¹ Jlitaitacadanta linaitacacawa uuni jliaji nowidaa, nite nooti nootiafia yarrucawa jlico! nuiyacarrunta jalewerico depiite nanaaco napji mayanperi noyacajleta. ² Cucaanta iitaita yaaca nufetacarrudawa nuemanicadanoco jalapocurrico, nocadacarunta noyacajle. nuenaa carontaa nauya, iima nanaitaca matsi piomi nadakisho, imanietacacape catsana. ³ Jlicaite jliaji waminali: caicaa jliaji nenine nashaa isho payawitashopa icasho, currim nacaidatacao jlinaco jliaji ajadajli jaledaucajlico. Nanaita mincatsa matsidajli. Currim naoma nua jliaco jaminali. ⁴ Iwapacacao jiwacawacatsa ikitsinda iuyaa, nite currim icadaaca icaojlewa jlinaco. Ima nacuaana cashaca napji ikitsiñape, nemanica ishati yapiya. ⁵ Nite nacashatetaca nacuaana napji yufacape nacodapi currim padacaa icaite matsiadajli. caidajlitsa nacashataca neninee ishoo. caidajlitsa nawaopiaca nanaitaca matsi. ⁶ Jliaji naufacawa camitsa ishati nini; nashaa ima currim naomaca nuaa, cai jliaco waminajli. ⁷ Cai jliaco naminajli napji tsolodaunai: "icapa, panayaotsa nuatacana nite nocadawatsa nacapa, ¿cucanta nonaita, nanaitanda ima napji nunaikite? ⁸ Cai jliaji nenineta patudashopa kemafisho; pacamica ishati ishona. nanumasho namawadaketa nakitsinda, mitsa nacaojlericuite nacashataca. ⁹ ¿Capaanta curica nutaita nocadaca nacapa jlima jliaji nanaitajli? cai jliaco waminajli. caidajli yacajleca ¿curinta nurrapitecani? ¹⁰ Nucanta watsa pada cancion inonadajli nite nuiyawatsa jipana inaco, juredajli inunaketi watsa apji jalapocujlirico. currim watsa cucaaca jiyapawa nini. curiwatsa namicaa vaca shemataca. napitucawa tecojle napji wipiarro nite natsaca maficajlinape. ¹¹ Nini watsa nuwayaketa jliaji Jerusalen, nadawacacaruda jlicowatsa napji mawicajlinape kerruanipe. nucadacawatsa maminajlina jliaji yacajle Juda. ¹² ¿cucaa ashia canikedajli itaitacada yanica jlinacuapana jliaji? ¿cucaa jliaji caacu jlinumalicuite wamanajli, jlicaitacarro cuanshopacani? ¿cucaa ima jliwayaketa jaledauca nite jliofacawa maminajlina currin cucaa iyapawa nini? ¹³ Cai jliaco waminajli: icadacapua nudanandapia, jliaji nucadanda irso, curim nemica nuaco curim yacawa jlirico. ¹⁴ Ima nanicawa nafaopiakesho midajlitsa nite nanicawa nadiote inai caiji nanirrinai icanatacapisho nanaita. ¹⁵ Nini watsa, naminajli napji tsoludaunai, Israel Idiote, jliaco: jliaji yacajle nuacaotsa jliña ajenjo nite jlirawa imanitia. ¹⁶ Nite watsa paitapena nucadacana yacajle icuan curidajli nacapapia, curim nacapani curim tsaca naferrinaipeca. numenaca watsa nuirua naicaujle nuwayaketa watsana piomi ¹⁷ Tsojlodaunai itajlicana icaaite caipji: piwaopia jliaji: iiwana napji icantacape mayandajli naco; icada nanocarro. yumanii inaitepe ikitsidatacape coyujlecadanaco; icada nanoo. ¹⁸ Pikeyapitacana nacantacarro cancion coyujlecatinacoda warso, watiafia yarucaroo watiricuite nite watimacaya ricuite uuni imutucawa. ¹⁹ Nini jliaji rimaojlen kemacani jliocawa Sion ricojle: cuani nawayaketacafa. jurredajli capaimanaca waicao. Imaa wamacaca jliaji wayacajle napecocadanaco pia wapana jiwao. ²⁰ Shiaa inaitepe jimica waminajli yacoo; iwaapa jimii jliaji yacuti jlimotuetari jlinomaricuite. Icananta napji itunaipe jlinaco cancion coyujlecatinaco, nite napji tsumipe yufaca icodapi icanantana jlinaco cancion mayandajlin nacodajli. ²¹ Ima jlinoca jliaji mayancajli wawentanan nacuite; jliewacao itajlicanati dapanarico. jliwayaketacaro napji yenpetipe pantinomajlepe, nite ashianai yenpetiapape yacajlecuaperi. ²² Picaite jliaji: cai jliaco jliaji waminajli nadakipen napji ashianai mayanperin nawacaotsawa ishatipensho wacadajlico, nite caicanaji jlipari shoo jliaji canaa napananda, curim cucaa iniwacaroni. ²³ Cai jliaco waminajli: manatsa ripadajletacacawa jliaji cayecadajli, curim tsaca jliacani caideete. manatsaca ripadajletacacawa jliaji cananidajli. ²⁴ Ima apaada ipadajletacacadawa cucaa danacoca, matsia jlinaco canta jliaji: jliomapaca jlianicaro nonacuapana. Dioca nuua, kenadajli icapaca irso, jinaitacada matsiadajli jajledaucarico. catsa deca numajli inai jliaco waminajli. ²⁵ Icapa, jlinokenaa watsa jliawari jejledauca jliaco jliaji waminajli nurapitetaca watsa piomi napji nacircuncidani natsaca napji curipetua nacircuncida. ²⁶ Norapiteta watsa napji Egipto nite Juda, Edom, Amon tsaca, Moab piomi napji yacajle iyuacape itsicojle medacajletsa. Ima piomi napji yacajle incircuncisocana, piomi napji yufacape Israel riico nacaojlericuiete incircuncisocana.