¹ Cai jliaco norso jliaji waminajli: pia piwentacaro paaca cinta cacuadadajli matsiacai nite pipacani piwajleriic, curim cadeca pietacani uuni riicon. ² Nini nowentaca jliaji cintaca nite noruetacani nowajleriico, cai jlicatecanica nua jliaji waminajli. ³ Nite jlipietaca caacuca yamapiashopa jliaji waminajli, cai jliaco: ⁴ Pipaaca jliaji cinta piwentanica jliaji piwajlericori. pinicoca piemawa piacarro Eufrates nirse. Nite pidawacani apji wotamike riico jipada. ⁵ Nini noacawa nodawacani apji Eufrates riico caiji jlinacani nuua jliaji waminajli. ⁶ Nite aimaa jajledauca shaponda , cai jliaco jliaji waminajli: pinicowa piacaaro tsenacawa Eufrates nirse. pitaaca nite jliaji cinta nonanica pidawapiaca. ⁷ Nini noaca tsenacawa Eufrates riicojle natacaaro jliaji cintaca apji nodawapiajli nirseni. Mitsa oopica jlipawa jlaiji cinta; curim cucaaca icaoya napenatsani. ⁸ Nite jliaco inooca nuicaojle jliaji waminajli, cai jliaco: ⁹ Cai jliaco jliaji waminajli: caiwatsa nowayaketaca jlipadajleca jliaji Juda nite Jerusalen tsaca. ¹⁰ Jliaji yacajle matsidajli, curim jliomaca jlimica noaco, jlianicawa taimidajli jlicaojre yapiiya nacawa nadiote iapodan nacaaro matsiadajli narso nite natoodaca naorsipadawa narso cai watsa napji jlicayosho jliaji cintaca macoadadajli ketsani. ¹¹ Ima caicaniaji apaaca cinta irocanicawa apada ashia iwajleriico sho, cai nowaketaca norsowajlewa napji Israel riicope nite piomi napji Juda riicope tsaca, cai jliaco jliaji waminajli, nomacana nonaikitewana, caconadajlicaaro nua, nacaaro matsiadajli norso. mitsa curim namiica noaco ¹² Nini piirsotsa picaiteca jliaji yacooti narsowajle: waminajli, Israel idiote cai jliaco: apaanape jarra ipacamita watsana vinosho. nite watsa naaco pirso: ¿curim wajica papacamitaca vinoasho napji jarra naape? ¹³ Nini picaitecana: cai jliaco jliaji waminajli: icaapa, panayaotsa nodewaneta napji inaikinai jajledauca jlicoperi, piomi napji caconape yofacape David itajlicanata caarodajlico. sacerdotenai tsaca, inoparotacape tsaca, nite piomi napji yofacape Jerusalen riico. ¹⁴ Nite watsa nomacacana padaape nacoetewaca, pacoaca jliniri jlienipe iapiiya, cai jliaco waminajli; curim watsa kena noocapaca narso, curim tsaca noataca namitsica jliuya jliaji matsiri. ¹⁵ Jimeecoca jinacojlico nite iapaca jimiwa matsia. mapada jletacatsawa, ima cacoca jliaji waminajli. ¹⁶ Iaca matsiadajli waminajli Dio irso jlipeya iwanaca jliaji cadaucadajli, wadetsa itoodaca jipefidawa cadaucaweriico. ima iwapaca jliaji camarrai, mitsa jlipadame taotsa jliaji jejledauca cadaucadajliwa, mayamicawapa. ¹⁷ Nini curim caada jimica jliaji noaco, noiyacaotsa cooyojleriico ipadajleca icaote. notiiafia yarowatsa notiriicoite, ima napji jlinaikite jliaji waminajli oopica capicanacana. ¹⁸ Picaite jlirso jliaji itajlicanati nite jlino irso tsaca. itsodajlitacawa apji iofacawa, ima oopica jliwaca jiwidanacuite jliaji icoronan, ipadajleca ima ¹⁹ Napji yacajle Neguev riicope oopi taimica napananoma, curim padaaca itaitaca jimecocaani. piomi jliaji Juda oopi nadecani narsodajliwa ²⁰ Jireetaca yeecoa nite icapa jliaji inojli inarsuemete. ¿ kerrena napji noani piwapacajlewa, napji pipeyonipepia jorse? ²¹ ¿cuaami watsa Dio icaadaca nanicaroo pinaco napji picanantani pikitsiña pecaroona? ¿caaica napji inaaro initacada caiwica kenipecarono roanica jliaji caiwidajli piomi ioya? ²² Nite, picaitecada picaojleriico ¿cuaadapa cai noyapacaoji? jlicaotepa jliaji jorsedajli pimatsicana jlimotuetaca kenawa pifaldani riicuite nini catinakenani. ²³ ¿capanta nataitaca napji naikinai nacambiaca jliaji naadaki paada colorwa, o jliaca itaitaca icambiaca iidana jiaji yaawi? cai tsaca pia, pitaitaca pinaitaca matsia, mitsa pipeyica jliaji pinaikica matsidajlitsa. ²⁴ Nini watsa nonitaca pia cai apji canapiri icasho yaracaada maminajlina weriico nite ²⁵ Icatsa jliaji noajlica irso, jlinacope jliaji nacaiteri irso cai jliaco jliaji waminajli, cuaada pimawadacaca noaco ioya piepaca jliaji ishati. ²⁶ Nini watsa nacadaca caatina jliaji pimatsicana caiji falda jiretacacani nacapacaroo jliaji pidaki. ²⁷ Nocapaca pinaitaca matsi pidakisho nite caballo icayoshoca jliaji piacoa, piomi jliaji pinaitajli matsi pidakisho apji jipanadanaco nite wacadajlico, kenadalji pia, Jerusalen! ¿cuani watsa pia picotsoacaro pimatsicana ioya?