¹ Ljiaji iakuti iukajli jlinaku jliaji Moab. Katsa jlikaiterika jliaji waminajli Dios Israel iada: jlinukautsa jlia matsiakajli jlishu Mebo Iyakajle wadetsautsa kenawatsa jliufakau. Nite jliaji Quiriataim mepakani nite mapaimanietakan. Nawayaquetaka piumi . ² Jlimatsiaka jliaji Moab upina jliwayakau. Nini aaji Hesbonjliku naji Moab ikuema mawakakakenau nakarruatsa mawayaquetan. Jliatsakautsa ljiaji Madmen, nawayaketatsakautsan. ³ Horonaim rikuite pemi nemataka: kenakajli, nawayaketakapuana. ⁴ Upina nawayaketaka Moab; nini nemataka quenakajli jliukakau Soarshe. ⁵ Natiafia iapiya nerracau Luht nakujle; nemataka quenakajli jliapudan jliaji matsikajli naurukukadanakua Horonaim nite. ⁶ Washa ipitua idawakakarua maminajlikaban. ⁷ Nite Moab, jlikadapia jlikaujleu jlinaku jliaji jlianike, jlirrikukatsaka, niniutsa nadekapia. Niniutsa jliaji pidioste quemos nadekautsan matsikawajle, napiyatsakautsa pinaiquite kakunaperri. ⁸ Niniutsa jlinuka jliaji inukada iwayaketa naji yakajle, kurriutsa kuka idawakaku jliuya. Niniutsa naji awakadape, kurrikawa pakapa awakada nawayaketakautsan jliaku jliaji waminajli. ⁹ Jlishukadanta jlinape jliaji Moab jliarrantau tekujle, matsiutsa jliaji jliyakajlempia quenakautsan kurritsautsa kuka itaita iufaka nini. ¹⁰ Makadajliutsa jliaji kurridajli iuma jinaitaka waminajli ishu, kaitsakautsa jliaji kurridajli iuma iquerranatakakau jlinarranashu. ¹¹ Jliapia jliaji Moab jlimaudakapia upi, kurrim kuamkaujlika jliakau matsikawajle. Kaimkaji pakadapishu jliufakau jliaji vino, kurrim pakashetanikan pada jliarrudajlikujle, nini kurrin jliñakau jliaji jlipumenika. ¹² Nini ishutsa ikapaka, jliaji ljaledauka inujli ikaujle, jliaku jliaji waminajli, kurikarrutsautsa ikashetetakautsa jliaji vino, pada jliarruda metadadajlirrikujle. ¹³ Niniutsa kapaimaka jliaji MOAB jlishu jliaji jlidioste Quemos, kaipia nakashu naji iufakape Israelrriku natakapua jlianai jliaji namijli idolo Betelrriku nakadandapia nakaujleu inaku. ¹⁴ ¿ Kuajinta ikaiteka sha, fa tsujludaunai, atsianai kaidaperri? ¹⁵ Kaminautsa nanuka nawayaketa Moab jliyakajle iapiya. Niniutsa naji jliyempetite iepakapenpiani mawayaketakautsana. Kai jlikaiteka nashu jliaji waminajli kaidadajli. ¹⁶ Tsumina nanukarru nawayaketa Moab, jlima jliaji jlinaitajli. ¹⁷ Nini naji tsumiperri yufakau Moab iuya jimikape jliakuna, iyena jlinaku ikaite: Kuajina jliufakau jliaji jlidapua kaidajli napeyundapia. ¹⁸ Yurrukuenau yufakawa kakunakawa, sha Dibon Inaiquite. matsiutsa naji iwayaketakapempia Moab nanutsakautsa nabitita naji Dibon jlikuperri. ¹⁹ Sha iufakape Aroer rriku, iwaquetakau yemakarru ikapa, iwanakarru nashu naji ipitukape Moab rrikuite. Kuadaka napitua. ²⁰ Moab kapanmankan, jlifiukau. Ikaiteka jliarapi jliaji uni Arno, upikena nawayaketa Moab. ²¹ Upina jliakau jliaji matsikajli awakadajliute nasu naji Holon Jahaza nite Mefaat. ²² Nite Dibon, Nebo, Bet Deblataim. ²³ Nini Queriataim, Bet Gamul Meon. ²⁴ Nite Queriot, Bosra kaitsaka nakashu naji yakajle, tekuperri, tsumiperitsaca jipaika Moab jipaitepiam. ²⁵ Nini waminajli icaiteka: upina Moab ljida iwayakau. ²⁶ Washa idewanetan, jlima jliaji jlinaitajli