¹ Jlitaitakadanaku jlikaiteka jliyakalesre kalaimi njaji yakuti jlimenakanipe jlikaite jliaji jliminali ² azarias, jliri jliaji Osaias, johanan,jliri jliaji carea, jnite kalaimi jnaji atsianai padaleperi jnaku jeremias ishu: "pikaite ishati. jliaji waminali kutsa jlimenakandajpia: Matsa yufaka Egiptole. ³ Jliaji Baruc, jliri jliaji Nerias, jlikeruatakapjia pjidekarufa jnakaule jnaji caldeosnai, jnakaitekaru jpiaka iide jnainufaa jnite jnaitakafaa Babiloniariku" jnite jliaji, Johanan, jliri jliaji carea, jnite kalaimi iiminalitinai jnayapena jnaji tsuludaunai, jnite kalaimi jnaji jliyakaleta kurim jnaumaka jnemika jliaku jliaji waminali jnaufakaru aaji juda jipaiteriku ⁴ Jliaji Johanan, jliri jliaji Carea jnite kalaimi jnaji jnaminanai jnaji tsuludaunai jnadeka kalaimi jnaji jlitepen jliaji juda iidiakapen paana yakalerikjuite jnadiakaru jnafawa jlipaite jliaji Juda ⁵ jnite pjiumi njaji pjiumi tsuludaunai italikanati naadieta pjiumi njaji yakale napekunpen uupi juda jipaiteriku naufakaru nini. Njite Johanan, jliri jliaji Carea ⁶ Jnapa jnadeka jnaji atsianai jnite naitetjepe, yempetipe, jnaitunaipe jnaji iiminalitinai, jnite kalaimi jnaji Nabuzaradan, jnaminali njaji yapakape jnaji iiminalitinai, jlikadanapepjia yufaka aaji Gedalias iinai, jliri jliaji Ajican, jliritsaka jliaji Safan jnapatsaka jnadee jliaji Jeremias jliaji inuparutakaita jnite Baruc tsaka, jliri jliaji Nerias. ⁷ Jnakawa Egipto jipaitenakule, aaji jlipitana Tafnes, kurikapua jnauma jnemika jliaku. ⁸ Jnite, kakuka jliaji waminali Jeremias yapiya aaji Tafnesriku, jliaku: ⁹ pjipa panapena jipada jmakadalipe pikapiriku, jnite pakapakawa jliaji Juda, pjidawakana aaji jnacementakawena pjemakawa jlipanaiisru jliaji, jliminali jliaji Tafnes. ¹⁰ Jnite, pjikaitena jnasru: jnaminali jnaji tsuludaunai , jliminali jliaji Israel, jlikaiteka tsumitsa jnumenakakaru jnuinaipe jnadekaru Nabucodonosor, jliminali jliaji Babilonia, Jnuinaidali kapuani jninwatsa jlinaitaka jlipanaita aaji jnanaku jnaji jipada pidawaninaku Jeremias. jniwatsa jliemakau. ¹¹ Jlinukautsa jlinuakau jnapiya jnaji Egiptorikuperi. Jnaji yumakape mayankali mayankana jliaji yumakada jnaitaka jlikau jnaitakan jliaji yumakada jmayankan matsetastu jmayankan. ¹² jnite jnumaitakautsa jnaufakawa jnaji nadiotenai jnaji Egiptorikuperi Nabukodonosor jlimaitakautsana jlipapitsaka , jlidena jlipiyuatsa jlipaite jliaji Egipto kaiji jnaniwakapishu jnanani yuya jnaji tuida jnaji yapakape jnaji napira jnawatsa jnite katima jliamakapuana. ¹³ jlipuluawatsa njaji jipada yemakapeu aaji Heliopolis jlipaiterikuperi jliaji Egipto. jlinaitatsakja jnaufakaruda njaji jnadiotenai njaji Egiptorikuperi.