1 Nini yakuti inuka jlishu jliaji Jeremia waminanjli imenakanda jlikaujle jlinaku jliaji Babilonia, kaitsa jlinacu jliaji napaite naji Caldeosnai. 2 w Jliaku jliaji Waminajli: Ide yakuti nashu piumi naji yufacape jladaukajlicuperri kurrim itaita makucasha. Jirreta pape bandera cakunape itashupa kamina jliwayacacau jliaji babilonia piumiutsa napiya naji natani inai caiji nadanapianshu, nanaitani idanapiatim. Natanda inai Bel y Merodac jliapudan kurriquetsa kuka ifiu mawana napia natanin inai ikauretin. 3 Nawatsa naji yakajle tekuiteperri nemakautsa babilonia ikuema mawaquetakautsan kurritsautsakuka itaita yufaka nini, nañau kautsau naji inaiqui, mawikajlitsaca nakautsau nite. 4 Waminajli iaku jliapudamwatsa jliaji naji iufakape Israel, Judajlikuperri kuyujle kautsana naiyatsakautsa nieutsa nakakau nanukarruatsa naumanua. 5 Natatautsa querrekautsa jliapuwana jliaji Jerusalen niniutsa naka jliakaujle: Niniutsa naku waukakadanakuenautsa jlikaujle wawakakautsau wanaitakarruatsa iakuti piquetendajli kurridajliwetsautsa iñaka wauya. 6 Nini naji nuyakajleta kaikanaji oveja manajliperrinshu. Kaikanaji maminajliperrinshu nini mnajlikana awakadajliku. Nini manajlikana kurrin nani nadiakakua narrudajlikujle. 7 Nini naku naji nakuema nanukada waikaujle: kutsa waka ishu matsikajli, natsa inaitaka namatsikanawa waminajli ishu, querrekawatsaka jliaji naufetakarruda ajadajli nauferinaipe yakapiya jpia. 8 Panaya, irrutsa ipitukau, imakakarru napaite naji babiloniajlikuperri, shakarruata newidapua kaiji mawikajli cabra atsianashu idietakadanakuatsa naji nuyakajleta itepem 9 Ikapena, panaya nuemetaquena wajlipe tsusdaunai tekuiteperri nakarruatsa babilonia ikuemaka, niteutsa nawayaketakautsan. Niniutsa naji jlikuema fiticautsa nayaitaka. 10 Nerrakautsa piumi nanani naji caldeos jlikuperri. Ninuatsa naji netani nauaya catimakautsan cai jlicaiteka jliaji waminajli. 11 Ninina sha caldeos jlikuperri katimenasha jirrakarrun nanani naji nuyakajleta,; iwatsianinau caiji vaca tsunishu, iwanakatsaca caiji caballushu. 12 Nini jliaji jipai imutukarrum capaimanankautsan. kaitsakautsan sha, ninuatsa shuaji jidua kapaiman kautsajnu. Ikapa, niniutsa sha yakajle watsa piquetemperin waminajliperrim , kurritsautsa kuka itaita iyakajletaca nini. 13 Takapitsautsa jliakakakau jliaji jlirrua waminajli, jliawatsa jliaji babilonia jliufakautsau jipai mamininajlidarinwetsa Niniutsa naji jiyapakape nini nafiukautsau nakapa jliaji neyapetajlipia matsi naji Babiloniajlikuperi. 14 Aaja, imatsietaquenau yakarru inu babilonia, iyaitenautsa matsia iyaitiaoushu, jlima jlia nanaitakapua matsi waminajli isu. 15 Nini llematena matsijakli jlikaujle jliaji babilonia kaitekatsa. Ikapakarruatsa mapikan, naji jlidana upina newau,. Kamitsa jliamaukani jliaji waminajli, inukarruena tsaca sha, jinaitakarru tsaca caiji jlinaitapishupia apada ishu. 16 Jita piumi naji yapanape, kaitsaca naji iniwanacape napania. Niniutsa napitua napakaujlinautsa matsika, nadiakarruatsa japaiteshe. 17 Nini naji Israelista kaikana nakashu naji oveja ipatakapenshu nafiukapua yavi iwana. Nini jlinitaka jliñaka jliaji Asiria iminajli. Nite jliapudan Nabucodonosor, jlitukuaka naji jliapi. 18 Nini Jliaku Jliaji waminajli: panayadekautsa nurrapitetatakautsa jliaji Babilonia imanjli, kaitsaka nurrapitetaka jliaji Jliminajli jliaji Asiria. 19 Nunaitakautsa jlishu ljiaji Israel jlidiakarruatsau jlipanajlikujle,, jlipaitenajlikujle kaiwatsa jii ovejacapishu ishukada ijau majlitsi ajii carmelo rico nite Basan tsaka. nitetsautsa aji yenuncawa jaiku Efrain y Galaad ricu. 20 Nini Nua Iminajli Nucaiteca: jlikadanakuenautsau jlinana, nu perdunakautsa naji jlitepen manakuperrin. Israel, Judatsaca nuperdunatsacautsa mamatsinaca. 21 Washa yemau jlikuema jliaji Merataim, nite nakuemautsaca naji inaiqui yufakape Pecod jlicu. Ipininautsana, inuatsana iwayaquetatsautsana kaiji jlicaitecapishu jliaji waminajli. 22 Aji naufajli nini pemikarruatsa nemataka matsikajli nawayaquetakapuana. 