¹ Waminajli yacoo inooca Jeremias iderse, cai jliaco: ² Pimica jliaji yacuti fanaitanda wapiyawaca, picaite narsoni piomi napji ashianai Juda jlicoperi nite narso tsaca napji yuwacape Jerusalen jlico. ³ Picaiteca narso caiji: cai jliaco jliaji waminajli, Israel Idiote: macadawajlica jliaji curidajli shepaca jliaji yacuti fainewacadajli. ⁴ Jliaji yacuti nonanda nanaitaca napji waferrinaipe jliawaripia jajledauca nomanacotawerrico jliaji Egipto, pamaitacaroda shipajla ricuite.cai noaco: jimica jliaji nuaco shepacani nite jinaitaca piomi jliaji nonajli jinaitaca, nini watsa nonaikiteca shia nite Idiote watsa nua. ⁵ Shepacani notaitacaro nonaitaca irso caiji nonaitaca pishoo yacuti napiyaa napji opiime, nocaitecana noacarro narso jipai jusrecawa leche nite mapaa tsaca, apji yufajli nini panishete. nite nua Jeremias, nuepacani: ajadajli nominajli ⁶ Cai jliaco norso jliaji nominajli: picaite narso jliaji yacuti piomi narso napji yacajle yufacape Juda riico nite Jerusalen riicotsaca: jimiica jliaji yacuti nocadanda irso nite jinaitaca cai nocaitecani. ⁷ Ima, nocaiteca papiatsa napji waferinaipe jliawaripia jajledauca nomanaco tacadanacona Egipto ricuite paanasheetetsa nocaitecana namicarro norso nite nemicarro tsaca jliaji noaco. ⁸ Curim cadeca nawapaaca namiiwa curica cuadawa narso nua. Icamitsa nanicawa manicaatsa nacadaca nacaojlewa nanacowaca. Nini watsa norrapitetaacana jlima jliaji yacuti nocadajli narso. ima curim nepacani. ⁹ Nite jiaco norso jliaji nominajli: ima napji ashianai Juda nite Jerusalen riicupe noanica naomaca nemaca nocuete. ¹⁰ Opiica nanaita matsi caipji nanaitacapisho pia matsi napji waferrinaipe, ima curipia nemica noaco, naoma nemica nadiote irso nanica jjliapodan nacarro matsaidajli jlirso. namepataca noaco napji yufacape Juda nite Jerusalen riicupe jliaji yacuti nocadandapia narso napji oopime. ¹¹ Ninitsa, cai jliaco jliaji waminajli: icaapa yuyawaa nodecaotsa icaojle jliaji matsidajli, jliawatsa jliaji curidajli itaitaca ipiitucaa iuya. Nite nawanataotsa nuaa, curim watsa nomicaa narso nawanawerico. ¹² Nawatsa napji naiki yufacape yacajlerico Juda nite Jerusalen riicope naaniwatsawa nadiote shaponda jliaji nanda irso ofrenda, mitsa curim watsa namanacotacana matsijli yucawerrico naicaojle. ¹³ Ima, caaica namaica itaoñacawa napji idiote Juda iyacajlefepe icayoosho. Nite shiaaa Jerusalen jinaitaca jursedajli napji nacarooda mashiadajli nadiote capaimanaperri irso, cai nacayosho napji inipocape. ¹⁴ Nini pia Jeremias, matatatsa noipitanaco nanaco napji jliricoperi jliaji yacajle. curim pitaitaca pitataca nanaco noinai, ima curim watsa nomiica narso nayapawerico matsi ¹⁵ ¿Ima nupeyondaca joorse, jliaji irsojli jorsedajli iwaopiake matsidajli, nocueete? jliaji nainonda mawicajli curiica jlitaita jlikitsindataca pia. picatimatacawa nashoo napji matsipe pinaitaca. ¹⁶ Oopipia waminajli yaanicapia jaicona olivo catimanani matsiani inaaca. Mitsa jlimaita watsani tiyee kerradajlisho kemawatsani caiji eenoajlisho: tocoomi watsa napji jlikinape. ¹⁷ Ima jliaji tsojlodanai iminaajli, jliaji yapanacaitaa pia jlicaiteca pinacoapana matsidajli yucaawatsa inaco imatsicana imaa shiaa Israel riicope nite Juda tsacaa jimepatacapoa jliaji nocaitejli, ikeruataca nuaa yacapuaa ofrenda Baal irsoo. ¹⁸ Nominajli icañataca nocaapa jliaji, nini noanica cuamishopacani. Pia nominajli, picaadaca nocaapa jliaji namatsicana. ¹⁹ Cai piaaca nuapji nadecani cordero tsoni nainocaroni. Curim pia nuanicaa nawaopiaca nainocarro nuaa nacaitecaa: icaada waoocaa jliaji jaicona piomi jlinaca yapiiya! icadaa wayuacani jipainacoite naofacawa napji cafiperri curicaruetsa coancaojli nawaopiani. ²⁰ Mitsa, jliaji naminajli napji tsojlodaunai inaitacadacani matsia jliaji nawaopiae piomi nacaojle riico. nocapaotsa cuamicaa piomaca picuadawa, ima nocapaaca cuamica jliaji payapajliwa. ²¹ Nini, cai jliaco jliaji waminajli jlinacuapana jliaji Anatot napji yaniicape iomaa inooca pia: cai nacoaji: curim pitaitaca pinoparrotaca jlipitananaco jliaji Dio, curim caarro mañamica pia apji wacapirrico ²² Nite jliaco tesenaca jliaji naminajli napji tsojludaunai jliaco. Icaapa, nocaada waatsa narapitaca mayamiotsa matsetaitasho napji nayenpetitee. mayaami watsa jlienipe inaroo ashianai mawitacaisho. ²³ Curim watsa apaadaca cafiica nanacoite, ima nocadacaotsa narapiita jlima jliaji Anatot, paada jamojli.