ucuturu suronä päji huȩnȩ, Israel ttö̧ja̧ o'catoi'önä cuahuaruhuäcu EgIptora̧'a̧ttö̧ rä'epö chicuinä̧u̧mä̧. ² Pi̧jä̧ rȩjȩ jä̧ttä̧yä̧jä̧ttö̧mä̧ ttömä ucuturutä ȩmi̧nö̧sä̧, ja̧'hua̧nö̧ ja̧'a̧ttö̧ suronä jȩ'cuä̧tu̧cu̧ micuämä ttötä ro̧dȩpä̧cua̧sä̧. ³ ¿Ta̧ju̧nä̧ ji̧nä̧ yo̧mȩtȩ cui̧'chä̧tu̧cua̧'a̧nö̧ ja̧'a̧ tä̧ji̧ cui̧'chä̧tu̧cuä̧cua̧'a̧ adiunä cucuocuätucuoca'annä̧mä̧? ⁴ Mö̧ yähuimä de'ara̧'a̧ttö̧ u̧cuȩ ö̧'o̧cui̧'o̧ca̧'a̧ra̧'a̧mä̧ durua'anö ja̧'a̧ tä̧ji̧? ¿Mö̧ yähui möäya̧mä̧ u̧cuȩ ö̧'o̧cui̧'o̧ca̧'a̧nä̧mä̧ idorättö huopaji tä̧ji̧? ⁵ ¿Rȩjȩttö̧ ya̧tȩ ppiyuhuämä u̧cuä̧ juiya'anämä u ku̧tȩnä̧mä̧ ȩqui̧pa̧'a̧nö̧ ja̧'a̧ tä̧ji̧? ¿U ku̧tȩnä̧ i̧sa̧ toa'anämä 'chuhuäda'anö ja̧'a̧tä̧ji̧? ⁶ ¿Ji̧yȩtȩ ötahuiyättö trompeta rämipomenämä ttö̧ja̧mä̧ yettecui'iyäcuotö tä̧ji̧? ¿TÖ̧Ä̧NÄ̧HUA̧ ji̧yȩtȩ'i̧nä̧ hueoca'ara̧'a̧mä̧ surojö rȩbȩhua̧ pä'ö ja̧'a̧ täji ji̧yȩtȩ ötahuiyänämä? ⁷ TÖ̧Ä̧NÄ̧HUA̧ u̧mö̧huä̧ya̧ i̧huȩnȩ jiäcuähuä i̧sa̧rö̧ ä'canä ji̧yȩtȩ jȩä̧cuä̧ jiähuoca'ara̧'a̧mä̧ suronämä jȩpo̧cö̧. ⁸ Mö̧ yähui döröome ¿Di jä̧ttö̧ ye'ecuocömä? ¿Dios jiähuäji o'ca'amä di jä̧ttö̧ jiähuö juiyö'anö hua̧mä̧? ⁹ Asdodttö ucuo ttö̧ja̧rö̧ ji'ähuätucui Egiptottö'inä tä̧mö̧ jö̧nä̧ huotörö'inä, ucututä samaria möä'ca ju'tä pä̧mä̧tu̧cui̧, titö ja̧ pä'ö ye'ecuätömä, ja̧'hua̧ta̧'a̧nö̧ titö ja̧ pä'ö ttöjö'cö juiyönä huotömä. ¹⁰ isopäi'önä jahuätömä jerupätö adiu jȩä̧cuä̧huä̧mä̧ pa̧'a̧nö̧ ji'äu TÖ̧Ä̧NÄ̧HUA̧MÄ̧. jahuätömä surojö jȩä̧cuä̧huä̧tä̧ ca̧ca̧cuä̧chä̧u̧ ja̧'hua̧ta̧'a̧nö̧ dajahuächö ttö̧jo̧mȩ'i̧nä̧ si'epö icuähuyiyäcuotö. ¹¹ Ja̧'hua̧nö̧ jä̧'ä̧nä̧ pi̧yȩ päö TÖ̧A̧NÄ̧HUÄ̧ DIOSMÄ tabochä̧mä pi̧jä̧ sobuhuächönä̧ ö̧jä̧cua̧. Ja̧u̧mä̧ 'cho̧i̧pä̧cua̧jä̧ curuhuonä cu̧jode'inä ja̧'hua̧ta̧'a̧nö̧ ö̧nä̧u̧cuä̧cuajä̧ cujuru'inä. ¹² Pi̧yȩtä̧ pä'ö TÖ̧Ä̧NÄ̧HUÄ̧MÄ̧: ''Ja̧hua̧'a̧nö̧ ja̧'a̧nä̧ tta̧cuä̧rä̧cuä̧'cuä̧ i̧sa̧mä̧ mu yähui ättö'inä ppä'ädö ö̧jä̧pu̧ to̧u̧rȩ ku̧nä̧rö̧'rö̧mä̧, oveja ä̧ja̧ ju'tomȩtä̧'i̧nä̧, pa̧'a̧nö̧tä̧ ppädä̧cua̧ Israel ttö̧jä̧rö̧mä̧ Samaria ko̧cuä̧tö̧rö̧mä̧, pä̧cuä̧huäppä yaute ö̧yö̧ca̧ri̧ jo̧mȩtä̧'i̧nä̧, ä̧'ä̧cuä̧ppä̧ yaute ö̧yö̧ca̧ri̧ jo̧mȩtä̧'inä̧. ¹³ Ä̧ju̧cumä ji'ähui to'ija̧'a̧cu̧ Jacop ojusodera̧'a̧, pi̧yȩ ja̧'a̧ TTÖ̧Ä̧NÄ̧HUA̧ Dios päömä, sä̧ro̧do̧u̧'i̧nä̧ ttu̧ru̧hua̧mä̧: ¹⁴ "Ji̧yȩnö̧ mo̧ro̧ TTÖ Iaraél ttö̧ja̧rö̧ ro̧dȩpö̧ mo̧ro̧ päi'omenämä, TTÖTÄ ja̧'a̧ ro̧dȩpä̧cua̧mä̧ Betelrö tätähuä o'ca'inä. Ttä̧ja̧ o̧na̧mä̧ 'cui'ö icuähuäcua'a ja̧'hua̧nö̧ jo̧mȩnä̧ rȩjȩtä̧ ma̧'ä̧cua̧. ¹⁵ TTÖTÄ siepu chihuäcua̧sä̧ a̧ȩnä̧ isodemä duo'nä isodecutä. Marfíl ode'inä toeächäcua'a odehuiyä odecu'inä toeächäcua'a. Pi̧yȩtä̧ pä'ö ku̧nu̧ TÖ̧Ä̧NÄ̧HUÄMÄ.''