¹ Pitö ji̧na̧'a̧ Israel ttö̧ja̧ ttahuaruhuä tturuhuotö, milnö jo̧mȩnä̧'i̧nä̧, ciennö jo̧mȩnä̧'i̧nä̧, ja̧'hua̧ta̧'a̧nö̧ su̧ro̧da̧u̧ tturuhuotö, ru̧hua̧rö̧ ppä̧'a̧dä̧rö̧ aditinä̧tö̧mä̧. Yotutemä su̧ro̧da̧u̧mä̧ ppä̧'ä̧dä̧rö̧ aditinätö̧ kä̧hua̧tö̧nä̧ ja̧'hua̧ta̧'a̧nö̧ a̧'ȩ jö̧ta̧'a̧nö̧. Jisatenämä veinticuatro milnö u̧mä̧tö̧ jo̧mȩnä̧ ji̧na̧'a̧. ² Yotute 'cä̧'ȩpö̧ ku̧nä̧huo̧tö̧ttö̧ ä̧cuo̧mȩnä̧ kä̧hua̧nä̧ hue'inömä Zabdiel i̧tti̧ Josobeam ji̧na̧'a̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ³ Ja̧u̧mä̧ Pérez i̧tti̧mö̧ 'cotöttö i̧sa̧ ji̧na̧'a̧ ja̧'hua̧ta̧'a̧nö̧ su̧ro̧da̧u̧ tturuhuotö o'catoi'önärö̧ hue'inö ä̧cuo̧mȩnä̧ kä̧hua̧nä̧. ⁴ Yotute 'cä̧'ȩpö̧ ku̧nä̧huo̧tö̧ttö̧ kä̧hua̧tö̧ ta̧ju̧ päi'omenä̧ ttu̧ru̧hua̧mä̧ Ahoa i̧tti̧ Dodai ji̧na̧'a̧. Miclotmä ja̧u̧ o'comenä hue'ö ji̧na̧'a̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ⁵ Kä̧hua̧tö̧ huämetucuä päi'omenä su̧ro̧da̧u̧ ttu̧ru̧hua̧ jö̧nä̧ ki̧nö̧mä̧, sacerdote ja̧'a̧nä̧ ttu̧ru̧hua̧ jö̧nä̧ hua̧ Joiada i̧tti̧ Benaía ji̧na̧'a̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ⁶ Pide Benaíamä treintanö huotöttö ya̧tȩ pinömä treinta huotö ttu̧ru̧hua̧ pinö. Ja̧u̧ huȩä̧u̧ 'cä̧'ȩpö̧ ku̧nä̧huo̧tu̧cu̧ ki̧nä̧ i̧tti̧ Amisabadmä. ⁷ Pa̧ja̧cuä̧nö̧ kä̧hua̧tö̧ päi'omenä ttu̧ru̧hua̧ jö̧nä̧ hue'inömä Joab i̧jä̧hua̧ Asael ji̧na̧'a̧. Ja̧u̧tä̧ i̧tti̧ Zedaíamä ja̧u̧ hueinö o'come hue'inö. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ⁸ Cinconö kä̧hua̧tö̧ päi'omenä ttu̧ru̧hua̧ ju̧nä̧ hue'inömä Izra i̧tti̧ Samhut ji̧na̧'a̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ⁹ Seisnö kä̧hua̧tö̧ päi'omenä ttu̧ru̧hua̧ jö̧nä̧ hue'inömä Tecoa ttö̧ja̧sa̧ Iques i̧tti̧ Ira ji̧na̧'a̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹⁰ Sietenö kä̧hua̧tö̧ päi'omenä ttu̧ru̧hua̧ jö̧nä̧ ki̧nö̧ pelonita ttö̧ja̧sa̧, Efraín ahuaruhuä 'cotö i̧sa̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹¹ Ochonö kä̧hua̧tö̧ päi'omenä ttu̧ru̧hua̧ jö̧nä̧ hue'inömä Husat ttö̧ja̧sa̧, Sibecaí, Zera ahuaruhuä 'cotö ttö̧ja̧sa̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹² Nuevenö kä̧hua̧tö̧ päi'omenä ru̧hua̧ jö̧nä̧ hue'inömä