¹ Waminali iikaiteka kaiji: Jikapa, tjumitsa jnuñukutakaru kaili hnuwayaketakaru jliaji Babilonia jnite jnakjuete jnaji yufakape aaji Leb Camayriku. ² Jnumenakeutsa paana inaiki Babiloniarikule jnakarutsa jnauyawaka jliufakaru jliwaketsa jliaji njapaite jnanuatsa jnainuka kaitekatsa, jliada jnainukuna. ³ Jmakadatsa jnatarapiataka jnayaitashupa; jmakadata jnetaka jnadanatakashupa. Jmakadatsa jnakau jnaji atsiaña; iikada tekule jnemakau jnaji tsuludaunai mayankanña . ⁴ Jnaji inaiki iipitukapeu jnaukakautsa jnapaitele jnajji caldeosnai; jnainunipeu jnausruakautsau iinipuriku. ⁵ Jnite jliaji Israel njite Judá kurimwatsa Dios iimakakana jnaminali jnaji tsuludaunai, jnintatsa pakanka juapaite jnamatsikanatsu jlikjuele jliaji matsiadali Waminanli. ⁶ Iipituka Babilonia jnite iidawakau. Jmewatsa jlimatsikanariku katsa jaleduaka jlinukana jliaji Waminali jlidietautsa jnasru jlikaudau. ⁷ Uuwirutsupjia jliaji Babilonia jlikapiriku jliaji Waminali jlidewanetapjia kalaini jnaji jaledaukarikuperi jnaji yakalee jnairapjia nim jnite jnapikapiawa . ⁸ Keyanadautsa jliwayakau jnite jliwakau jliaji Babilonia. ¡Iiy jlima! yaka jlisru tapee jlikaiwika yadami; wadepetsa jliyaka jliuya. ⁹ Waumapjia wattapeka Babilonia, kurikadeka jliumaka jlitapiakakau. Kalaimi wanukakani waka jliuya, fapuitele jlimatsikana yukakena eenujikulje; eena jlufawaji iiyadakariku. ¹⁰ Jliaji Waminali uupi jlikaite matsiepekatsafa, Iinuka, waa waakaiteka jlinaitali jliaji Waminali. ¹¹ Jikemata iiyawitaksupa jnie iidanatakatsupa iinakuna jliaji Waminali jlikadaka jlikauleriku jliaji jliminali medos yakuti jliwayaketakaru jliaji Babilonia. Katsa jliruaka jliaji Waminali, jliwayaketakapua jlipana jnawaketakakaruda . ¹² Jiretena papje papera jlikurarananaku jliaji Babilonia; iimaimatapja jnaji yapakapeu; iikada depiyapena iimatsietena kuanka tsewakau; jliaji Waminali jlinaitakautsa kaiji jlikitekapishu jnasrunaji iiniki yufakape Babiloniariku. ¹³ Tsau, inaikinai yufakape tsumitsa uuni jamipe ikudapi, tsaa, inaikinai kanani juure idawanipe, uupi jliukau jliaji jinanaa, jliaji tawalika iikadali kafitsa jnayuaka paniyan. ¹⁴ Jliaji jnaminali juaji tsuludaunai jlikaiteka iipitananaku: Jnudekautsa jnakuema, kaiji kupeetsu jnamainaka; jnawana kautsa jnamaimakariku iikaujle. ¹⁵ Jlianiketsu jlinaitaka jipai; jlianiketsu jlinaitaka jliaji jaledauka jliwaupeaketsu jlimeku eenu. ¹⁶ Jliñakadaku eenu, keruaka iiyadauka, jlikada jneerau jnaji iiyadauka kerekatsa, jliperuka iiyasru jnite jlipekuka kauli iinu jliaruda rikuite. ¹⁷ Manikapeka, panaiya jnakuanatsu juaji inaiki iidenikada tsipalatsu jipaimenietakau jliaji jlidiute jnaji jinapjiatipeu jlianaitanipe jliñaite tsupana, jmakaulepetsa. ¹⁸ J , jnaji ikanikapen; jnawayakakautsau jlimenakakauli matsidali jnaikaujle. ¹⁹ Jnudiote, jliyada jliaji Jacob, kutsa kailikaji jnayadatsu, katsa iimatsjetakada pjiumi, jnite jliaji Israel katsa jlinaikiteka; jnaminaldi jnaji tsuludaunai katsa jlipitanaka. ²⁰ Pipitanaku jnuñaka jnainuakakadanaku, jnuinaikatsu pjia pipitanaku jnuwa yaketsa yakale jnite jnuinuka makafepe jnafakaruda. ²¹ Pjapiya jnuwayaketa jnanikaruna caballos jnite jnaji yanikape jlinaku, pjiapiya jnuja yaketaka jnekukaruda carro jnite jnaji iidenikapena. ²² Pjiapiya jnuwayaketaka atsianai jnite jnainepe; pjiapiya jnuwa yaketaka pekipumi jnite yempetiapape pjiapiya jnuwayaketaka jnaji atsianai pamuyuapen jnite jnuji jnaitepe kuripetua jiyapa atsianai yapiya. ²³ Pjiapiya jnuwayaketaka jliaji yapakada jlipira kalaimi jnapiya jnaji jlipiraa, pjiapiya jnuwayaketaka jliaji yapanakada jnite jliaji malikali iidenikada jlisru. Pjiapiya jnuwayaketaka jnaji yapakape yakalefe jnite jnaineperi iidenika. ²⁴ Yekjuele pjiumi jnukauñaka jnaji Babilonia jnite yufakape Caldea jnanaitanda matsi Sión isru, kaita kakuka jliaji Waminali. ²⁵ Ikapaka, jnukuemataka pjia, munutsi iinukada, kaika kakuka jliaji Waminali, iinuli kalaimi jliaji jipai jnuretaka jnukapi pjikjuete, jnuduitakautsa pjia barankurikuite jnite jnumaitakautsapjia. ²⁶ Jnaniwakaruatsa jnaji pjipjadate jnanaitakaru panti iikuruapina jliemakarunaut saka, jnuwayakjetakautsapjia kaidaliwetsa, kaika jlikaiteka jliaji Waminali. ²⁷ Iiretaka papje bandera jipainaku iiwanaka, jlitsu jliaji trompeta yakalekuan, iiwana jnaji yakale iinukaruna Ararat, Mini jnite Asquenaz. Ikañetaka aape jnapitsetedali jnainukaruna; iikada jnakau jniji caballunai kaiji kupee jirakapishu.

