¹ Nini jliaji Sedequia jlinita cacunadajlicani jlisucadanacu veiuntiun años, aji Jerusalen ricu jliufaca cacunadajliwa yamema pacapi apefipa jlinacu. Ruipitana Shuaji Jlidua Hamutal, Jeremia pia jliaji shunirri shudua ipitanapia Libna. ² Ninipia currica matsia jlideca waminajli itirricu, jlinaitapiaca caiji Joacim Inaitapiajlisu. ³ Jlimapia Neyapacau caiji naji Jerusalen ricuperri, Judajlicuperritsaca, querrecatsa jlitana jlitirricuite. Jliapudanpa Sedequias yemacau jlicuema jliaji Babilonia iminajli. ⁴ Nueve años quena cacunadajlica Sedequias, quinceca enero Jlinu jliaji Babilonia iminajli jlitsurudaute iapiya uwipemJerusalen Icaujle. ⁵ Once quena jamujli jiyapacu cadanapiatua jliji Jerusalen Sedequias catua Jliminajli. ⁶ Once catua jamujli Sedequias cacunadajlican, jliucacau jliaji mawitacai aji piumi jliyacajlericu, currin tsaca pacapa ijausati yacajlen icuan. ⁷ Nini naturuntaca jliaji nacurran, nini depica napiutua naji jlitsurudaute na,pecuricu naji yamanade jlitawana macanipe, tsumi jliuya jliaji jliapanacarruda putira jliji iminajliti, nincadantsa nawapa jliwaida naji caldeos iayape, nite nacawa Jordan iarapishe. ⁸ Nite naji Babilonia Itsurudaute napienietaca jliaje Sedequias , naca nautacani Jerico awacadan nacure, nini naji jliatsiatenai nenaca jliuya, nawaca paitapena nauyawaca. ⁹ Nini naca nauquetacan nadecan jlicaure Jliaji Babilonia Iminajli, Ribla jlipaitenacu jliaji Hamat jliaji cacunajli, catsa nini Nacudonosor icaitequena jlishu jlinatsicana. ¹⁰ Nini jliaji Babilonia iminajli jlinaca nainuca naji Sedquias yenipe jlitirricu, caitsaca nacashu cacunaperripia judaricu. ¹¹ Nite jliapudan netaca jlite jliaje Sedequias, napapican cadenashu, nadecan Babiloniajle. Catsa jlicadan jliufa nini jlirrapita jliaji Babilonia iminaji. ¹² Nite diecinueve quena jamujli cacunadajlica jliaji Nacudonosor, Nabuzaradan inuca Jerusalenshe. Cacunedete nashu naji Nacudonosor itsujludaute. ¹³ Jlimaitaca Jlipana jliaji waminajli, jlifacawatsacau pia jliaji cacunadajli, napana tsaca, napana cacunape tsaca. ¹⁴ Nini jlicabucuca jlicapa naji tsurudanai Babilonia napekuca nadanatacashumpapia Jerusalenricu. ¹⁵ Nini jliaji Nabuzaradan jliniwaca jlide matsicawajle naji quenaperri, caitsaca nacashu naji inaiqui namacanin, naquitsiñapen tsaca naji jinaitacape wudacape. ¹⁶ Nite tsaca Naburadan, jlicadaca apadapena quenaperri naniwacarru napania, napana tsaca nashu naji ishucape iquinquirreda. ¹⁷ Nini naji inucapa Babiloniate navititaca naji iwantacape jlipucuda jliaji Waminajli ipana, caitsaca nacashu carretilla inapianshuperri newanicarruda uni, caitsaca nacushu naji broncedape nadecana piumi Babiloniare. ¹⁸ Nadetsaca naji nawacarruda tiyemen, palatsaca, parratutsaca inapiam, jlinapiatsaca jliaji nacadarrutas ¹⁹ Nite jliaji Nabuzaradan jliniwacatsa jlidewa naji naquecarratacaruda tiyemen, nayanacarudatsaca, nadarruda tsaca tiyencajlishu, napia naji nanaitaca iwirrudapepia, parata tsaca, nini jliaji tsujludaunai iminajli jlideca piumi. ²⁰ Nini naji jlidanapushupana yamanade, nitetsaca naji yamena pacapi yamefi jlinacu toros inapia bronceshudajli, currin pida nani casuapaca newiñaca. Napiandan Salomom imenacanin nanaita cacunadajlicauren waminajli ipanau ishuware. ²¹ Nite jliaji jlidanatashuna jliyennunca piapida pema pacapi maderifi rinacu, nite pema pacapi pia pida jlimacaiteca,, nashutsaca pia pida jarafen jlipancapia pida pema pacapi madajlifi jlinacu. ²² Nini pia pida naji jlipucuda bronceda nashupiapida yamema pacapi, pamuyua jlinacu nayenunca, nadanatani tsaca nawaida bronce shu. ²³ Ninipia pida 96 maturedajlipe jliperremanacu, wapiapida capia cienca mamaimaca yenunite. ²⁴ Nini jliaji tsurudaunai iminajli Jliadecatsaca matsicawajle jliaji cacunte seraias, caitsaca jlicashu jliaji Sofonias, jliapudanda, mataridapa iwapacape pantinuma. ²⁵ Nite naji inaiqui idawacacapenpiawa nepaca nade cacunadajlipia nashu naji judionai, nadetsaca pema pacapi yamefi jlinacu napiacadanpiapida idecapendia iacuti jlinacuite jliaje naminajli, nite tsaca jliaji iniwacadapia inaiqui nashu, niete tsaca 60 inaiqui cuajidaricatsa. ²⁶ Nite jliaji Nabuzaraan jlidenacana piumi jlicaujle jliaji babilonia iminajli, jlinicadanpidau Riblare. ²⁷ Catsa pida nini Jliaji Babilonia Iminajli jlimenaca nainaucarruna piumi aji Ribla jlipaiterricu jliaji Hamat. Nite dajli jliapudan naji inaiqui Juda iape nadecana matsicawajle. ²⁸ Catsa naji Inaiqui jliderrica matsiware jliaji babilonia imnajli pema pacapi yamefi jlinacu cadanacuena cacunadirica jliaji nabunodonosor, naimaca pia pida veintitres mil vientitres. ²⁹ Nite jlishucadanacuena dieciocho años quena cacunadarican jlideca matsicaware treinta, yamada pa jlinacu. ³⁰ Veintres cadanacuena jamuri cacunadarican nabucodonosor, jlinemaca Nabuzaradan ideca seisciento cuarentai cinco pa pida, piumi nadeca matsicaware cuatro mil seisciento matsicaware. ³¹ Jliucacadanacuena jliaji treinta siete jamujli, nadeca matsicaware Joaquin Juda Iminajli, Jliacacau cacunadajliwa jliaji Evil Merodac, Babilonia iminajliu, catimete matsiadajli iwaupiaque. Jlicadaca Joaquin imutua matsicafete 31 marzo jliatsa añuca. ³² Jliacu jlishu cacudajli nashu aji babilonia jlicu. ³³ Nite jliaji Evil Merodac jliaca maridajli jlinaniwa jliaji Joaquin, jlitacarru jlinani jliuya jliaji jlishupiajli jlifacadanupia matsicajlicu, nite jlicada jliaji jliaji cacunte babilonia iminajli, querracatsa mayanca. ³⁴ Nite jliaji Babilonia iminajli jliaca Joaquin ijau jlaredauca icuan querrecatsa mayanni.