¹ Piyȩ o'camä̧ cua'apina'a David filisteo rohuähuinö ciepicunö. Jua̧o̧mä 'chuadinö Gat pattome juaneitahuiyämä filisteo tottocomȩcu̧ ² Jua̧amä ju̧nö̧'ca̧ma̧ Moab tti̧ja̧ro̧ röa̧cuinö̧ jua̧nö ja'a taco moabitas ttija̧ama David umuayota̧ta paina̧to̧ utahuiyana ttimi̧ta paöji̧na'a ³ junu'camä̧ Davidma roacui̧nö̧ Hadedro'ina Ezerro'ina, Soba jamal Ru̧hua̧ jina'a, juanu ja'ana cuea'china̧to̧ Hadad'ina Ezer'ina ttorohuö Eufrates ajȩna̧ ttuji̧napao ⁴ Davidmä 'chuadinö cari̧qui̧yo milno jomena, juatanö uma̧to̧ ca̧hua̧yo̧toro̧ ko̧na̧ro̧toro siete mil no jomena̧ chuadinö jua̧tanö veintemilnö jomenä jina'a Haded ppada̧racuahua ttijama̧. Davidmä 'catoina cä̧hua̧yo̧turo isa'cä cu̧ca̧hua̧yoto tija̧puna ttitadapao herinö, juanö ja'aa juato ttare cari'cämä ria̧na ki'ina cienö jomenä. ⁵ Juanö ja'a Damascotto arameo ttija̧ma̧ ichinatto ppa'adina̧to̧ Ha̧da̧d'ina Ezer'ina Soba Ruhuä̧ jina'a̧, Davidmä veintidos mil jomenä cua̧i̧cui̧nö uma̧to arameosro ⁶ Jua̧nu ja̧i'ca Davidmä kininö curä ro̧ucuahuä ttia̧ra̧ Damascatto Aram pattömȩ juata̧no̧ arameosmä juao̧ umuayotota̧ paina̧to̧ cachina̧to itahuiya ttimitapaö ju̧ma jua̧ro̧ta iyina̧to TTia̧na̧huamä Davidromä iyinö ya'acuna ca'achiapaö korome i'chomettoina ⁷ Davidmä cu̧ra̧ rohuähuö tto̧ȩcua̧racuäbi to̧a̧ca̧ttö adicua chu̧adino Hadad Ezer ttomuayotu ttare kometto Jerusalencu cachina̧to ⁸ Jorö cun'ina tibhat'ina, Hadad Ezer ttotahuiyä jina'a Dahuimä ria'ana̧ 'chuädinö bronce. Salomonmä piyȩ broncettomä hueinö iso'ta ju'acua broncetto ttaditapaö chuar'oca̧na̧ broncetto taditapao ⁹ Juana ja'a tou, Hamat ruhua̧ , ajicui̧nö̧ Davidrö cateinä Hadad Ezer tto umua̧yo̧to̧ su̧ro̧doura̧ roacu̧ kä̧icuinaa Soba juei̧pa̧ Ru̧hua̧ jina'a ¹⁰ Tou ittöromä hueinö ucuo teähuiyaropaö, Ruhuä Davidrö tȩa̧huökänomäiso jonä ppada̧cua̧ juanöjamä Davidmä̧ Hadad Ezer, roacu̧ käicua̧tto Hadad Ezer ju̧na̧mä tourö ttorähuapau jȩpo̧ ttijina'atto Ucuo tecuahuä kora̧jui cachö plata tto'ina, to̧hua̧'ca̧tto̧'ina jua̧tanö broncetto'ina ¹¹ Ruhuä Davidmä piyȩ körajui caȩpö̧ ija̧na̧pao jina'a ia̧na̧ hua̧romä juau̧cu̧ta̧ plata pattojueinä tohua̧ca̧ina catoina ttirejȩjapona̧ tti̧'chachapa'o hueättö : Edom'ina, Moab'ina, Amon ttija'ina, Fileisteos, amalec'ina ¹² Sarvia itti,jina'a Abisaimä , edomitasrö dieciocho mil jomȩna̧ cuaicuino̧ pamäro ppa 'caruhuäbottamä. ¹³ Edomnä̧ cura̧ ro̧huä̧cuahuä ttijaro̧mä jȩpa̧ ki̧ninö jua̧tanö catoinä edomitasmä ppa'achina̧tta David umuayotota patti'inä. Ttia̧na̧hua̧ma̧ Davidro iyinö ya'acuta ujurö iyinö koreme i'chomeina ¹⁴ Davidmä Israel cajuiyonä hueinä juao̧mä̧ juȩȩpa̧ri̧nö jua̧ta̧nö itahuiya ttija catoinä ro̧epinö. ¹⁵ Sarvia ittijina'a joabma jua̧u̧mä̧ chinö Josafat umua̧yoto̧ suro̧dou̧ tturuhua̧ jina̧'a̧ , Ahilud ittijina' jua̧u̧ma Isacua hua ttija̧isa jina̧'a̧ ¹⁶ .Ahitab itti jina'a Sadocma, Abimelecmä Abiatar itti jina'a juatomä Diostto'ina ttija̧tto'ina ppa̧da̧ra cuahua̧ ttija̧ji̧na̧'a̧ jua̧tanö Savsa huȩyo̧cua̧ ttija̧i̧sa̧ jina'a ¹⁷ Joiada itti jina'a itti jina'a Benaia kinö cereteos cu'ina jua̧tanö peeleteoscu'ina David ittimomä huina̧to̧ Ruhuä̧ eppayajome jueipoto huȩnȩ kiepa jiacuahua ttija̧ jina'a