¹ Pi̧yȩ ji̧na̧'a̧do apatenä to̧ȩpä̧rö̧ ta̧tta̧rä̧cuo̧tö̧rö̧ ttaditähuä punä 'quȩ'ȩpȩö̧ ttiyinömä: Coreíta ötahuiyä ttö̧ja̧ttö̧ rötädipu kä̧mä̧dö̧, ² Meselemianmä Core i̧tti̧ ji̧na̧'a̧, ya̧tȩ Asaf ahuaruhuä 'cotö ttö̧ja̧sa̧ ji̧na̧'a̧. Meselemiamä ku̧nä̧ri̧nö̧do: i̧tti̧rö̧mu̧rö̧, a̧cuo̧mȩnä̧ i̧tti̧mä̧ Zacaria ji̧na̧'a̧, ja̧u̧nu̧ o'comenä todärenä päiönä itti̧mä̧ Jediael ji̧na̧'a̧, huäbodäcuänä päiönä i̧tti̧mä̧ Zebadias ji̧na̧'a̧ pa̧ja̧cuä̧nö̧ päiönä i̧tti̧mä̧ Jatniel ji̧a̧na̧'a̧, ³ ji̧mu̧tȩnö̧ päiönämä Elam ji̧na̧'a̧do koromö̧ttö̧ yo'chetenö päiönämä i̧tti̧mä̧ Johanán pä'ö micuinödo, koromu̧ttö̧ tocherenö päiönä i̧tti̧mä̧ Elioneai pä'ö micuinö.. ⁴ Obeb Edomä i̧tti̧mu̧rö̧ ku̧nä̧ri̧nö̧do Semaia ji̧na̧'a̧ ä̧cuo̧mȩnä̧ i̧tti̧mä̧, ja̧u̧ o'comenä i̧tti̧mä̧ Joa ji̧na̧'a̧ pa̧ja̧cuä̧nö̧ päiönämä Sacar ji̧na̧'a̧ ji̧mö̧tȩnö̧ huotö päiönämä Natanael ji̧na̧'a̧, ⁵ Ko̧ro̧mu̧ttö̧ yo'chetenö päiönämä Amiel ji̧na̧'a̧ ko̧ro̧mu̧ttö̧ to'cherenömä Isacar ji̧na̧'a̧do ja̧hua̧ta̧'a̧nö̧ ko̧ro̧mu̧ttö̧ huabochecuänö päiönämä Paultai ji̧na̧'a̧ Diostä ji̧na̧'a̧ Obe-Edomrö ppä'ädinömä i̧tti̧mu̧ u̧ju̧na̧ra̧ pä'ömä. ⁶ Semaiamä, i̧tti̧mä̧, ttuhuäpächiyinäcu̧do chutä ahuaruhuärö tta̧tta̧ra̧cuo̧tö̧ päiönä; juätö u̧mä̧tö̧mä̧ amucuädäcuähuättö'inä tu̧ȩpä̧rö̧nö̧ adicuättö'inä huo̧juȩcu̧nä̧ aditinätödo.. ⁷ Semaia i̧tti̧mö̧mä̧ Otni'inä, Rafael'inä, Obed'inä ja̧hua̧ta̧'a̧nö̧ Elzabad 'inä ji̧na̧'a̧do. Ja̧u̧ a̧hua̧ru̧hua̧mä̧ Eliu ji̧na̧'a̧ ja̧hua̧ta̧'a̧nö̧ Semaquiattö u̧mä̧tö̧mä̧ amucuädäcuähuä'inä uhuäbeö adicuä'inä huo̧jui̧nä̧tö̧do juätömä. ⁸ Pitö o'catoinämä Obed Edom i̧ja̧hua̧tö̧ o'cotö ji̧na̧'a̧do. Juätömä ja̧hua̧ta̧'a̧nö̧ i̧tti̧mu̧ tti̧tti̧mu̧'i̧nä̧ ahuaruhuä 'cotö'inä u̧mä̧tö̧mä̧ Dios ö̧jodenä adicuä'inä tu̧ȩpä̧rö̧'i̧nä̧ aditö'inä huo̧jui̧nä̧tö̧do juätömä ka̧cui̧nä̧tö̧do ttö̧ja̧ huä̧mȩtu̧cuänö ja̧'a̧nä̧ u̧mu̧ ji̧mu̧tȩttö̧ to'cherenö jahuätömä Obed-Edom ahuäruhuä 'cotömä. ⁹ Meselamiamä ki̧tti̧mu̧ru̧'i̧nä̧ ku̧nä̧ri̧nä̧ju̧do