waminajli ikuema. Niniutsa Moab ikabunikau jlinumajliku, nakakarruatsa jlikau. ²⁷ Moab ¿ Kuadatsaka pikaninka jlikau jliaji israel pikaitepia jlinaku matsi, caiji cañaitedajlishu? ²⁸ Sha iufakape Moabjliku washena ipitua yakarru iufau pijai ikunikawa. Idawakakarrua caiji nakashu naji tsutsubu iukape jipai ikuniakawa. ²⁹ Fenina kuanka jlinaiquika naku, jlipadajleka naku, jlinaiquika naku. ³⁰ Katsa jlikaiteri jliaji waminajli nunintsa kuka jlicaiterri jlipadajlekashu, nini kurritsa querreka jliukau jlima jliaji jlinaiquika, kaitsa jlikashu jliaji jliumajli jlinaitaka. ³¹ Niniutsa nuiyaka Moab naku, jlinaiquitetsaka inaku. Kaitsaka nuiyaka nanaku naji inaiqui Quir Hares rrikuperri. ³² Sha yufakape Sibma, ishukape aima ipania, nuiyapautsa inaku jliuya jliaji Jazer, jlipania iqui jliyapapia jliaji uni makapequi yukakada Jazer she. Napudan naji matsiperri inujli imatsiketa pipania panayetsa jamujlirriku piapanaka uva. ³³ Kurritsa pemi nawanaka katimakajli jlipaniadajliku jliaji Moab. Kurritsa pakapa vino aaji nawaquetakarrudapia Moab ishu. Kurritsa pakapa kukanta jipua jlishun, kurritsaka pakapa nacanta katimakajlishu. ³⁴ Nini naji inaiqui Hebon rrikuperri yufau nemataka kuyujlekarishu jliukakau Elale y Jahas she, nite Soar te jlikakau Horonaim she, nite Eglat selisiya, jlima jliaji metakatua uni aaji Nimrim rriku. ³⁵ Nini Jlikaiteka Jliaji Waminajli: nuwayaketakautsa naji Moab Inaiquite nanaikadamintsa matsiadajli yenundajli naku, nakau naquerrata quetakadajli nadiute ishu, katsa jlikaiterika jliaji waminajli. ³⁶ Nini kuyujlereka nukaujle Moab naku kaiji papiandashu. Nukaujle kuyujle tsaca nanukunnaji inaiqui Kir Hares rrikuperri. Jliapia jliaji nawaquetanda napajlatan upi jliwayakakau. ³⁷ Nini panaya nerritaka nefida natsinumatsaka. Nayua tsaca makapirriku neta tsaka naniniu tsarramidari. ³⁸ Nini naji yufakape Moabjliku kuyujle kana. Jlima jliaji nuwayaquetapua Moab, katsa jlikaiterika jliaji waminajli. ³⁹ Jinaitena kurrujlekajli Moabnaku, jimikarru kapaimakajli jlinaku jliaji Moab, nini panaya moab yufakau nashu naji tsumiperi jliya nakaka jlikau, nite naji tekuperipa nafuika jliwana. ⁴⁰ Nini waminajli ikaiteka: Ikapena, ikapena ikuema inuka ikaujle kaiji jawa yarrakadashu, jlimekuka jlinape Moabnaku. ⁴¹ w ⁴² Nini jliaji Moab nawayatakautsan kuritsautsa jliufakau yakajlewa, jlima jliaji jliemakapua nukuete. ⁴³ Nini nua Iminajli nukaitesha moabjlikuperri napinietakautsa sha kaiji mawikajli shu napinietanda, wadekatsa jiwakau irriripi rriku. ⁴⁴ Nini jliaji yumakada ipitukau jliwakautsau aaji irrirriapi nadandajliku, , panayena nudeka Moab ikaujle jliaji matsikajli, kamitsa nukaiterika nua Iminajli. ⁴⁵ Nini naji inaiqui napitukau Hesbon jle, kurrim nataita naukakau nishe tiye imutukau naikaujle Hebon te, jliya imutukau panti upidajlin rrikuite Sehon, tiye iwayaketakautsa piumi naji ianaiqui padajleperri. ⁴⁶ Kenakapia Moab , naiya pinaku, Quemos Inaiquite mawayatakapia. Niniutsa nadeka naji pienipe matsikawajle pitunaipe tsaka. ⁴⁷ Niniutsa jliwayakaujlenautsa jliuya jliaji matsikajli, nidietakautsa jlishu matsiakajli, kamitsa nukaiterri jlishu jliaji Moab.