¹ Ja̧u̧nö O'cä'a Israel ttö̧jä̧mä chi̧nätö David ö̧ja̧cu̧ ja̧'hua̧ta̧nö Hebróninä päi'nö: topätucui ujutumä ucutä cuä'huäruhuä'ä̧. ² jareönä huäopä'ättöja̧, Saúl ruhuo hueinö pä̧'ä̧nä̧ ujuturu, Ucu ji̧nä̧'ä̧ I̧sraelttö su̧ro̧do̧u̧ru̧ hueinömä. Cuä'änähuä Diosmä pä'äji: 'Ucumä ttö chumuhuä yottörö 'I̧sraelttöjä̧rö̧ 'tä̧huä̧rä̧huä̧'ä̧ Ja̧'hua̧tä̧nö pä'äjitä̧'a̧nö ruhuä̧'ä̧ ju̧nä huehuä'cuä'ä ttö chumuhuäyottö Israel ttö̧jä̧rö̧. ³ O'cätoi'ömä Ötacuiyä ttö̧jä̧ ttöruhuottömä päi'önä huottömä ruhuä Hebrónröinä ja̧hua̧tä̧'ä̧nö Davidruinä ruhuä jö̧nä huenettö jȩpi̧nättö jahuätörömä TÖ̧Ä̧NÄ̧HUÄ ä'cä'ä jö̧me. ja'huätömä I̧srael ru̧huä̧ jö̧nä 'cä̧ȩpö̧ 'cö̧ninätö̧. pä̧'ä̧nötä̧, ji̧nä'ä̧ TÖ̧Ä̧NÄ̧HUÄ i̧huȩnȩ jä̧i̧mä Samuelrö̧ uhuocuäjimä isopäi'ömätä jinä'ä. ⁴ Davidcumä Israel ttö̧jä̧ O'cätoi'önä 'chi̧nättö̧ Jerusalénrä̧ ( däjettö̧ , Jebúsj). juä'ä̧ rȩjȩnä 'cä̧hui̧nätö Jebuseosmä juenetä 'cä̧hui̧nätö̧. ⁵ Jebús ttö̧jä̧mä päi'nätö Davidrömä: '' po'omä icho'cö. '' Ja̧'hua̧nö ja̧'a̧ Davidmä ujurujö̧nätä ȩminö Siónttömä. juenemä David idepiyu jinä̧'ä̧. ⁶ David pä'äjimä:'' ya̧tȩ ä̧huömenä Jebuseos röhuäcu ä̧huä̧'ä̧ ttö̧ru̧huä̧ päi'önä jä̧huä̧'ä̧mä.''Ja̧'hua̧'a̧nötä Sarvia i̧tti̧ Joabmä ä̧huö̧menä rohuä huo 'chinö ja̧'huä̧nö ja̧'a̧ttö̧ ttö̧ru̧huä̧ päi'önä ttojuninäcö̧. ⁷ Ja̧u̧nö O'cä'amä Davidmä juenätä 'kiyunä kä̧mädi̧nö Ja̧'hua̧nö ja̧'a̧ttö̧ juenemä oinättö David idepiyu pä'ö. ⁸ Ja̧u̧mä pä'äjitä̧'a̧nö jareächi'önä aditinö milo Ötahuiyättö jayänä 'töehuä'cä'abu kä'ädu. Joab aditinö pä̧'a̧ ji̧tä̧'ä̧nö jareächiönä juene Ötahuiyämä. ⁹ Davidmä pä̧'ä̧ ji̧tä̧'a̧nö yabonötä uruhuomä röȩchi̧nä'ä yabonötä̧ jahua'amä TÖ̧Ä̧NÄ̧HUÄ̧MÄ ja̧u̧täcuö̧ ö̧'ä̧ttö̧. ¹⁰ Pittö jinä'ä̧ Davidrö ppä'ädättömä uruhuo jai̧ i̧jȩhuä̧cu̧chu̧nä ki'opättömä ji̧nä yo̧metȩnätä̧ O'cä'atoi'önätä Israelttö̧jä̧mä. Ru̧huä̧ jö̧nä jȩpi̧nättömä. Israel ttö̧jä̧ TÖ̧Ä̧NÄ̧HUÄ̧ i̧huȩne uhuottönö jȩ'tö̧menämä. ¹¹ Pittö jina'a̧ su̧ro̧dö̧'ömä David umuhuä yottömä: Hacmoni, i̧tti̧ Jasobeammä treintanö juotttö ttö̧ru̧huä̧ ji̧na'a̧. Ja̧u̧mä trescientosnö huöttörö cuä'ähuö icuinö ja̧unömäpä̧nä̧mä dahuodänä. ¹² Ja̧u̧nö O'cä'amä Dodo I̧tti̧ Eleazar ji̧na'a̧ Ja̧u̧ Ahohitamä ya̧tȩ ji̧na'a̧ u̧mätö̧ttö̧ cuämettö̧cuättö