Anotot ttö̧ja̧sa̧, Benjamin ahuaruhuä 'cotöttö ya̧tȩ ji̧na̧'a̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹³ Dieznö kä̧hua̧tö̧ päiomenä ttu̧ru̧hua̧ jö̧nä̧ hue'inömä Maharai, Netofa ötauiyä ttö̧ja̧sa̧, Zera ahuaruhuä 'cotö ttö̧ja̧sa̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹⁴ Oncenö kä̧hua̧tö̧ päi'omenö ttu̧ru̧hua̧ jö̧nä̧ hue'inömä Benaía ji̧na̧'a̧ Piratón ötahuiyättö, Efraín ahuaruhuä 'cotö ttö̧ja̧sa̧. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹⁵ Docenö kä̧hua̧tö̧ päi'omenä ttu̧ru̧hua̧ jö̧nä̧ hue'inömä Heldai ji̧na̧'a̧, Netofa ötahuiyä ttö̧ja̧sa̧, Otoniel ahuaruhuä 'cotöttö. Ja̧u̧ huȩä̧u̧ 'cä̧'ȩpö̧ ku̧nä̧huo̧tö̧mä̧ veinticuatro milnö u̧mä̧tö̧ ji̧na̧'a̧. ¹⁶ Pitö ji̧na̧'a̧ Israel ttö̧ja̧ ttahuaruhuä 'cotöttö tturuhuotö jö̧nä̧ ka̧cui̧nä̧tö̧mä̧: Rubén ahuaruhuä 'cotö ttu̧ru̧hua̧mä̧ Zicri i̧tti̧ Eliezer ji̧na̧'a̧. Simeón ahuaruhuä 'cotö ttu̧ru̧hua̧mä̧ Maaca i̧tti̧ Sefatías ji̧na̧'a̧. ¹⁷ Leví ahuaruhuä 'cotö ttu̧ru̧hua̧mä̧ Kemuel i̧tti̧ Hasabías ji̧na̧'a̧ ja̧'hua̧ta̧'a̧nö̧ Aarón i̧tti̧mö̧ 'cotö ttu̧ru̧hua̧mä̧ Sadoc ji̧na̧'a̧. ¹⁸ Judá ahuaruhuä 'cotö ttu̧ru̧hua̧mä̧ Eliú ji̧na̧'a̧, David u̧bö̧o̧tö̧ttö̧ ya̧tȩ. Isacar ahuaruhuä 'cotö ttu̧ru̧hua̧mä̧ Micael i̧tti̧ Omri ji̧na̧'a̧. ¹⁹ Abdías i̧tti̧ Ismaíasmä Zabulón ahuaruhuä 'cotö ttu̧ru̧hua̧ ji̧na̧'a̧. Azriel i̧tti̧ Jerimotmä Neftalí ahuaruhuä 'cotö ttu̧ru̧hua̧ ji̧na̧'a̧. ²⁰ Azazías i̧tti̧ Oseasmä Efraín ahuaruhuä 'cotö ttu̧ru̧hua̧ ji̧na̧'a̧. Pedaías i̧tti̧ Joelmä, Manasés ahuaruhuättömä ju'totötä ttu̧ru̧hua̧ ji̧na̧'a̧. ²¹ Zacarías i̧tti̧ Iddomä, Galaattö Manasés ahuaruhuä 'cotöttömä ju'totötä ttu̧ru̧hua̧ ji̧na̧'a̧. Abner i̧tti̧ Jaasielmä, Benjamin ahuaruhuä 'cotö ttu̧ru̧hua̧ ji̧na̧'a̧. ²² Jeroham i̧tti̧ Azareelmä, Dan ahuaruhuä 'cotö ttu̧ru̧hua̧ ji̧na̧'a̧. Pitö ji̧na̧'a̧ Israel ttö̧ja̧ttö̧ tturuhuotö päi'önä ka̧cui̧nä̧tö̧mä̧. ²³ Davidmä ji'ähuocö pinö veintenö a̧'ȩ ku̧nä̧rä̧tö̧rö̧mä̧, suro möäyätörö'inä TÖ̧Ä̧NÄ̧HUA̧MÄ̧ Israel ttö̧ja̧mä̧ ttirecuächönä jȩchä̧cua̧sä̧, mo̧ro̧jättö siri'cö jä'inö'anö päina̧'a̧ttö̧. ²⁴ Sarvia i̧tti̧ Joabmä umätö̧rö̧ pa̧ja̧tö̧ öjämäda'anä, cä'ädocö pinö. Pa̧'a̧nö̧ jo̧mȩttö̧ Diosmä Israel ttö̧ja̧rö̧ ro̧'ȩpi̧nö̧. Pi̧yȩ ö̧'a̧ti̧nö̧mä̧ David aditinö huȩyu̧tu̧ rötähuinä̧'tä̧nä̧mä̧, huȩyu̧tu̧ rutähuoca'a ji̧na̧'a̧. ²⁵ Adiel i̧tti̧ Azmavetmä rö̧ä̧nä̧ micuä juäi ka̧cuo̧mä̧ tta̧'a̧rö̧ ji̧na̧'a̧. Uzías i̧tti̧ Jonatánmä pättiyunä ka̧cuä̧tö̧'i̧nä̧, ötahuiyänä ka̧cuä̧tö̧'i̧nä̧, ja̧u̧tä̧ jäyänä hu̧ȩju̧nä̧ ka̧cuä̧tö̧'i̧nö̧ ja̧'hua̧ta̧'a̧nö̧ tto̧ä̧rä̧cuä̧huo̧mȩ 'quiyönä adicuome ka̧cuä̧tö̧ ttu̧cuä̧ pȩjo̧mȩ to̧pä̧rö̧ tta̧'a̧rö̧ ji̧na̧'a̧. ²⁶ Quelub i̧tti̧ Ezrimä, jitö rȩjȩ saú adicuä ttö̧ja̧ to̧pä̧rö̧ tta̧'a̧rö̧ ji̧na̧'a̧. ²⁷ Ramá ttö̧ja̧sa̧ Simeimä Uva adiyä ku̧nä̧huo̧mȩ to̧pä̧rö̧ tta̧'a̧rö̧ ji̧na̧'a̧ ja̧'hua̧ta̧'a̧nö̧ Sifmot pättome ttö̧ja̧sa̧ Zabdimä, uva ko̧mȩ'i̧nä̧, vino oya ka̧cuo̧mȩ'i̧nä̧ to̧pä̧rö̧ tta̧'ä̧rö̧ ji̧na̧'a̧. ²⁸ Geder ttö̧ja̧sa̧ Baal Hanánmä, ja̧huä̧jä̧nä̧ ka̧cu̧ olivos dauhuiyä'inä, Sicómoro dauhuiyä'inä, to̧pä̧rö̧ tta̧'ä̧ri̧nö̧, ja̧'hua̧ta̧'a̧nö̧ Joásmä a̧dȩja ca̧ca̧tö̧ ku̧nä̧huo̧mȩ to̧pä̧rö̧ tta̧'ä̧ri̧nö̧. ²⁹ Sarón ttö̧ja̧sa̧ Sitraimä, Sarónttö ajicuäcuähuotörö tta̧'ä̧rä̧tö̧rö̧ to̧pä̧rö̧ tta̧'a̧ri̧nö̧ ja̧'hua̧ta̧'a̧nö̧ Adlai i̧tti̧ Safatmä, ajicuäcuähuotörö pämäroppä ka̧cuä̧tö̧rö̧ to̧pä̧rö̧ tta̧'a̧ri̧nö̧. ³⁰ Ismael ahuaruhuä 'cotöttö Obilmä Camellostörö to̧pä̧rö̧ tta̧'ä̧ri̧nö̧ ja̧'hua̧ta̧'a̧nö̧ Meronot pättome ttö̧ja̧sa̧ Jehedíasmä burö̧ba̧tö̧ nä̧tö̧rö̧ to̧pä̧rö̧ tta̧'a̧rö̧ ji̧na̧'a̧. Agar ki̧tti̧mö̧ 'cotöttö Jaziz pä'ö micuamä̧, yotute ajicuäcuähuotörö to̧pä̧rö̧ tta̧'ä̧ri̧nö̧. ³¹ Pitö o'catoi'önämä ru̧hua̧ David öäre to̧pä̧rö̧ tta̧'ä̧ri̧nä̧tö̧. ³² David imiya Jonatánmä, adiunä jiähuärä̧cuä̧huä̧ i̧sa̧ ji̧na̧'a̧ ja̧u̧ huo̧jua̧ ja̧'a̧ttö̧ ja̧'hua̧ta̧'a̧nö̧ huȩyu̧cuä̧ i̧sa̧ pinö. Hacmoni i̧tti̧ Jehiel ru̧hua̧ i̧tti̧mö̧rö̧ to̧pä̧rö̧ tta̧'a̧ri̧nö̧. ³³ Ahitofelmä ru̧hua̧rö̧ adiunä ji̧'ä̧huä̧rö̧ ji̧na̧'a̧ ja̧'hua̧ta̧'a̧nö̧ Arqui ttö̧ja̧sa̧ Husaimä yo̧ä̧huä̧i̧nä̧tä̧ adiu ji̧'ä̧huä̧rö̧ ji̧na̧'a̧ ru̧hua̧rö̧mä̧. ³⁴ Ahitofel o'comenä̧mä̧ aditömä Benaías i̧tti̧ Joiada ji̧na̧'a̧ ja̧'hua̧ta̧'a̧nö̧ ja̧u̧ o'comenämä Abiatar ji̧na̧'a̧. Joabmä ru̧hua̧ u̧mö̧huäyotö ttu̧ru̧hua̧ ji̧na̧'a̧.