²⁸ Jinuka juaji yakale kalaimi; jnaji jliminanai jliaji Medio, jnite jnaji jnaineiperi jnite kalainu; jnaji yakale jnainaiperi. ²⁹ Jlitetekautsnu jliaji jipai kuyulekautsari, jlima jliaji jliumali jlinaitaka jliaji Waminali Babilonia iikjuete, kurikarutsa paada yufaka jlirikuda. ³⁰ jlitsuludaute jliaji Babilonia kurim yanaika jnainua kakau; jnapakatsa jnafakaruda kurim jnerititaka jliaji jnaumali; jnadenika kaiji jnatepetsu, jnamaitaka jnapana tserenketsa jnapananuma.

³¹ Aape iikaitekada yakuti jlikaiteka jikitsinda iisru, aape tsekukada iide yakatu jlikaiteka jlikitsinala isru, likaitekasru jlitsu jliaji Babilonia iiminali uupikena jnawayuketakenautsa.

³² Jnaji jmatewakakape uumi jnapakenanai jnemakawa jnaji maapa jnamaitakana, jnajiukau jnaji jlitsuludautenai jliaji Babilonia. ³³ Jnaminali jnaji tsuludaunai jliminali jliaji Israel, jlikaiteka: Jlitu jliaji Babilonia kaikanu jlikayutsu jliaji pemakaruna pabititakaruna jliukakau jmedauka papjuetakanau tsumitsa jaledauka, yukaka jruikjaute jruniwakaru ³⁴ Nabucodonosor, jliminali jliaji Babilonia, jliwayaketaka jnua, jlimada metaka jnua kaiji jmetadadalitsu payanakaruda; kafainadalitsu jliñakanua; jlipakantaka jlitsada jnuñaudatsu juiwidali, jliarukanua.

³⁵ Yufakada Siónriku jlikaitekautsa: "Jnana tajli matsi jnunaku jnite jnudakinaku jlinaru jlifau jliaji Babilonia." Jerusalén iikaitekautsa: jnuirana yusruakatsa jnanaku jnaiji yufakape Caldeariku. ³⁶ Jimikje, Waminali ikjateka: Iikapakje, tsumitsajnuwayakakaru pjipitananaku jnite jnuakaru pisru jliaji matsidali jnumetatakautsa jnajiuuni aapeji Babiloniariku jnite jnumetatautsa jnaji uuni awakadarikuperi.

³⁷ Babilonia kaikautsanji jaikupentsu, jnadawakakaruda jnaji kañaiteperi, jafainakawa, jnakaninda iikaukurim inaiki yufakanini ³⁸ Jnaji Babiloniarikuperi jnakuitakautsa kaiji tsinu awakadeta tsumitsu jnaiyakautsa kaiji jlienipetsu jliaji León.

³⁹ Jamukadana kuenautsana jnamatsikanatsu, jnukadakautsa jnarapaka; jnuiretakana katimakaruna jnite jnamakautsa jnite kurim jnakafiakau, katsa jlikaitelika jliaji Waminali.

⁴⁰ Jnumenakautsana kaiji mafikali tsunipetsu mainuape mayan, kaiji mafikali atsianape jnatauñanipe jnajji yalanainai. ⁴¹ ¡Kuajika pjapaka jliaji Babilonia! ¡Ymika pajurika jnakantaka jipainaku! Kuijika kjenaka jlipadamakau jliaji Babilonia jnapekuriku jnaji paana yakalee.

