¹ Kamitsa jlikaiterri jliaji waminajli nanaku naji Amon rikuperri: ¿ querrena naji Israel yenipe? ¿ Querrena naji napudanda? ¿ Kuadatsaka sha, itatakape jlinai jliaji Moloc, yufa jliyakajleriku? ² Nini nua Iminajli nukaite ishu: Nukadakautsa itapunka uwikajli jlikuema jliaji yakajle Raba. Nawaketakarruatsau piumi kenaperishu , niniutsa naji yakejle tsumiperri nauya namaitakautsana. Niniutsa jliaji Israel idiatsenkautsa jlipa jliaji jipai jitandanpia jliuya, kai jliaku jliaji waminajli. ³ Iwana, pia Hesbon, kuada jliaji yakajle Hai mawayaquetakan. Iyena sha yufakape Raba rriku, shetakau mayandajlin iada. Iyena yematatsaka, dakajli napite naji jaiku, jlima jliaji idioste Moloc nadenkautsan tekujle apada jipainakujle kaitsakautsa nakashu naji iminai kakunaperimpia. ⁴ kuada padajlekapia jlima jliaji pipaite matsiadajli papanaku, jlituna padajledarru, kaminautsa yufakau quenawa, idapia ikaujleu jlinaku jliaji irrikuka, kurrim iquerriaka kukanta itaita jinaitaka ishu matsikajli. ⁵ Pikapa, nudekautsa pikaujle kapaimandajli pifiukarruatsau , katsa jlikaiterri jliaji waminajli, niniutsa imutukautsa yekua apadana querrekatsa, kurriutsa kuka yuma iwaquetakasha. ⁶ Jliapudanwatsa jliaji numatsietakakautsa nashu naji amonita ishu, kamitsa jliteka jliaji waminajli. ⁷ Jlikaitekan jliaji waminajli jlinaku jliaji Edom, ¿kurritsautsa pakapa nanikeu aji Temanjliku?¿ Upitsaka jliñakau nanique naji kaniqueperri? ¿ Jlimatsiketaka jliaje jlianique? ⁸ Sha yufakape Edan jliku, Ipitukau nite idiatsakau, idawakaku irririapirriku. Jlima jliaji nudekapua matsidajli nuakautsa nuwayaqueta sha Esau iyakajleta, upina jliukau jliaji matsikajli inaku. ⁹ Niniutsa naji iniwakape jaikuteda uvashujli, ikada apada jlitsiapa , naukakadanakuatsa depi naji kañaiteperri, kurritsa nadekana piumi. ¹⁰ Nini nukada naji Esau iyakajleta kena, nuketaka nadawanda kurritsa nataita nadawakan. Nawatsa naji nenipe, naquitsiñape, tsumiperri nauya upi nawayaketakana, kurritsa kuka ikaiteka nanaku. ¹¹ Nuwapenautsa naji maquitsiñaperrin inauteperrim. Kaitsaka nakashu naji maduiyuapem nutaitatsautsa nuquitsindatakasha. ¹² Nini Jlikaite Ishu: Ikapa, nini jliaji kuridajlitsa kamitsikanaka, kuada jlisutsa jlirrapitaka, pirenani kurrikapua pishu pimatsikana. ¿ piuwaupiena pinakuwakatsa mamatsikanatsautsau? ¹³ Nua Piminajli nukaiteka nunakuwakatsa: jliaji yakajle Bosra, jliufakautsau kenadajlinshu, nakakautsa naikua jlima jliaji nanaitajli. Piumi watsa naji yakajle makafepe tsukuape naufakautsau quenaperriwetsa. ¹⁴ Numina jlikaiteka jliaji waminajli, iakuti namenakaka apada idekauda iakuti ikaitekada: iwakakarru jlikuemau jliaji Edom, imatsietaquenau yakarru jlikuemau. ¹⁵ Nini waminajli ikaiteka Edom ishu: nunaitakasha tsudajlipe nakashu naji pakua yajajle, kurrikarru napeyukasha. ¹⁶ Upina ikashatakakau ipadajleka ima, ifiukapua naiwana naji apadapena, yufakape jipai ikuniakawa, shatsaka iufakape yenunkawa kaiji jawa yufakapishu. Nurrukukautsau nite, kai jlikaiteka jliaji waminajli. ¹⁷ Nawayaketakauliutsa jliaji Edom jliufakautsau ifietakauda naji jiyapakape tsumi jliuya. ¹⁸ Kaiwtsa jlifakau kaiji sodoma Gomora shu, kurritsautsa kuka itaita yufaka nini. ¹⁹ Nunukautsa kuandanakukatsa kaiji yawi imtukapishu tsamidajlirrikuite jordanrikuite, jlimutumanau jlikapadanaku