¹ Matsiadajli pia, nominajli, nonowerico nocoitaca piapiiya. Mitsa nocaite watsa pimicaro cuanshopaca jliaji juiiwi cacopeeca nua. ¿cuaada catima nanicawa napji matsiperri? piomii napji inaiki imatadacape matsia naofacawa cananipericana ² Pinaitanicana nite capajlicana; nataoñawa cainacacana. shomicatsa pia nanooma iuyaa, mitsa teeco nacaojle iuyaa. ³ Mitsa pia nominajli, pianica cuandajlica nuaa. picaapaca nuaa pianica cuanica jliaji nowaopiake pinaco. Pidecani caipji ovejanai nainoapetso, nite pienitacani jliawari nainocani! ⁴ ¿Cuancaojli penaotsa yaamica meetaca jliaji uuni, nite jiwiriica napji jaiconape wacadajli coperri namatsicana ima napji naikinai? mawicajlinape wipiarro nadeecana teecojle. Ajadajli, nacaite napji naikinai: curim Dio yanica cuamicaotsa fayapacawa. ⁵ Cai jliaco waminajli: ajadajli pia Jeremias, piecokenawa caipji tsojlodao shecocaniwa jlipasho nite namatsicaca pia, ¿cuanitsacanta piwiacaca caballo yapiiya? piwacadantawa patsimidajlinaco, ¿cuanitsacanta pinaitaca apji majlitsidariico jliteecoca jliaji Jordan? ⁶ Ninitsanta napji pipenai nite pinirri ikitsiñape imanietaca piaa nite nacaiteca piacona caconaape irso. mepaatsana, ninitsa nacaiteca pirso matsiape yacooti ⁷ Oopi nocaadaca nopana, nomaacaca napji noriicoca. nocadaacani noyacajleta nopeyonda irso nacapiriico napji jipondatacapena. ⁸ Piomi napji nonani noriicoca napadamaaca norso caiji leonsho yufacaniwa kedacaawa riico; cai roofacawa nocuema shoo roaaco imatsa. nini maatsi nocaapaca rorso. ⁹ ¿Curim pipadametaca jliaji nopeyonda nonani caiji wipiarro camanshandajli shoo, nanocarro napji jawa shope roocuete caitecatsa? piawaa piwaketaca piomi napji macajlinape wacadeta nite pideca roicaojlewana naiñacaroono. ¹⁰ Joreedajli napji pastornai namatsicaca jliaji uvapii. napoetaca piomi jliaji nopaitee; napadametcaca jliai nocatimata cacaroodajlico, namaminajli naweriico ¹¹ Nanaitacani maminajinadarisho. kenaa nocaapaca jlirso, maminajlinacani, piomi jliaji jipai mamianajlinacani, curim apaadaca iwaopiacani, ¹² Nanooca caitecatsa napji imatsiketacape apji mamina jliwerico, ima waminajli imatsetani iwayaketacana apji pemajlicueta jajledauca jliocatsa pemajle. Curim watsa pacaapaca imawadaketi apaada irso jirsacada icaojlewa. ¹³ Napaanata caana nite naniiwaca dowirrida, mapii nadeniica curim nacapaca jlicuadawa, capaiman watsana nadeninpe icuadasho jliruaa ima jliaji waminajli. ¹⁴ Cai jliaco jliaji waminajli nanaco napji tsomipe yofaca nocodapi, napji matsipeeri jipacape jliaji noajli naniwa napji noenipe Israel riicope : icaapa, panayaotsa nopecaca shiaa apji jipaitenacoite nite tsacaotsa noracaotsa jliaji Juda ipaana apji naofajli nini. ¹⁵ Nite watsa norrawerico piomiina, nodiawatsa kenaa nocapaca narso, nite tsenaca nodietwatsa piomo jliaji nocadapiajli narso, nacuaana watsa jliaji napaite nite nananiotsaca. ¹⁶ Nite watsa canikeacaada naniica cuanica jliaji naofaca napji noyacajleta, nacaitecada ajadajli noipitananaco, cai naco: cafidajlica jliaji waminajli, caiji nacananta capisho nataatacaro Ball inai, nini watsa nocadaca jorsedajli nananiwa nacapacaroatsa napji noyacaljeta. ¹⁷ Curim caada deeca namica, nini watsa nowayaketacana piomi napajlidarico jliaji yacajlepi, nowayaketacaroni, cai jliaco jliaji waminajli.