¹ Jimica jliaco jliaji waminajli jlicaiteca inacuapana, shia yufacape Israel riico. ² Cai jliaco waminajli: maomatsa pianica nanipote yapowana napji yacajle, curim tsaca pifiowa naiwana napji picapajli eeno yecuete, ima icatsa nafiojlica iwanaa napji Jejledaucaricope ³ Ima midajlitsa nacadaca nacaojlewa nanacowaca napji naiki. Ima nayuaca jaico wacadajlico, jliaji idejicada tabla sho jlitaca nite ⁴ Nite, namatsietacani pajlatanasho owiiro shoo tsaca. nañaca tapaoshoni taimi caaro jliemacao wade jliawacao ⁵ Jliaji nanaitajli nacapisho midajlicatsani, curica jlitaita cacucani curim tsaca jlitaitaca jliemanicawa nasrotsa naparadacani.curim tsaca cucacaa ifiowa jliwana, imaa curica jlitaita jlimatsicaca pada irso, curim matsaidajliketsa jlitaita jlinaitaca ima curim caidadajlicani. ⁶ Curim pacapaca caidajli picasho pia, nominajli. Caidadajlica pia, nite matsiadajlica jliaji pipitana piomi jajledaucarico. ⁷ ¿Cucaa mafiocanta icapaca pia jipai iminajli? ima camicatsa pia pafionda iwana, curim pacapa apada caidajli picasho canikedajli apji piomi jajledaucarico ⁸ Piomi pacuacacana, manicaperricana nite macadaperitsa cacucaa napiyawaca, nanicawa nadiote jaiconape shapodan ⁹ Nadecaotsa pajlata witimiperitsa Tarsi ricuite, nite owiroo Ufaz ricuite nanaitandetsa napji idenicape owirosho. jipojlepeca natsayani nite irraisha. nanaitandacani napji ashianai canikeperi ¹⁰ Mitsa camitsa ajadajlica jliaji waminajli Dio. jliacatsa Dio cafidajli itajlicanatacada caidajliwetsa. nafioca jliwana napji jajledauca jlicoperi, curim nataitaca nemaca jlirua icuete ¹¹ Picaitewatsa nasro caiji: napji idiote curim nanaitaca eeno curimtsaca jajledauca, nañacaotsawa jipainacuite piomi eeno yapite tsaca. ¹² Ima jliacatsa waminajli jinaita eeno piomi jipai jlidasho, jlinaitaca jajledauca jlianike shoo, nite jlimeccucaa eeno jlianikesho ¹³ Jliaco ishoo jlimotuetaca uuni josredajli eenojlico, jliretaca itamana jipai inacuite. jlicadaca eeno iperroca iyacaruni nite jlimeca caojli imutowa jiarudajlicute ¹⁴ Piomi napji ashianai curim cucaaca jliaji nanikejri. manicaperricana. Piomi napji idenicape owirrosho jlipaimanieta caotsana jliaji nadiote. Ima midajlicatsa jliaji nanaitajli; curim narso jliaji Espiritu ¹⁵ Miperricana, nadenica micapandajlitsa; jliwayake tawatsana jlirrapitetawericona. ¹⁶ curritsa caica jliyarruwajle jliaji Jacob, ima jliaca inaitacada piomi napji pacapajli. jlienipenaca napji Israel; naminajli canii ¹⁷ Iniwaca piomi napji inani nite iimacacarro jliaji jipaite, shiaa yacajlericoperi, piomi shiaa yufacape corarajlico. ¹⁸ Ima, cai jliaco waminajli. Icapa, tsomitsa nopecocarro napji anaikinai ajaite apji jipainacoite. Nite watsa nocadaotsa narapita, nanicaotsa cuamica jliaji caiwidajli ¹⁹ ¡Kenadajlica nuaa, jlicaote jliaji cayaonidajlica nua caiwidajli. Nite nuaco: ajadajli, jliaji irrenati nuyadacani, norsotsa narapitacani ²⁰ Jliwacao jliaji nopanaita piomi napji adapica nopapishopani mojtomicana yamemape. opii nadeca tecojle nooya napji nuenipe, nini curitsa pacapacana noinai. curitsa cucaa noinai jiretacauda nopanaita yemawaa o jiretacadawa nocortinan. ²¹ Ima napji pastornai napadajletacacawa, curim naomaca jliaji waminajli; nini curim coamica nacarro napeyajlewa, nite piomi napji napanii paitapenaca nanicawa. ²² Nini pemica jliacona: ¡icapa! cananiwatsa jipai jlicaotsa inarsuemete nite jliwayaketaca watsa piomi napji yacajle Juda riicope, nadawacarua piwa napji mawicajlinape kerruape. ²³ Noanitsa, nominajli, jliaji ashia curim iniipo iminajlica. curim apada ashia iemanicadawa jliemanica jliwacatsa. ²⁴ Pirrapiteta nuaa, nominajli pimatsiacasho, curim piruajlicoca, wadecanta piwayaetaca nuaa. ²⁵ Picada pirrua iaruwa nanaco napji yacajle curiperi yumaca pia nite tsaca nanaco napji inaii curipe itataca pipitanaco. Ima nawayaketa piomi jliofacawapia jliaji Jacob.