ja̧hua̧ta̧'a̧nö̧ ka̧hua̧ru̧hua̧rö̧'i̧nä̧, u̧mä̧tö̧ jȩtta̧'a̧nö̧ huotömä ttu̧mu̧ to̧mu̧rȩnö̧ ja̧'a̧np i̧jä̧o̧u̧ ko̧ro̧u̧tö̧ huabo'checuänö ji̧na̧'a̧do 'cotö'inä ttö̧mä̧. ¹⁰ Hosamä ä'canä hueähuä ttö̧ja̧sa̧ pä'ö huinö ubo ji̧na̧'a̧ pidemä. ¹¹ Hilcías todäre päiönä i̧sa̧ ji̧na̧'a̧, Tebaliamä huabodacuä päiönä ji̧na̧'a̧ ja̧hua̧ta̧'a̧nö̧ pa̧ja̧cuä̧nö̧ päiönömä Zacaria dä̧jä̧ ji̧na̧'a̧do. ¹² Pi̧yȩ ji̧na̧'a̧ apatiyä tta̧huä̧rä̧cuä̧huä̧ ttö̧ja̧rö̧ ttaditähuä päiönä'quȩ'ȩpu̧ ttiyinömä ä'canä huȩa̧hua̧mä̧ pä'ömä isopäinä tta̧di̧tä̧cuȩpu̧nä̧ ku̧nä̧ri̧nä̧tö̧do, ja̧hua̧ta̧'a̧nö̧ ttahuäruhuä jö̧ ta̧'a̧nö̧tä̧ Tu̧ru̧hu̧a̧ Tö̧ä̧nä̧hua̧ i'äre. ¹³ Jahuätömä ttö̧''o̧cuä̧ päiönä pätecuächäcureu ttö̧'o̧cui̧a̧ pä'ö isate icuinätö̧do muäyotö'inä tä̧mu̧ buäcuächätö'inä, ttahuäruhuäröpunä pätecuächaja pä'ö, ya̧tȩtä̧ apate pu̧nä̧ ttiätecuächa pä'. ¹⁴ Ji̧yȩnö̧ pä̧nä̧ ttö̧'o̧cuä̧ päiönä pä̧tȩcuä̧cha̧ mo̧a̧ pä'ö isate icuinätö̧do apate kä̧hua̧ räopacu ka̧tȩnä̧ dirö pä̧tȩcua̧cha̧ja̧ pä'ö, icuäjä'cotö tottomenä Selemiarö̧ pä̧tȩcuä̧chi̧na̧'a̧do. Ja̧u̧mä̧ o'comenämä pä'äji icu jȩttä̧ji̧ta̧'a̧nö̧tä̧ kä̧hua̧ u̧huo̧jua̧'a̧cu̧ 'cä̧tȩnä̧ pätecuächaja pä'ö; ticuomenä Zacariarö pä̧tȩcuä̧chö̧nä̧ ma̧i̧na̧ oocuä päiönämä; ja̧u̧ i̧tti̧mä̧, huȩnȩ jo̧mȩnä̧mä̧ ro̧ȩcuä̧i̧sa̧ jö̧nä̧ huinödo a̧'cua̧pi̧nö̧ hua̧'a̧ ja̧'a̧tö̧. ¹⁵ Obed-Edomä kä̧hua̧ mö̧ä̧cha̧'a̧cu̧ katenä huettinäcu ja̧hua̧ta̧'a̧nö̧ ja̧u̧ i̧tti̧mu̧rö̧mä̧ ttaditahuä päönä pä̧tȩtö̧ hueinödo korojuei hua'adö ku̧nä̧huo̧mȩ aditö ttö̧ja̧ pä'ö. ¹⁶ Supimä ja̧hua̧ta̧'a̧nö̧ Hosa'inä, pä̧tȩtö̧ ttu̧ju̧ni̧nä̧u̧do apate ka̧hua̧ räopa'acu kä̧tȩnä̧, Celequet ahuaruhuä ttapate tö'cönänö jo̧mȩ, juttacu mänänä. Ya̧cu̧nä̧ ttahuäruhuä punärö̧ to̧pä̧rö̧ tta̧'a̧rö̧ pä'ö hueähuina'ado. ¹⁷ Pi̧yȩ adicuänämä tu̧mu̧ ji̧mu̧tȩnö̧ ja̧'a̧nä̧ ko̧ro̧mu̧ttö̧ to'chenö Lȩvi̧ta̧ ji̧na̧'a̧, ka̧hua̧ u̧huo̧jua̧'a̧cu̧nä̧mä̧, pa̧ja̧cuä̧nö̧ huotö punä ji̧na̧'a̧ mo̧ro̧mä̧, ka̧hua̧ möächa̧'a̧cu̧'i̧nä̧ pa̧ja̧cuä̧nö̧ huotö punä̧rö̧ hueähui'ina'ado koro juei hua'adö rötähuomemä pa̧ja̧cuä̧nö̧ tö̧ja̧rö̧ hueähuina'ado tta̧'a̧rö̧ ttadita pä'ö ta'are ädäcua̧cu̧ pu̧nä̧. ¹⁸ Ka̧hua̧ ieruhua'acu apate beipomemä hueö ku̧ni̧nä̧tö̧ pa̧ja̧cuä̧nö̧ huotö ttö̧ja̧rö̧ tta̧ta̧ra̧ pä'ö mä̧nä̧nä̧ ta̧ta̧ra̧ pä'ö hueinätö̧ pa̧ja̧cuä̧nö̧ beipunä ttö̧ja̧rö̧ ta̧tä̧ra̧ pä'ömä ja̧hua̧ta̧'a̧nö̧ beipunä tticuomemä ta̧ju̧ru̧ hueinätö̧. ¹⁹ Pi̧yȩ ji̧na̧'a̧ To̧ä̧rä̧cuä̧huä̧ ttö̧ja̧rö̧ ttaditähuä punä ya̧cu̧nä̧rö̧ 'quȩ'ȩpȩö̧ ttiyinömä Core ahuaruhuä 'cotötä seädeina'ado ja̧hua̧ta̧'a̧nö̧ Merari'inä. . ²⁰ Levita ttö̧'cä̧tȩnä̧mä̧, Ahia ji̧na̧'a̧do Dios ojusode jahuä pärätä tta̧hua̧rä̧cuä̧huä̧ ttö̧ja̧sa̧mä̧ ja̧hua̧ta̧'a̧nö̧ Tu̧ru̧hua̧ iäre ri̧ä̧nä̧ micuäu tta̧huä̧rä̧cuä̧huä̧'i̧sa̧ ji̧na̧do. ²¹ Laadán ahuaäruhuä 'cotömä mȩjä̧hui̧nä̧tö̧ Gersoncutä ja̧hua̧ta̧'a̧nö̧ Laadán ahuaruhuärö ä'canä oicuä ttö̧ja̧ ji̧na̧'a̧do, Gerson ahuaruhuämä, ja̧u̧ isotömä Gerson ttö̧ja̧ ji̧na̧'a̧, Jehieli'inä ja̧hua̧ta̧'a̧nö̧ ki̧tti̧mu̧cu̧. ²² Zetan ja̧hua̧ta̧'a̧nö̧ ucuo Joel'inä Tu̧ru̧hua̧ Tö̧ä̧nä̧hua̧ ojusodenä korojuei ca̧ca̧tö̧ rötähuome to̧ä̧rä̧cuä̧hua̧ ttö̧ja̧ ji̧na̧'a̧do. ²³ Amran ahuaruhuämä su̧ro̧do̧u̧ ji̧na̧'a̧do, Izhar'inä Hebron'inä ja̧hua̧ta̧'a̧nö̧ Uziel'inä ji̧na̧'a̧. ²⁴ Moises i̧tti̧ ji̧na̧'a̧ Gersomä, Gerson i̧tti̧ ji̧na̧'a̧ Sebuelmä Moises ö̧do̧ ji̧na̧'a̧do, ttiäre ca̧ca̧tö̧ hua'adö rötähuome to̧ä̧rä̧cuä̧huä̧ ttö̧ja̧sa̧mä̧. ²⁵ Eliazer ahuaruhuämä 'cotömä Rehabias i̧tti̧mu̧ dä̧jä̧ ji̧na̧'a̧do, ja̧u̧ Rehabias i̧tti̧mä̧ Jesias ji̧na̧'a̧, ja̧u̧ Jesaua i̧tti̧mä̧ Joran ji̧na̧'a̧, Joram i̧tti̧mä̧ Zicri ja̧hua̧ta̧'a̧nö̧ Zi̧cri̧ i̧tti̧mä̧ Selomit ji̧na̧'a̧. ²⁶ Selomit ahuaruhuätä ji̧na̧'a̧do ttu̧ru̧hua̧ Ttö̧ä̧nä̧hua̧ iäre korojue ttiyö ca̧ca̧tö̧rö̧ rötähuome hua̧'a̧dä̧rö̧ ttötä pä'ö pätecuächinatömä, ru̧hua̧ David dä̧jä̧ ji̧na̧'a̧, ya̧tȩmä̧, ä'canä oicuä ttö̧ja̧ ttahuaruhuärö recuätö ttö̧ja̧rö̧ hueahuä ru̧hua̧m ja̧hua̧ta̧'a̧nö̧ su̧ro̧da̧u̧ ttu̧ru̧hua̧mä̧ 'quȩ'ȩpȩi̧ö̧ ku̧nä̧'chi̧nö̧do. ²⁷ Jahuatömä ttaboiyotöcu curä rohuäu icu tujurunä 'choipu ttȩma̧ji̧mä̧ Tu̧ru̧hua̧ Ttö̧ä̧nä̧hua̧ ojusodenä rȩcuä̧rö̧ juei ttȩma̧ pä'ö ji̧na̧'a̧do. ²⁸ Jahuaätö'inä ji̧na̧'a̧ Tu̧ru̧hua̧ Tö̧ä̧nä̧hua̧ 'quȩ'ȩpu̧ hueö u̧ju̧ni̧nö̧ ta̧'a̧nö̧tä̧ Dios i̧huȩnȩ hueö jiäcuähuä i̧sa̧ Sameulrö, Cis ki̧tti̧ Saulrö Abner i̧tti̧mä̧ Ner ji̧na̧'a̧ ja̧hua̧ta̧'a̧nö̧ Sarvia ki̧tti̧mä̧ Joab ji̧na̧'a̧do. Jitö o'catoinä Tu̧ru̧hua̧ 'quȩ'ȩpu̧ u̧ju̧ni̧nö̧ta̧'a̧nö̧tä̧ Solomit hue'anätä̧ ka̧cui̧nä̧tö̧do juätömä ja̧hua̧ta̧'a̧nö̧ ahuaruhuä'i̧nä̧ 'cotö. ²⁹ Izhar ahuaruhuä ji̧na̧'a̧, Quena ttö̧ja̧'i̧nä̧ i̧tti̧mu̧'i̧nä̧ Israel ttö̧ja̧rö̧ huȩnȩ jo̧mȩnä̧ to̧ä̧rä̧cuä̧huä̧ ttö̧ja̧ ji̧na̧'a̧ ttaditähuä pä'ö'inä ja̧hua̧ta̧'a̧nö̧ curä ruhuä tta'anäinä ro̧ȩcuä̧ huȩnȩ'i̧nä̧ huinätö̧, isopainä ro̧ȩcu̧ä̧ hueähuä huȩnȩ pä'ö ta̧'a̧nö̧ adicuä ttö̧ja̧ ji̧na̧'a̧do. ³⁰ Hebron ahuäruhuä 'cotömä, Hasabias'inä u̧bu̧o̧tö̧'i̧nä̧, 1.700 u̧mä̧tö̧ ppura päiönä jȩtta̧ päötä huotö ji̧na̧'a̧, Tu̧ru̧hua̧ Tö̧ä̧nä̧hua̧ ttadita pä'ö hueö u̧ju̧ni̧nö̧ ji̧na̧'a̧ ja̧hua̧ta̧'a̧nö̧ ru̧hua̧ aditähuä'inä. Jahuätömä ka̧cui̧nä̧tö̧do Jordan aje jäyä ka̧hua̧ ieruhua'acu päteö ji̧na̧'a̧do juȩnȩmä̧. ³¹ Hebron ahuaruhuämä, Jeria ji̧na̧'a̧ ja̧u̧ ahuaruhuärö ä'canä hueähuä ru̧hua̧mä̧ chutä ahuaruhuättö pojopu tottomenä ja̧u̧tp ji̧na̧'a̧do chu̧ä̧cua̧tä̧ tu̧mu̧ to̧mu̧rȩnö̧ ja̧'a̧nä̧ yabocu pa̧ja̧cuä̧nö̧ a̧'ȩnö̧ David hueinö pä̧nä̧ tti̧mi̧ huȩyu̧tu̧ rötähuotörö tta̧'a̧nö̧tä̧ recuätöttö ttö̧kä̧tȩnä̧mä̧ u̧mä̧tö̧ jȩpu̧'i̧nä̧, amucuädö'inä, huo̧juä̧tö̧ ka̧cui̧nä̧tö̧do Jezer Galaadnämä. ³² Jeriamä chutä ahuaruhuärö ku̧nä̧ri̧nö̧ 2.700nö̧ hueähuä ttö̧ja̧ huo̧ju̧nä̧ hueinätö̧rö̧ a'canäji̧, Davidmä juätörö hueinö to̧pä̧rä̧rö̧ huähuotö ji̧na̧'a̧ Ruben ahuaruhuä 'cotörö; Manases otonätä ahuaruhuä'inä ja̧hua̧ta̧'a̧nö̧ Gad ttö̧ja̧rö̧'i̧nä̧, ji̧yȩcu̧nä̧ Diosttö todeunä jö̧ juimä ja̧hua̧ta̧'nö̧ ötahuiyä hueähuä ru̧hua̧ ötö'cö jähuä'inä.