¹ Ljiawalji - watsa ljiaku ljiañji waminalji - njetawatsa njapi njañji tjalikanatjinai jadáljipe, tsolodaunai yapin nite ikanantakape tsaka, nite njapin - tsaka njañji yufakapje Jerusalénrsiku, njetawatsana irrirsikuite. ² Nite njamekuwa - tsana jamulji irsú, nite kerriapi - tsaka, nite piomi njarsu njañji jiwirrida eno; ikapiatsa njapeyo - ljipiaka nite njaumjapialji, njaapialji injai, nite njatatjapialji, njayamjapialji irsu, kurriwatsa njaniwaka njañji njapimi njadawa karruna, kaiwatsa njañji ishatisho anji jaljedauka - ljiku. ³ Nite njauwatsa ljiañji mjayankalji ljiuya ljiañji kafikanja pjadenirri nanjakupe njañji: Matsiperri, akerrekawatsa njupeku njañji njamakaketen ikatsa ljikaitjeka ljianji njaminalji njañji tsolodaunjai. ⁴ Kaitsa ljikaitekana, ljiaku ljiañji Waminalji ¿Ljiañji jifakadawa, kurrin ljinjikuwa? ¿Ljiañji shenakawa, kurrin ljidiakawa? ⁵ ¿Ima ikatsa yakaljeka ljiañji Jerusalén mepjakadalji ljimjepakán ima kaidaljitsa? Ima njakudai - tjakakawa ljisho ljiñji ishati, nite kurritsa njauma njadiakawa, ⁶ Nite njuwapa njumiwa, kurritsa mayakanljika kakukana, kurrin apada atsia kapaiman ikawa ljiañji ljinaitalji, ljikaitekauta: ¿Kuanka njua? piomi nakaa njekuwa kaiñji caballo shewaka - pjishowa owirrikulje. ⁷ Mikatsa njañji maalji yarsakapeewa eno yekuetje, njatsaka njañji tsotsobú, nite maayalji, kakue isaka, njauñjitsa njawapaka ljinanja ljinuka, mikatsa njañji njunaikite kurrin njañinka ljikadalji ljiañji Waminalji. ⁸ ¿Kuañji njakaiteshopa: "Faa kañinkeperri, ima Waminalji ikadeninja watso ljiañji iakutti?" ¡Ikapake! ljisho ljiañji nadanjashopa njañji idanjakape, njanaita ishaati aimja. ⁹ Njañji atsianjai kaninkeperri kapaima - njawatsana, njafietetawatsana nite njepawa tsana presowa, ¡ikapaa! njamakua - datawatsa ljiaku ljiañji Waminalji, ¿Kaapa iwaupjiaka kañjinkeperri-kana? ¹⁰ Niniwatsa njuka rsuañji njainú apee irsu, nite njañji njadeninkalje njapania njuwatsami njarsún njañji irsukapenji; imawatsa tsodaljipenja-kuitje atjee pjekipenjai, nakuanawatsa njaumapjaka, atee njatsaka njañji kañjikepe nite njañji ikanjautakape, piomi kashaperri - kana. ¹¹ Njatapjewatsa keyanjashotsa njayaunjin njañji njunjaikite, njakaiteka: "Metjami faa, metjami faa," kurrikadana pjakapa metjamikawa, ¹² ¿Kapapja kapaimantsa naikawa njanaitjakápua kadufialje-kadalji? kurrin kapjaimán naikawa; ¡Majinka-petsa kuañjika ipjaimanti! Niniwatsa njewakawa nainjai njañji jiwakapewa; njewa - watsawa njurrapite - takauljiwatsana ljiaku ljiñji Waminalji. ¹³ Njuwayaketa - watsana pjadenirsi ljiaku ljiañji Waminalji kurriwatsa uvamiketsa ljinanaku, kurriwatsaka ljinakamiketsa ljiañji higueras, nite njetawatsa njañji ljinapje, ima njañji njuañji njasur ljiyapawatsana. ¹⁴ ¿Kuadja kurrina waufaka wañji? wawaketakaka-rsuwa; wakarru yakalje tjaimidalji, ljipjenawatsa faa makudjaunatsa ljiañji mayankalji, imaa kaiperrikatsa Waminalji Dios ikadaka, ljikadawatsa naa wairsa kapuadalji, fanjai-takapua wamatsikawa ljirsu.

¹⁵ Wawapja ljiañji metjanalikawa, nite kurrin pjakapaká matsiadalji; ljiljedauka-tenja njatapekawa, ikamitsa ljiañji kafainadalji nerrapjitaka, ikamitsa ljiañji kafainadalji nerrapjitaka, ¹⁶ Dan nite pjemika ljikauljenaa ljiañji nakawalloni, piomi ljiañji jipai ljitetjekawa ljidaasho ljiañji njapjuetakakawa jimján, imaa njanuwatsa, nite njawayaketawatsa ljiañji jipai, nite narsikoka, nite piomi ljianji yakalje, njatsaka njañji yufakapje nini, ¹⁷ Niniwatsa pjanaya, njumenjaka ikaulje apii kersuakai kapuakai, kurridaljia imaiwataka, ljiwuawatsana ljiaku ljiañji waminalji," ¹⁸ ljiañji njukuyaljeka mjawayakaka-daljitsa, nite njukaulje injunaatsa kani.

¹⁹ ¡Ikapa! ljimján ljiañji rsuemjatalji, ljitju ljiañji nuyakalje, injukada apada jipai tjekuitedalji: ¡Kurri pjakapakaljiañji Waminalji Sionrsiku? o ¿Kurrika aa ljiañji tjalikanati aññji? ¿Kuada njakerruata njua ljinapjiansho njamatsietjanda-tsa, njadiote tekuitjedalji midjaljitsa? ²⁰ Opinaa ljiyapawa ljiañji papanjakawa. Ljiwayaka tskawa ljiañji jamúlji, nite kurritjua mjanakuka faa. ²¹ Kaiwimintjua ljiaka njunaku ljiañji rsuinjunaka ljitjú ljiañji nuyakalje, injunaa njua ljima ljiañji rsuyapalji kaipainanjia njua. ²² ¿Kapjapa kurrika pakapja tapje anji Galaadrsiku? ¿Kapjapa kurrika pakapa itapjekaita nini? ¿Kuadapja kurrin pjakau itjapeketji rsutso rsuañji ljitjú ljiañji njuyakallje?