¹ Ja̧'hua̧nö̧ ja̧'a̧ Hiram, Tiro ötahuiyä ruhuämä huȩnȩ jiäcuähuä i̧sa̧rö̧ hue'inö Davidrö jiähua pä'ö cedro dauhuiyättö'inä ja̧'hua̧ta̧'a̧nö̧ dauhuiyä adicuä ttö̧ja̧rö̧'i̧nä̧ juhua'atäcu ttoju odehuiyä adicuä ttö̧ja̧rö̧'i̧nä̧, jahuätömä idode aditinätö̧ ja̧u̧ ojusode päi'önä. ² Davidmä huo̧jui̧nö̧ chu̧ru̧hua̧ Israel ttö̧ja̧ ttu̧ru̧hua̧ päi'önä cä'epö u̧huȩnä̧cu̧sä̧ pä'ömä ja̧'hua̧ta̧'a̧nö̧ aditähuä ruhuo hueähuä cä'epö uhueninäcu Israel ttö̧ja̧rö̧ adihuomenä. ³ Jerusalénttömä Davidmä irecu̧qmö̧ recuätörö ȩmi̧nö̧ ja̧'hua̧nö̧ ja̧'a̧ttö̧ recuätö i̧tti̧mö̧rö̧ ku̧nä̧ri̧nö̧ u̧mö̧tö̧rö̧'i̧nä̧ nä̧tö̧rö̧'i̧nä̧. ⁴ Pi̧yȩ ji̧na̧'a̧ i̧tti̧mö̧ juhuorö uhuäpächinä̧tö̧ tti̧mi̧mä̧ Israel ttö̧ja̧ ttidepiyuttö Samúa'inä, Sobab'inä, Natán'inä, Salomón'inä , ⁵ Ibhar'inä, Elisúa'inä, Elpelet'inä, ⁶ Noga'inä, Nefeg'inä, Jafía'inä, ⁷ Elisama'inä, Belliada ja̧'hua̧ta̧'a̧nö̧ Elifet'i̧nä̧. ⁸ Täcö filisteoamä ä̧ju̧cui̧nä̧tö̧ Davidmä uruhuo cä'epö ttö̧huȩnä̧cu̧ pä'ö Israel rȩjȩnä̧mä̧ jahuätö o'catoi'önä Davidrö usu 'chi̧nä̧tö̧, ja̧'hua̧nö̧ ja̧'a̧ David ä̧ju̧cui̧nö̧ jahuätö ttötö'cö ja̧'hua̧nö̧ jä̧cu̧ jueönä 'chinö jahuätörö urohuähua pä'ö. ⁹ Filisteos ichinätö ja̧'hua̧nö̧ ja̧'a̧ttö̧ Refain möä'ca ka̧cu̧ jȩpö̧ icuinätö̧. ¹⁰ Ja̧'hua̧nö̧ ja̧'a̧ David Diosrö jä'epinö ppädarö pä'ö. Ja̧u̧mä̧ pä'inö ¿Tocu jȩpö̧ rohuäu tticu'anö huotöttö filisteosmä? ¿Ttö chumönätä̧ cui̧yä̧cua̧jä̧ jahuätörömä Ttu̧ru̧hua̧mä̧ pä'inö: rohuähui ucu cumönä chiyäcujä̧. ¹¹ Ja̧'hua̧nö̧ ja̧'a̧ttö̧ rohuähuinätö̧ Baal perazim pättome jubö päi'önä juhuorötä si'epö icuinäu̧, juorö pä'inö: Ja̧u̧mä̧ pä'inö chu̧ru̧hua̧mä̧ ttö chumönätä̧ jjuruhuönä jȩpä̧ji̧ chaboiyotörö ajiya pä̧i̧cu̧nä̧ huerächa'a jä̧'i̧nö̧'a̧nö̧ ja̧'hua̧nö̧ ja̧'a̧ttö̧ juȩnȩmä̧ i̧mi̧mä̧ Perazim pä'ö o'inätö̧. ¹² Ja̧'hua̧nö̧ ja̧'a̧ filisteosmä cä'ädinätö̧ ttö̧ä̧nä̧huo̧tö̧rö̧'i̧nä̧ ja̧'hua̧nö̧ ja̧'a̧ David hue'inö ku tticua pä'ö. ¹³ Ja̧'hua̧nö̧ ja̧'a̧ filisteos ya'acutä jȩpä̧'chu̧ icuinätö̧. ¹⁴ Ja̧'hua̧nö̧ ja̧'a̧ttö̧ Davidmä Dios ppädarö pä'ö jä'epinö pä'äjita'anö Dios pä'inö ja̧u̧ru̧ "Ttä'cacumä tturohuähuö juiyö'anö ja̧'a̧, ja̧'hua̧nö̧ jö̧ttö̧mä̧ ttotepö'anö ja̧'a̧ taboja'anätä̧ ja̧'hua̧nö̧ ja̧'a̧ttö̧ tätucui jahuätö ttö̧jo̧mȩ Bálsamo de'a i̧sä̧sa̧ jacuänä. ^{15 16 17} Ja̧'hua̧nö̧ ja̧'a̧ rä̧mi̧pa̧'a̧ cuä̧ju̧cuo̧mȩnä̧ kä̧rö̧'coppa icha'a jä̧'i̧nö̧'a̧nö̧ jö̧nä̧ dauhuiyä ju'tä päjuriyä Bálsamo de'a i̧sä̧sa̧ ja̧'hua̧nö̧ jö̧ttö̧mä̧ cujurucu rähuähui.