23 Babilonia kampiatsa kaidajlica nauya naji pakua yacajle, panaya upina patapenakan nite dajledarentsacan , nite quenatsacan napiya naji pakua yacajle. 24 Pimi pia Babilonia nukada pishu apada pitudakarrua pidefidau piwacarrua, katsa pipadajlecaca jliaji piemakapua jlikuema jliaji waminajli. 25 Nini jliaji waminajli jlimekuka jliaji jlikadakarruda naji jlimucaban, nini jlimuetacana jlirruashu. 26 washena yawa yemakarru jlikuema, jimekukarru jliaji jlicadacarruda. Jimeku jliaji jlidacarruda iñaudati. iwayaqueta naji inaiqui nite iwayaquetarruatsana, kurrikarruatsa kafi nanakuite. 27 Inu piumi naji jlitsurudaute, imenakautsana awatsarra nainucabare mawicajli. 28 Jimi sha inaiqui ipitukapen babiloniete. ninkadanatuatsa nacaitepeca Jerusalennacu inacu, nintsa kuanca pacapaca cuajica waminajli jinaitaca nashu naji iqueruari jlipana jliaji wamanajli. 29 Imena nacaite narra yacaupe Babilonia Icuemau, nadanataruata jliarra yacajle curricarruatsa Kutsa kucan itaita ipitucau. Jinaita caitsaji nanaitacashupia napuyafa naji pana inaiqui, jliama jliaji namadataca waminajli Dios Ishu. 30 Niniutsa naji nenipena nadarinacautsau plazaricu, jliadawatsa mayancautsa naji natsurudaute cai ricaiteca jliaji waminajli. 31 Picapena , pia padaredari, cai ricaiteca jliaji waminajli Dios, upi quena jliucau jlinana nucañataca picapa jliaji matsicajli. 32 Ninuatsa naji padareperri naducacautsau naidefidau newacautsau. Curriatsa cucan itaita yemetacana, nuwacautsa icaujle tiye nuwayaquetacarru sha piumi. 33 Catsa jlicaiterri ishu jliaji waminajli: Naji yufacape Isarael , Judaricutsaca upiquena namatsiquetacana naji jipacapema idena matsicaware currim nauma namutuetacana. 34 Jliaji iacada imutuetana Caidete. Jlipitana Jehova, camitsautsa idetajliutsana naufacarrunre, currin cadecautsa naufetau naji Babilonia nauya. 35 Niniutsa jliaji matsetaita nacuemajliutsa naji caldeosricuperri, iufacape babiloniaricu tsaca, nashuwareutsa naji cacunaperri, caniquerri tsaca. 36 Jliucajliutsa icaujlenaji itatacape majlirirrinai inai, icaitecape nawaupiaque midajlitsa. Kaitsacautsa jliacacau naicaujle naji tsujludaunai, nafietetacarruatsana. 37 Nini tsacautsa jlinucautsa jliña naji caballo, nacarrum uwicauyanape, caitsautsa neyapacau naji yewacape nainai, mapadamacautsau inarrua. Niniutsa jliaji nañashupa jlimatsiquetacatsacautsa jliaji nacadacarruda naijuada, nadecautsa nauya piumina. 38 Jlinucautsa jliaji jamujli metacarruatsa naunite. Cuada jliama jliaji jipai naufajli nini pacancani marirrishu nini naji yufacape nini napeyucan. 39 Caminautsa nacautsa napacantan naji mawicajlinai macanipe, caitsaca nashu tsinu awacadeta. Curritsautsa inaiqui yuwaca nini, jliufaquetsautau maminajli. 40 Caiwatsa nuwayacaquetan caiji nuwayaquetaca shupia Sodoma, Gomorra caitsacautsa nacashu naji yacajlefe tsumiperri, cai jlicaite jliaji waminajli caidadajli. 41 Icapena, nanuca narra aima tsurudaunai tecuiteperri. Nemaquena picuemau aima tsaca nainai cacunaperri. 42 Jurre nashuca nayaitacshupa. Matsiperri inaiqui cana currim cuca quena nacapaca. Nacadanacuenautsa nacaballunacu caiwatsa pemicanji uni macapawanshu, nanuca jlicauyanape mawayaqueta jliaji Babilonia. 43 Jlimicadanacuena jliaji babilonia iminajli nanuca jlicaujle naji jlicuema jlifiucau. Kuyurecajli jipacan caiji inarru iumacada quenipeca. 44 Icapacautsa, nupiecadanacutsa nunuca numutucautsau caiji yawi imutucada tsamidajliricuite jordan yarapite, numacautsa nupaca naji oveja iñacape maritsi waripuaduan. Nufietacarruatsa nawa nite naji iucape babilonia jlicu, nucadacarruatsa apada atsia cacunadajliwa nini. Nini nucataca sha ¿ cucanta caiji nucashu, capanta nini apada yemacauda nacuemau? ¿ Cucantapa cacunete itaita yemaca nucuema? 45 Nini, jimina cucaca waminajli imatsiatajli jliacarruenau Babilonia icuiemau, caitsaca jliematsietaca nashuwajle naji caldeos nai. Niniutsa naji nenipena tsudajlipe nerracautsa na caiji ovejashu, ninitsacautsa naji napana matsiquetacautsana. 46 Ninutsa Jliaji Babilonia jipaite cananicautsana, jlidashu jliaji nematacapua watsa caida nemicautsan naji pacua yacajle.