jö̧ru̧huä̧mä. ¹³ Ja̧u̧mä ki̧nö Davidcu Pasdamim,nä. ja̧'hua̧ta̧'a̧nö juenetä 'cä̧cä̧huinätö O'cätoi'önä ji̧nä yo̧metȩ päi'ö ttörohuä pä'ömä Filisteosmä. yȩtȩtȩ ku̧nä̧huä̧ 'cä̧huome Su̧ro̧do̧'ö̧ttö̧mä diehuächinättö̧ filisteos ttömä. Ja'huätömä juenetä kä'cö kämädi̧nätö. ¹⁴ Ja̧'hua̧nö jȩpö röhuähuotä 'toehuinätö filisteosttömä Jahua'amä TÖ̧Ä̧NÄ̧HU̧ÄTÄ ttö̧ji̧pu̧nä jȩi̧nä'ö ttörohuähuomettö̧mä. ¹⁵ Ja̧unö,O'cä'a treinta juä'ättö ttöruhuottöttömä huämettö cuätä meyȩhui̧nätö i̧nähuäcumä David ö̧jo̧me'cö̧mä, Adulam idoräcumä. Filisteosttö ttö̧jä̧ttö̧ suro̧do̧'ö̧mä Refaim päroppä'ä päi'omä daja'ahuächu kähui̧nätö. ¹⁶ Ja̧unö pä̧nämä Davidmä ujuru ki̧na'a̧, juȩne idoränämä, Filisteosmä juenetä 'tä'äbaränä Belén ttö̧jo̧ huä̧'a̧nä. ¹⁷ Davidmä ajiya ahuä'a adi̧ri̧chi̧näcö̧ päi'nö: ''¡Belénnä kä̧ju ajiya ahuäjuttö ya̧tȩ chahuä'a pä'ö i̧yuttömä, Reju apate'kä'ä käjuttö!'' ¹⁸ Ja̧'hua̧nö ja̧'a̧ ö̧mättö̧ huämettöhuä juruhuättömä doächinättö Filisteos sö̧rö̧dö̧u̧ päi'ö ja̧'hua̧nö päi'ö ajiyamä ȩminätö Belénnä 'cäjuttömä rejuttömä, apate'kä käjuttö. Ja'huätömä ahuinätö ajiyamä Davidrönä'ä ȩpö̧ i̧chi̧nä̧ttö̧, Ja̧'hua̧nö ja̧'a̧nä ja̧umä ahuä pä'o kupinö. ja̧'hua̧nö ja̧'a̧nä TÖ̧Ä̧NÄ̧HUÄRÖ̧TÄ̧ daepinö. ¹⁹ Päinö ja̧unö O'ca'a: ''TÖ̧Ä̧NÄ̧HUÄ̧, pi̧yȩttö̧mä chuttö'kuhuächichunä jȩpi̧ttö̧, ja̧'ö̧ chahuä pä'ömä, ¿ Usurä huemä huä'amä huäjua'anö ttö̧jo̧sa̧ uhuäjanä'ä̧? '' ja'hua'amä juättö usurä ttemähueä'attö, ja̧u̧mä ahuo'ku pinö, pi̧yȩ jähuämä umättö̧ huämetöhuä juruhuättö jȩtti̧nö ja̧'a̧. ²⁰ Joab, ijä̧huä̧'ä̧ Abisaimä huämettöcuä cuä'ättöttö ttö̧ru̧huä̧ ji̧na'ä̧. yautenämä ödahuodänä huä'ä ju ihuinä trescientonö huottö umätö̧rö̧. ja̧umä huämetö uhuohuätö ppä'ächi'inö. ²¹ huämetö huotötömä , ja̧urömä todärenä ichinätö̧ uruhuomä tö̧ru̧huä̧ jö̧nä päi'inö. Ja̧u̧mä jua'ätö isa̧mä jo̧'cä̧'ä̧nä̧. ²² Joiada i̧tti̧ Benaiamä ya̧tȩ ju̧ro̧huä̧ ji̧na'a̧ rö̧ȩi̧nä jȩpi̧nö. Ja̧umä huä'ö icuinö Ariel i̧tti̧mötö ta̧ju̧rö̧ Moabtömä. Ja̧hua̧ta̧nö ja̧u̧mä ja̧'hua̧ta̧nö reju jahuä'änä meyȩ ju̧ huä̧'ä̧juihuinö Leóntö rönä ji̧nä tähuä'a abo ttia̧'a̧nä̧. Ja̧'hua̧ta̧nö egipcio ttö̧jö̧sa̧rö̧nä huä'ö ihuinö, ya̧tȩ ö'otomä ji̧mötȩjä̧ ttö̧chö̧'cä̧ri̧jo̧me huinö. ²³ ja̧'ö egipciomä ödahuodä'änä 