⁴² ¡Jliaji uuni makapawau jliraka Babilonianaku! jlitakari jliaji jlimalejani keruadali. ⁴³ Jnaa jliyakalee jnawakaketsani, jipai metaadali jnite jliwaketsa, jmafakakawetsa, kuritsa inaiki jiyapetsa ninwa.

⁴⁴ Jnurapiteta Bel aaji Babilonia; jnutakautsa jlinumarikjuite jliaji jliamaretauda; jnite jnaji yakalee kuritsa jnakuadatakau jnananitsu jnaji jliemetanipen jlidanawa jnawakautsau. ⁴⁵ Iimutuka jlipamuyuaka, jnuyakaleta. iikuamatsa yumaka idawakakau jnuirua yuya.

⁴⁶ Jmafietakatsau iikauletsu jimikapua jnakaitepelin jipainaku, jliaji yakuti jliukautsau paada jamuli jnakule, jnite jliapudan, paada jamuli jnakule paniutsa jnakaitepeka, jnite inatsidali yufautsa jipoinaku jnaji yapakape inaiki jnainuakakuatsa jnapiyawaka. ⁴⁷ Jnini, ikapaka, jnaji jaledauka jnuwayake takadanakuatsa jnaji nadiotenai jnanaitanipe aaji Babilonia. Kalaimi jnapaite kapaimana kautsama, jnite jnaji mayanperia juawakautsa jnapamuyuaka. ⁴⁸ Jnite jliaji eenuijipai katimakautsana Babiloniaku jnaji iinuakapena jnanukautsa atsiemete, kaika kakuka jliaji Waminali.

⁴⁹ Kaiji Babilonia inuakapishu jnaji jlipaitenakeperi jliaji Babilonia. ⁵⁰ ¡Tsaa jnoanakuperi, iipitukau! jmafatsa iimaudaka. Iiwaupiaka iiminali tekjuite; iiwaupiaka Jerusalén.

⁵¹ Kapiamanka faa, faamika juakuitaka; kapiaumaukafaa; jnaji paama inaiki jnewakau jlipanariku jliaji Waminali ⁵² Jnini, iikapa jaledauka iinuka, kaika jliaku jliaji Waminali, jnuwayaketakadanake jnaji jnadiote jnaranipe jnite jnaji inaiki iiyamikape jnaiyakautsa jipainaku. ⁵³ Jnintautsa Babilonia jirakau yenunsre, jnumenaka jnaji iinukapena, katsa, katsa jliakuka jliaji Waminali. ⁵⁴ Jnawanaka kuyuledali Babilonia jnite, kurikuka iitaita jiyapakau jnapaitjete jnaji caldeosnai.

⁵⁵ Waminali iiwayaketaka jliaji Babilonia jlikadaka jmawedarikuetsau jnaa jlikuama jkeruakaena kaiji uuni makapawantsu; kaidakaya jliama.

⁵⁶ ¡Jnaji iinukapen jnanuka jlikjuema, jliaji Babilonia! jnite jnaji iidanatakapen uupi jnapana. Jnayaitatsupa butaukau, jliaji Waminali jliatsa iiwayaketaka faa, jliatsa iiderikutsenaka faasru. ⁵⁷ Jnudewanetaka jliaji jnaminali, jnaji yanikape, jnatsuludautenai jnite jneeidapu, jnamakautsau kurin jnakafiakau katsa jlikaitelika jliaji Waminali: jtsuludaunai iiminali. ⁵⁸ Kaika jliaku: jlidada makanipe jliaji Babilonia jnewakautsau, jnite jlipanuma yenumpe jnamaitakana jnaji inaiki ikitsindatalina mikapantsa jnadenika, paana yakale yumanda jinaitaka jlisru namaitakautsmi. ⁵⁹ Katsa liaji yakuti jlinanada jliaji Jeremías inuparutakaita jlikaiteka jliaji Seraías, jliri jliaji Nerías jliri jliaji Maasías, jliakadanaku jlinai jliaji Sedequías, jliminali jliaji Judá, aaji Babiloniajle kuadakatsupa kumui jlimenakaka paanaya, jliaji Seraías jnaminalikau jnaji tsuludaunari. ⁶⁰ Jliaji Jeremías jlinapiaka padan jnakalapiruda papera jlinakuapana jliaji kuanka jlimatsikakau jliaji Babilonia. ^{61 62} Jeremías yaaku jlisru jliaji Seraías: pjiakadanaku Babiloniajle, pjikapautsa jnite pjileka kjeema jliaji yakuti. Jnite pikaiteka: Jnuminali, piatsa iikaiteka piwayaketeka jliaji yakalee, kuriutsa kafiwa aape inaiki kutsaka mafikalika, jnite jliwayakakautsau. ⁶³ Pjiwayaketakadanakuatsa pjileka jliaji papera jnukalapiuda, pjipapiutsa jipada jlinaku jnite pjipekukani jlipamuyuaka jliaji Eufrates.

⁶⁴ Pjikaite: Jliapuakautsau jliaji Babilonia kuriutsa jliretakakeu jlima jliaji matsidali jnumenakali jlikjuete katsa yakuti iwayakakau Jeremías iiyada