jliñauda wajlidajli, nunaitautsa jliakarrua jaiteji Edom rikuite, ninaitautsa kakunadajliu apada atsia nupeyunda. ¿kukanta kaiji nukashu, kukanta itaita yenaka nukema? ¿ kukanta kakunadajli itaita yemaka nukuema? ²⁰ Panaya jimika jliaji jliumajli jlinaitaka Edom Ishu, nite jliaji numatsienda nashuwajle naji iufakape Teman riku. Niniutsa naji nenipe tsuadajlipe nadekautsana kaiji ovejashu nawayaquetakautsa naji napana. ²¹ Edom jiwakautsau queyanadatsa napaite kananikautsan, nematakautsa naji nanaite nemikarru jliarapishe jliaji uni makapeki Juncos. ²² Pikapa, jlikuema jliemaka Bosra Ikuema kaiji jawa jimekukapishu inape, jliawatsa jledaukaka naji tsujludau Edom iape nakushukautsau kaiji inarru kaikapishu rruenipe. ²³ Jlinaku jliaji damasco Dios ikaite: nawatsa naji yakajle hamat, Arpad upina iakuti matsikajli iukau nashu, kurrin kuka itaita ikatimatakana. ²⁴ Damasco, upina maidaketsan. jliumaka jlikashakau. Jlifiukau iwati iwana, kuyujlekajli, kaiwikajli kaiji inarru yumakada kenipeka. ²⁵ Nini naji yakajle kakunaperrimpia panaya upi makakana. ²⁶ Nini sha, shempetipe atsianai jiwakautsau callericu mayankautsasha, kaitsakautsa naji tsujludaunai kay jliacu jliaji wamanajli. ²⁷ Nukerratautsa tiye jlikaujle jliaji Damasco Idana, nuwayaquetakarruatsa Jliufakarruda jliaji Ben Adad. ²⁸ Jliakuti jlinaku Jliaji Cedar nite jliufakawa jliaji Hazor, Nabucodonosor yaka iwayaketa Babilonia Iminajli. Washena yawa yemau jlicuemau Cedar, iwayaqueta narra tsurudaunai inukape tecuite. ²⁹ Netautsa nauya naji napirra nite naji napanadape tsaca, piumitsacautsa naji nanani , napirra caiji nacamellushujli iwanautsa ikaiteutsa kaiwainaka piumi. ³⁰ Imutua, washa yawa tekujle sha yuwakape Hazor riku, iwakakarruatsau irriapi tewakapirricu cai jlimenakaka yakuti ishu jliaji waminajli, kuada Nabucodonosor Babilonia itajlikana jlimatsiatakakaneu jliakarru jlimau ikuete uwikarirriku jliyakatakarrupidautsa sha. ³¹ Jnua, iminajli nukaite: washena yawa iwayaqueta narra inaiqui yufakape imaudaca, kurripetsa ishuca ipananuma, madapetsa. ³² Niniutsa naji nacamelluni, piumitsa napirrashuri iyapekautsana. Nunaitsa nakarrua paitapenawa nashu marra iyuakape itsikujle sheni ipukud, numekatsakautsa matsikajli inu naikaujle kai jlikaiteka jliaji waminajli. ³³ Niniutsa jliaji Hazor jliutsa nautañakarrudua naji tsinu awakadaita, niniutsa jlifakau quena kurritsautsa kuka itaita yufakau nini ³⁴ Nini jliaji Jeremias ikaitekaite yukuti jlinacu jliaji waminajli, nini jlikaiteka jlinacu jliaji Elam, upikena jlinitau jlinacu Jliaji Sedequias, juda iminajlicautsan. ³⁵ Jlikaiteka jliaji waminajli: kaminautsa wayaquetaca naji jlitsuludaute kaidaperri jlishuca Jliaji Elam. ³⁶ Nudekautsa jlikuenau kaitekawatsa, ninuatsa nupekuka nawa paitapena kurrikarruatsa nani naukakau pacua yakajleshe. ³⁷ Nuanitautsa jliaji Elam jlikushucarrua naukakadanakuenautsau naji jliakuema, numenakakautsa matsikajli jlikaujle jliaji Elam, uwicajli nawayaquetakarruantsan jliaji Elam, cai jliacaiteka jliaji waminajli. ³⁸ Nininautsa jliapudan nudakaca nuapudandau Elam, niuatsa nuwayaquetakautsa naji kakunaperrindia lishu jliaji Elam, cai jlicaieka jliaji waminajli. ³⁹ Nininautsa jliyakakan shapudam nuwaquetakautsa naji jirripatakapempia Elam iapem, cai jlicaiteca jliaji waminajli.