'kunäri̧nö isö̧quȩ kä'conö'cähuoquȩ jä̧i̧ya̧'a̧nö jönä ja̧'hua̧nö ja̧'a̧nä ja̧umä ii̧so̧'quȩ yo̧'quȩtȩnätä rohuäjuinö. Egipcio ucurä' chu u̧mö̧tö̧ 'cho̧i̧po'ö huä'ö ihuinö chutä ucurä'chunä,. ²⁴ Joiada Itti̧ Benaiamä bärehuö jähuä jȩpi̧nö, Ja̧'hua̧nö ja̧'a̧ttö huämetö huä'ätö juruhuätö tötinäcö̧. ²⁵ Ja̧umä O'cätoi'önätä töhuojuinäcö̧ treinta huä'atöttömä So̧ro̧do̧'ö̧ töruhuotö. Ja̧'hua̧nö ja̧'a̧nä ja̧umä ttieruhuinäcu röȩi̧nä ttö̧huä̧menä huä̧ pä'ömä juä'ättö huämetöuä jö̧'ä̧nömä su̧ro̧do̧u̧ jö̧'a̧nömä. ja̧'hua̧nö ja̧'a̧nä Davidmä ujuninäcu̧ aditähuämä 'tä̧huä̧rä̧hu̧ä i̧sa̧ jö̧nätä, ²⁶ Joab a̧huä̧ru̧huä̧ Asael isotö ji̧na'a̧ rohuäu juruhuätömä, ja̧u̧mä̧ Dodo i̧tti̧ Elhanan Belén ttö̧ja̧sa̧ ji̧na̧'a̧, ²⁷ ja̧'hua̧ta̧'a̧nö̧ Samot harod ttö̧ja̧sa̧'i̧nä̧, Heles pelon ttö̧ja̧sa̧'i̧nä̧, ²⁸ Iques i̧tti̧ Ira teco ttö̧ja̧sa̧, anatot ttö̧ja̧sa̧ Abiezer, ²⁹ husat ttö̧ja̧sa̧ Sibecai, ahottö̧ja̧sa̧ Ilai, ³⁰ netofat ttö̧ja̧sa̧ Maharai, Baana i̧tti̧ Heled netofat tö̧ja̧sa̧, ³¹ Ribai i̧tti̧ Itai Guibeá ttö̧ja̧sa̧ Benjamín ahuaruhuä isotö i̧sa̧, piraton ttö̧ja̧sa̧ Benaía, ³² arroyos de Gaas ttö̧ja̧sa̧ Hurai, arbat ttö̧ja̧sa̧ Abiel, ³³ barhum ttö̧ja̧sa̧ Azmavet, saalbon ttö̧ja̧sa̧ Eliaba, ³⁴ Gizon ttö̧ja̧sa̧ Hasem i̧tti̧mö̧, Sage i̧tti̧ Jonatán arar ttö̧ja̧sa̧, ³⁵ Sacar i̧tti̧ Ahíam arar ttö̧ja̧sa̧, Ur i̧tti̧ Elifal, ³⁶ meguerat ttö̧ja̧sa̧ Hefer, pelon ttö̧ja̧sa̧ Ahías, ³⁷ carmel ttö̧ja̧sa̧ Hezro, Ezbai i̧tti̧ Naarai, ³⁸ Natán i̧jä̧hua̧ Joel, Hagrai i̧tti̧ Mibhar, ³⁹ amon ttö̧ja̧sa̧ Selec, beerot ttö̧ja̧sa̧ Naharai (Tta̧huä̧rä̧cuä̧huä̧ i̧sa̧ Sarvia Joab itti), ⁴⁰ itrita ttö̧ja̧sa̧ Ira, itrita tö̧ja̧sa̧ Gareb, ⁴¹ hitita tö̧ja̧sa̧ Urías, Ahlai i̧tti̧ Zabad, ⁴² ruben ttä̧ja̧sa̧ Siza Adina i̧tti̧ (rubenitattö ttu̧ru̧hua̧) ja̧'hua̧ta̧'a̧nö̧ ja'huätöttömä 30nö, ⁴³ Maaca i̧tti̧ Hanan, ja̧'hua̧ta̧'a̧nö̧ mitn ttö̧ja̧sa̧ Josafat'i̧nä̧, ⁴⁴ astarot ttö̧ja̧sa̧ Uzías, Sama ja̧'hua̧ta̧'a̧nö̧ Jeheil aroer ttö̧ja̧sa̧ Hotam i̧tti̧mö̧ ji̧na̧'a̧, ⁴⁵ Simri i̧tti̧ Jediael, Joha (i̧jä̧hua̧ tizi ttö̧ja̧sa̧), ⁴⁶ mahav ttö̧ja̧sa̧ Eliel, Jerebai ja̧'hua̧ta̧'a̧nö̧ Josavía Elnaam i̧tti̧mö̧, moab ttö̧ja̧sa̧ Itm, ⁴⁷ Eliel'i̧nä̧ Obed'i̧nä̧ ja̧'hua̧ta̧'a̧nö̧ mesoba ttö̧ja̧sa̧ Jaasiel'i̧nä̧.